#الزوجه الثانيه

البارت5

#الزوجه الثانيه
للكاتبة Shifaa Alomswy

البارت5
تعصبت حيل وكتله:-قصي طلكني...هس تطلكني بعد ماتحمل
قصي:-شنوووو شنوووو كلتي..شكاعد تلوصين انتي
ميرال:-هاي هيه  اني غلطت اصلا من وافقت المفروض ماقبل..ذليت روحي بهاي الطريقه اني وانت الي ذليتني كله بسببك..
ماكال شي بقى يباوع عليه بس عيونه نار تطلع منها
ميرال:-تعبت خلاص بعد ماتحمل هيج اني..ماكدر حتى انزل جوة ..تدري اليوم شكد عانيت بس لبين ماتغديت ...ابقى خايفه لاتشوفني نور..ماماخذه راحتي باي شي...وانت تكلي اصبري ...شصبر كلي ..ترى مستيحل اكو مرة تحب ضرتها ابد
قصي:-شوفي ...نجوم السما اكربلج..اموت وماطلكج ...ولج اني سويت كلشي وجذبت عليج لبين ماخذتج وهس تكليلي طلكني...ماريد اسمع منج هاي الكلمه خلاص...وله قسما عظما اسوي شي ماصاير بهالبيت ابد
من كال هيج اني تعصبت بزايد وصيحت
ميرال:-كلللللت طلكنننننني ماريد ابقى هين ابددددد
قصي:-سددددددي حلككج
حسيت صار عندي انهيار عصبي فجاة معد اسيطر على نفسي طلعت اركض من الغرفه ..وقصي يركض وراي
زينب:-ميرال وين تروحين تعااااي
قصي:-وكفيهااااا...ميرااال
طلعت وكلها تباوع عليه متفاجاة مني..وقصي طاير وراي
طلعت  للحديقه وتقبيت وره شجره جبيره..واسمعهم يصيحولي ويدورولي
قصي:-ميرااال وينج ..الخاطر الله لاتسوين هيج بيه ترة كلبي مفطوورر...وييييينج
اهلو كلهم طلعو للحديقه يدورولي واني مقبيه نفسي لان ضلمه مايشوفوني...كمت اسمع قصي يعيط ويغلط على اهله
قصي:-انعل يومكم كلااااب كلكم...تخبلتو لان تزوجت ...قابل اووول وله اخر واحد يتزوج على مررته...اكفررر بيكم ...محد لوه دخل بيه محد لووة علاقه بحياتي انعل الشريف المابيكم..حرام يعني حبيت وتزوجت .لوحتى الزواج على مزاجكم ولد الكلاب...ولج زينب شغلي لايتات الخارجيه كلهااا بسررعه
شغلت زينب اللايتات الخارجيه ..وصار ضو قوي ...حسيت اجه قصي لي عندي..بس مايعرف اني ورة الشجره
زينب:-ميرال عيوني وينج اطلعي
قصي:-حياتي وينج..تعاي موكلبي تعب هواي
حسيت ماضل الي مهرب...كعدت وكمت ابجي..وسمعوني على صوتي..اجه قصي بسرعه بأتجاهي.شافني وحضني كبل
ميرال:-عوفني عووفني
قصي:-ماعوفج والله...اهدي أهدي يروحي ...كام يمسح بدموعي ويهدي بيه..كومني وسحبني من ايدي وفوتني جوة..جان يكول:-اسمعو كلكم ميرال مرتي رضيتو اولا.مايهمني رايكم كلكم وغصب عنكم تحترمونها...والي مايعجبه الحجي مالي غرض بي ابد ولا اله غرض بيه..وهذا الحجي الكلكم....
صعدت لغرفتي وكبل تمددت واخذتني انومه ماعرف شصار وراي...جانت نومه هم  وغم موراحه..اجه قصي ونام يمي يعني بس حضني ونام...اني اي ردة فعل ماجان عندي...كعدت الصبح فتحت عيوني باوعت قصي ماكو يمي رجعت كملت نومتي..فجاة سمعت صوت قصي يكعد بيه
قصي:-حياتي اكعدي اجت غرفه الخشاب تايفوتوها ويدكوها
