اتحمست وقلت: نور عايزة؟ على فكرة ممكن نشوف كم دكتور ونلقى حل.
ابتسمت وقالت: انا قصدي انك تشوف بت حلوة وبتشبهك و..
قاطعتها وقلت بعصبية: نور.
نزلت راسها اتنهدت ورفعته ليها وبستها قلت: انا ما عايز غيرك ما بحب غيرك فهمتي؟ اذا عايزة انتي تكوني ام تاني وعايزة لأولادك اخوان ح نحوم العالم كله علشان نلقى حل سامعاني؟ وما تفكري تتخلي عني ﻷي بشر تاني مفهوم؟.
لعبت على ازرار التيشيرت بتاعها وقلت: وعلى فكرة انا مشتاق ليك شديد.
هزت راسها بخجل
صحينا بصوت ابوها رام وايان كانوا بلعبوا جنبنا شالت جكتها بسرعة لبسته وطلعت ليه قمت بوست الاولاد وانا مبسوط ودخلت الحمام طلعت لقيتها بتلم لرام شعرها كان فاكي عاينت ليها بإبتسامة وشها حمر وقالت: رؤوف يا بابا ما تعاين لي.
ضحكت وقلت: م اقدر.
ضحكت وقالت: يلا الغداء
- طيب.
قامت دخلت الحمام جات طالعة وشعرها لين خلته فاكي ولبست بيجامة لونها رمادي ونزلنا للغداء قعدنا اتغدينا من سكات ابوها قال: رؤوف انت راجع متين؟.
ابتسمت وقلت: ما راجع الا نور معاي ان شاء الله يعني بكرة كدا.
هز راسه وعاين لنور كانت مبتسمة وبتأكل في ايان وهو بعاين ليها ومبسوط قام طلع غرفته اتذكرت ماما واريام ضربت اتطمنت عليهم وطلعت لنور والاولاد في الجنينة
#*after 3 months..*
رام:باب مام الت عال.
شلتها بوستها وهي بتضحك قلت: طيب يلا.
نور كانت في المطبخ مشيت ليها حضنتها وبست خدها قالت: يلا الغداء
- ايان وين
-- ايان اتغدا ونام من شوية
- همم طيب.
بستها وشلت منها الصحون الشايلاها وطلعنا بعد اتغدينا دخلت المرسم واخدت معاها رام وخلتني قعدت بملل فتحت تلفوني شفت التاريخ لقيت بعد بكرة عيد زواجنا بقيت بفكر ح اعمل شنو
تاني يوم جيت راجع من الشغل لقيت رام وايان في المرسم ونور م معاهم بوستهم وقلت
- ماما وين؟.
قالوا بصوت واحد: مبخ.
قعدت اضحك ومشيت ليها في المطبخ كانت واقفة على اصابعها بتحاول تنزل علبة الحليب مشيت ضميتها ورفعتها اخدتها ونزلتها ختتها والتفتت لي قالت: اهلين.
بست خدها وقلت: يا حبيبي انتِ.
ابتسمت وقالت: كيف يومك
- الحمدلله وانتِ كيف
-- همم الحمدلله غنوة جات على فكرة
- غنوة؟ متين؟
-- الصباح ومعاها ميلاء بس
- طيب ح انزل اسلم عليهم وراجع.
هزت راسها بطيب بست خدها ونزلت سلمت على ماما وقالت غنوة وميلاء نايمين طلعت فوق لقيت نور طالعة من الحمام وبتنشف في شعرها لاحظت انها اتحننت ابتسمت وقلت: نونو دي شنو الحاجات الحلوة دي.
ضحكت وقالت: همم شكرا شكرا.
ضحكت وبست خدها ودخلت الحمام استحميت وطلعت قعدنا اتغدينا المغرب كدا ماما ضربت لي نزلت ليها قالت: انا طلبت حاجات ووصلت بس مافي توصيل يا رؤوف فدا العنوان امشي جيبها لي و دي حاجات جيبها معاك.
مدت لي ورقتين
- بس يا امي المكان دا بعيد وانا تعبان حسي وممكن اجيبهم بكرة الليلة..
قاطعتني
-- بس بس يا رءوف انت كدا بتتأخر زيادة يلا امشي وما تتأخر.
مشت خلتني اتنهدت وطلعت لنور قلت ليها وبوست الاولاد وشلت مفاتيحي وطلعت رجعت بعد خلصت متأخر وكنت عارفهم ح يكونوا ناموا طلعت شوية شوية الساعة كانت 12 تقريبا وكم دقيقة وكنت عايز اطلع بسرعة اجهز السبرايز لنور فتحت الباب البيت كان مضوي بأضوية سيلفر وفي ورود كتيرة لونها اسود نور جات وما حست انا هنا كانت لابسة فستان ابيض 3/4 بدون ايادي وبين واسع وضيق وفيه خطوة من ناحية اليسار على طول فخذها ومن ناحية ضهرها دانتيل وكانت عاملة ضفيرة لشعرها وجايباه بالجنبة وعاملة روج كبدي ولابسة حجل فضة وما لابسة على رجلها وريحتها الحلوة كانت واصلة لحد عندي حبيت شديد انها ما بتشوف اللحظة ديك لانو قدرت اوقف واتأمل فيها لوقت طويل لحد ما حست اني جيت وقالت بهمس: رؤوف انت هنا؟
- همم
-- ما سمعت صوت الباب
- جيت من برا.
هزت راسها وقالت بإبتسامة: يلا العشاء.
ابتسمت ومسكت يدها وقلت: يلا.
قعدنا نتعشى اكلت شوية وانا كنت بعاين ليها بس قالت بعدم رضا: رؤوف ليه ما بتاكل
- همم؟
-- ما بتاكل ليه!
- شبعان.
هزت راسها وقالت: بس انت ما اكلت حاجة حتى ام اتغديت كويس الاكل ما عجبك يعني؟ ممكن اعمل ليك حاجة تاني بسرعة اذا عايز.
كانت ح تقيف قلت: استني استني
ركزت بإستغراب قلت: ح اكل انتِ من الاساس مجهزة كل الاكل الانا بحبه بس ما كنت قادر اشيل عيوني عنك.
ابتسمت بخجل ورجعنا ناكل
