*بعضهم يبقى حيا في حنايانا وافئدتنا وعقولنا وان كان تحت التراب..*
ابوي وين؟ ممكن توروني وين؟ بصلي في ركعتين؟ ولا مشى ﻷهلنا الحنين؟ ابوي انت وين انا مشتاق افضفض ليك ضلك وين ي ابوي وين ي الكنت بتحصنا زمان💔
امي:انت جيت تبل شوق السنين بس ابوك سندنا المتين وييين؟
انا:انتي قولي لي وين؟
#*After a month*
*بين قبر وانشات صوت الدعاء رأيتها تدعو كانت كضوء القمر تلك الليلة وتفحم شعرها يتطاير مع الهواء تجذب شمالي لجنوبها فهي السمراء المضيئة❤*
مشيت قبر ابوي كنت بمشي براحة مشيت وانا سرحان طلعت من البيت الحزين بدون صوته الحنين كان قدام مقبرته في بت لابسة ابيض مضوي محجبة في مسافة بين جسمها والارض بتدعي مغمضة عيونها قعدت قصادها يسار القبر جمب راسه بست التراب وغمضت عيوني ودموعي نازلة وانا بدعي كان ليل والقمر بدر بلمع بعد فترة هب هواء نسمة باردة ابتسمت وعاينت للسماء القمر كان بضوي اكتر على القبر نزلت عيوني وعاينت لبابا عيوني وقعت على نفس البت المسافة بينها وبين الارض اختفت كانت بتعاين لي بدون تعابير عيونها حلوة❤ لونها اسود اسود غامق ورموشها كثيفة لونها اسمر لامع حجابها الابيض للمرة التانية الاحظ ليه بضوي فيه نور ..ابتسمت
ورجعت غمضت ورفعت ايديها بتدعي هب النسيم من تاني قلت
انتي منو؟.م ردت او م سمعتني اساسا عليت صوتي شوية فتحت عيونها وقالت بصوت واطي
وطي صوتك انت كدا بتزعجهم
ازعجهم؟
التحت زي المؤمن دا مثلا.هزيت راسي بإستغراب قلت
دا ابوي انتي بتعرفيه؟.هزت راسها بﻷ قلت
طيب انتي منو؟
نور
الجابك هنا بالليل شنو؟ م خايفة يعني؟
اخاف ليه؟
مثلا من الاشباح.هزت راسها بﻷ وقالت
مافي حاجة زي دي في ارواح او قرائن ممكن تقول بس هي م بتقرب عليك لو م انت اتخطيت حدودها.ابتسمت عليها كانت شايلة وردة ميزتها كويس لونها ابيض ختتها على القبر وقامت عبايتها البيضاء كانت نضيفة حرفيا ومافيها ولى ذرة تراب راقبتها لحد م اختفت وم قدرت اسألها عن نفسها وعن الجابها رشيت موية زمزم ودعيت وقمت طلعت رجعت البيت كان ضلام حالك طلعت السلم لاقيت امي نازلة قالت بتعب واضح
رءوف كنت وين حبيبي؟
قريب ي امي.بست يدها وخليتها تطلع غرفتها ومشيت غرفتي استحميت وم قدرت انوم فجأة رجعت لحالتي القديمة ساكن بدون حركة بدون صوت مجرد نفس
#*after a day*..
صحيت استحميت ونزلت امي واخواتي الاتنين بشربوا في الشاي ابتسمت ليهم وطلعت طوالي اتعودت خلاص انو انا امشي وامشي مسافات بعيدة علشان اوصل لابوي وصلت وكانت الشمس في نص السماء من بعيد لمحت نفس البت الشفتها بالليل كانت قاعدة بنفس الطريقة اللقيتها بيها ونفس العباية والحجاب الابيض المضووين وكانت مغمضة بتأني كأنو الشمس م عاكسة فيها قعدت جمبها كان في طاقة باردة طالعة منها غمضت عيوني ورفعت ايديني للدعاء بعد فترة فتحت عيوني كان في دموع نازلة منها بس كانت كأنها م حاسة بي
#*تاني يوم*..
نور يلا حبيبتي اتأخرتي.رفعت راسي كان في ولد بشبهها شديد قالت
ذهيان؟
ايوا ذهيان يلا نمشي.هزت راسها بإبتسامة ومسك يدها وقامت ضماها ومشوا قال
انا مش قلت ليك م تطلعي متاخر براك ي نور؟
حاضر م ح اطلع تاني بدونك💚