ميرال:-اوك...كمت شلت الجنط مالاتي وتحولت بالغرفه الخ...جنت اباوع من فتحت الباب..قصي وثلاث زلم يفوتون بالغرفه..ماشفت شي منها ماتبين لان مفصخه..كملوها ودكوها وراحو..وصاحني قصي:-ميرال تعاي شوفي الغرفه...رحت شفت الغرفه..
بصراحه كلش انصدمت من شفتها تجنن ..خشابها راقي ويلمع والمرايا تجنن والتخت والزاويه كلشي بيها يخبل...
قصي:-هاا حلوة
ميرال:-موبس حلوة...تخبل والله
قصي:-يعني عجبتج.
ميرال:-اي والله كلش عجبتني
قصي:-اروح هس اجيب دوشك للتخت وجرجف وغراض للغرفه شاكو شي ماقصها اروح اكمله..لان الكيه مال صديقي بعده بره ينتضرني
ميرال:-اوكي تمام
طلع قصي...جان تصعد نور
نور:-ماشاءالله والله عاد تستاهلين ههههه..بس مااكول غير حسبي الله ونعم الوكيل وعمرج ماتتهنين بيها ياساقطه..
مارديت عليهت اعرف كلبها محروك بقيت ساكته..نزلت سويتلي شي اكله وصعدت فوك هم تمددت ونمت..احس بس اريد انام بهاي الفتره يمكن لان ماكو شي اسوي او احد احجي معاه..اخذتني النومه..وكعدت على صوت قصي..اكعدي عيني شوفي الجبتهن..باوعت مخلي الدوشك على التخت وفارش الجرجف لونه بنفسجي بداعه من صدك يخبل ومشتري بردة هم لونه بنفسجي مشجر..و بلازمه ودش..ومناشف ومزهريات وجايبلي عطور ومكياجات وتعلاكات للملابس .اني وياه كمنا نرتب بالغراض وخليت البردة الجديدة وخليت ملابس بالكنتور ورتبنا كلشي كامل
قصي:-عود اخذج للسوك تشترين ملابس..ماكدر اشتريلج هيج شي بوحدي لان ماعرف بضبط شنو ذوقج وقياسج.
ميرال:-ان شاءالله
صارت الدنيا مغرب لبين ماخلصنه.بصراحه من باوعت هيج للغرفه بعد ماخصنه وطالعه تجنن وريحتها تخبل
معرف ليش بس جاني شعور حلو..حسيت نفسي من صدك متزوجه
صح نور كلش ضايجه من الي كاعد يصير وهذا حقها..بس قصي لوة تاثير جبير عالبيت يعني من يكول شي خلاص..وهي ماتعاندة او تحجي هواي كدامه لا ..اكثر شي وراه..
مر تقريبا اسبوع وقصي ديحاول يسوي كلشي حتى يرضيني ومايقصر وياي بشي....
فديوم من هاي الايام نزلنه جوة وتعشينه كلنه سوى لان قصي هيج راد...بس شون عشه كلها ساكته ومحد يباوع بوجه الثاني..خلصت عشه ورحت خليت القوري ع النار صبيت الي والقصي وال نور....نور ماخذت مني ماقبلت...شربت الجاي وصعدت لغرفتي..تمددت ع التخت وشغلت البلازما وطفيت الضو وكمت اكلب بالتلفزيون..
اجه قصي وتمدد يمي
قصي:-تدرين شكثر مشتاقلج ...ماتصورين والله بالي كله يمج..اريد انام بحضنج اليوم...لاتمنعيني عفيه
ميرال:-لا ماريد
قصي:-ليش
ميرال:-ماعرف ..بعد مامتقبلتك
فتحلي ايدة وكالي:-خلي ايدج بيدي
خليت ايدي بيدة...وحسيت نفسي صرت بغير عالم..بدة يلامسني بلمسات هادئه وحنونه..حسيت بروحي دخت بين اديه...وصار الي صار..قصي عنده اسلوب خيالي بالغزل والرومانسيه مالته ..خلاني بغير عالم
ماانكر انو جانت ليله كلش حلوة وحنونه وحسيت بالأطمنان وياه كلش ......يتببببع
تنويه:-صار تاخيؤ بالنشر..لانو اني دااكتب القصه بيدي من بعد ماتحجيلي صاحبه القصه التفاصيل كالمه..يعني مومحفوضه يمي وانزلها كبل لا...ارجو المعذرة