جريت لسديم يدها لورا بقوة صرخت بوجع
انا: عايزة تقولي شنو ها؟
سديم: رؤوف يدي
انا: يدك؟ ويد ميلاء الضربتيها طيب؟
سديم: انا ما كنت قاصدة
انا: همم انا كمان ما قاصد.
لزيتها ورجعت مسكتها من شعرها بقوة وقلت
انا: للدرجة دي بقيتي حقيرة؟ وانا الخليت اختي وهي محتاجاني جمبها وكل المرضى عشانك؟ وحتى نسيت نفسي عشانك؟ .
فكيتها ومسكت راسي بوجع
انا: اطلعي من هنا قبل ما افقد اعصابي.
رجعت شعرها من وشها
سديم: انت جاي بعد شنو ها؟ بعد شنو؟ بعد ما خليتني ﻷخوك الاعتداء علي؟
انا: اخوي مت جبرك كنتِ معاه برضاك وانا شفت كدا كويس.
ضحكت وقالت
سديم: رؤوف طلقني وخلاص
انا: رؤوف يطلقك؟ واساسا انتِ عملتي العملتيه في الحرام؟.
صرخت
سديم: رؤوف.
ضربتها كف شفايفها نزفت ووقعت على الارض
انا: مت تعلي صوتك علي فاهمة؟.
ما ردت ونزلت راسها
انا: اطلعي برا سرعة.
ما اتحركت وما ردت
انا: سرعة.
قامت شوية شوية وطلعت قعدت في السرير بوجع وكل غضب الدنيا اتمثل فيني ميلاء جات طالعة من الحمام وهي بتبكي جات جارية حضنتني وقالت
ميلاء: بابا رؤوف انا خايفة😢.
ضميتها
انا: ما تخافي انا معاك.
غطيتها
انا: اعمل ليك بزتك؟.
هزت راسها بأي بستها
انا: يلا تعالي طيب.
نزلت معاها المطبخ عملتها ليها وانا مبتسم
انا: عليك الله يت ميمو في بت كدا كبيرة وسكرة بتشرب بزة غيرك.
ضحكت
ميلاء: التمييز يا بابا رؤوف التمييز.
قعدت اضحك واديتها ليها رفعت ايديها شلتها
انا: اضعفي شوية ي بابا لانو ضهري وجعني انا.
ضحكت
ميلاء: ﻷ انت ابقى قوي شوية.
قعدت اضحك ضياء جاء نازل وهو متوتر فتح تلاجة الادوية وبقى بفتش وحتى ما لاحظ نحنا هنا .. اخدت ميلاء وطلعتها العربية وطلعت جبت حاجاتنا وطلعت اوتيل ميلاء كانت نامت وانا فضلت صاحي وما قادر اتحمل فضلت صاحي لحد الصباح ميلاء صحت بكسل
ميلاء: صباح الخير💛.
بست راسها
انا: صباح النور حبيبتي💛.
حضنتني وهي مبتسمة
انا: ح اجهز ليك الحمام علشان ننزل نفطر ونضرب لناس ماما.
هزت راسها بطيب.
بعد استحمت دخلت انا بعد خلصنا شالت
دبدوبها ونزلنا فطرنا وطلعنا جبت شريحة ضربت لغنوة ردت لي بعتاب
غنوة: ليه ي رؤوف من وصلتوا م ضربت لي؟
انا: معليش يا غنوة ما لقيت شريحة بسرعة
غنوة: خلاص طيب انتوا كويسين؟
انا: نحنا تمام انتوا كيف؟
غنوة: زميد داخل وطالع بفتش في ميلاء.
قعدت اضحك
انا: طيب اديك ليها.
اديت ميلاء التلفون وانا سايق بعد ميلاء اتكلمت معاهم
غنوة: انتوا وين؟
انا: في الطريق
غنوة: لوين؟
انا: مكان ي غنوة
غنوة: عارفاه مكان انا عايزة اعرفه هو زاته وانتو ليه مت مشيتوا البيت؟
انا: عرفتي كيف انتِ
غنوة: انا ضربت اتطمن عليك عند امك وقالت ما جيتو
انا: ليه يا غنوة؟ انا حسي ماشي احجز راجع لم اجي بنتفاهم
غنوة: راجع وين يا رؤوف؟
انا: روسيا
غنوة: نعم؟ رؤوف لو ما عملت الجيت عشانه انا ما ح اخليك ترجع
انا: غنوة انتِ مفروض تقولي لي ارجع بعد الحصل
غنوة: حصل شنو يا رؤوف؟
انا: همم خليني لم اجيك
غنوة: طيب امشي البيت لانو امي قلقانة عليك
غنوة: طيب ي غنوة.
قفلت منها ورسلت لأمي عنوان الاوتيل و معاها انا رؤوف يا امي.
ميلاء لفتتني: بابا رؤوف شوف.
كانت بتأشر على دبدوب بشبه حقها شديد بس كبير شديد ابتسمت
انا: رايك شنو نجيبوا؟ .
هزت راسها بأي رجعت وسقتها ونزلنا جبته ليها وهي بتضحك واخدت ليها حلويات ورجعنا الاوتيل نزلنا وماشين وهي بتتكلم وبتضحك بتاع الريسيبشن نبهني انو عندي ضيف مشيت لقيتها امي ميلاء فكت دبدوبها وجرت ليها امي شالتها بوستها وبقت بتسلم عليها بعد نزلتها عاينت لي بدموع دموعي نزلت وبست يدها وراسها وبقيت بسلم عليها بعد قعدنا
امي: ليه ما جيت البيت يا رؤوف ما اشتقت لينا من 7 سنة يعني؟.
هزيت راسي بﻷ
انا: انا راجع الليلة
امي: والله ما بتمشي يا رؤوف قبل مت اشبع منك
انا: يا امي..
امي: خليتك مشيت اول مرة تاني ما ح اخليك قوم جيب حاجاتكم وسلم المفتاح انا وميلاء منتظرين في العربية
امي: امي احسن لي ارجع والله.
هزت راسها بﻷ ومسكت ميلاء وطلعوا اتنهدت بألم وقمت طلعت جبت حاجاتي انا وميمي ونزلت لحقتها كانوا بتكلموا مع غنوة وبضحكوا ابتسمت عليهم وسقت على البيت لم وصلنا ميلاء عاينت للبيت بخوف شلتها
انا: ميلاء مافي حاجة بتخوف انا معاك طيب؟.
هزت راسها بستها وسديم جات طالعة كانت لابسة بدلة عملية بنطلون وجاكيت روزي مخطط بالطول بالأبيض وقميص ابيض وشعرها فاكي جات باست امي وقالت
سديم: يلا يا ماما انا طالعة الليلة اتأخرت
امي عاينت لينا بإستنكار
امي: ربنا يوفقك يا حبيبتي خلي بالك وسوقي براحة.
ميلاء اتعلقت فيني زيادة مشيت على شعرها علشان تهدا بعد مشت
ميلاء : بابا انا ما عايزة هنا.
امي عاينت ليها باستغراب
امي: في شنو ي ميمي.
انا: مافي حاجة ي امي.
امي ابتسمت
امي: لو تعرف انا مشتاقة ليكم قدر شنو.
بست راسها
امي: ما ح ارجع بدونك المرة دي.
ابتسمت وقالت
امي: انت المرة دي مت ح ترجع بدون سديم.
ابتسمت بألم
امي: دخل ميلاء وتعال عايزاك.
هزيت راسي بطيب وطلعت
