ونزلت لرام وايان بوستهم وكانوا بلعبوا ما اشتغلوا بي قعدت اضحك وطلعت تلفوني ضرب كانت غنوة قعدت اتكلم معاها ونحنا بنضحك قالت : قالوا لي بكرة عندكم حفلة يا خاينين
- حفلة شنو يا بتي انتِ هلوستي ولى كيف
-- ماما قالت بكرة ح تعزم صحباتها وكذا علشان تعرفهم على نور وهي كانت ناوية من فترة علشان توريهم انها مرتك وبعد طلعت بت المرحومة خالتو دنيا قررت كدا
- همم وانا ما عارف كويس والله.
ضحكت وقالت: ما تستعجل انت ما لاقيتها من الصباح.
سمعت صوت البيبي وجد ببكي قالت: ها نادر عملت ليه شنو كمان
نادر:ما عملت ليه حاجة انتي عارفة ولدك دا بكاي كيف.
قعدت اضحك قالت: اضحك اضحك ما انت ما عارف الموضوع كيف بس قريب يا رؤوف قريب
- ولا قريب ولا حاجة نحنا اكتفينا برام وايان
-- كيف يعني استنى برجع ليك.
قفلت وطلعت فوق ولقيت نور غسلت وقاعدين هي وماما بتونسوا سلمت عليهم وماما قامت طلعت ورجعت قالت: يلا يا نور.
عاينت ليهم بإستغراب قلت: على وين؟
ماما:تدخن.
هزيت راسي بطيب وقمت دخلت الغرفة خالد ضرب لي كان في شغل ضروري قمت جهزت وطلعت قلت لماما وبوست الاولاد وطلعت رجعت المساء لقيت نور بتصلي والاولاد بشربوا في حليبهم بوستهم ودخلت الحمام وطلعت قعدت جمبهم ايان اتعلق على رقبتي وهو بضحك نور سلمت وجات قعدت جمبي ضميتها علي وبست راسها قالت: كيف يومك؟
- كان في صفقة مهمة واخدتها الحمدلله.
ابتسمت ورفعت ايديها وقالت: ربنا يوفقك ويعليك كمان وكمان.
بست راسها وقلت: انتِ خليك معانا وادعي لي وكل حاجة ح تكون كويسة.
ابتسمت وقالت: يلا العشاء جاهز وايان ورام اتعشوا وسبقونا
- طيب يلا.
قمنا اتعشينا وهي لابسة عباية الصلاة لسة قلت: نور انتي ما ملاحظة انك لابسة عبايتك لسة.
ابتسمت بتوتر وقالت: كدا مرتاحة
- امم.
قمت بست راسها وقلت: ح انزل اتطمن على ماما واريام وراجع طيب؟
-- همم مستنياك.
ابتسمت ليها ونزلت امي كانت قاعدة في الهول ومحمد في حضنها سلمت عليها وشلته بوسته كانت بتعاين لي وبتفتح خشمها لكلام وبتقفله قلت: امي قولي في شنو بدون مقدمات بالله
- ما نفسك تجيب لي بيبي جديد يفرحني؟
-- امي
- شنو ي رؤوف امي امي انت ليه ما بتحب تفرحني ليه بس؟ يعني ما نفسك تخليني مبسوطة؟ اذا انت عندك اولادك نور كمان محتاجة يكون عندها ولدها المن بطنها حتى لو كانت معتبرة ايان ورام اولادها حتى هي عايز تحرمها يعني؟.
دموعها نزلت نزلت محمد وقمت قعدت على رجولي ومسحت ليها دموعها ومسكت يدها قلت: امي اهدي انتِ لو عرفتي السبب انتِ نفسك ح تمنعيني عنها
- طيب ها قول وخليك عارف لو ما اقتنعت من هنا للشهر الجاي لو ما سمعت العايزاه عارف كويس ح يحصل شنو
-- امي انا ما بقدر اقرب على نور اساسا
- نعم؟
-- نور ابوها ظلمها بالخفاض
- خفاض؟ بس دا ما بمنع
-- خفاض فرعوني يا امي فرعوني يعني حرمها من حقوقها كاملة فاهماني انتِ؟.
ختت يدها على راسها وقالت: مافي اب بعمل في بتو كدا حسبي الله عليه حسبي الله.
ربت على يدها وقلت: يلا انا طالع ح تكون مستنية.
عاينت لي بدموع وقالت: خلي بالك منها
-- نور في عيوني ي امي💚
- يلا امشي.
بست راسها وطلعت لقيت نور بتطلع في العباية عرفتها كانت خجلانة ليه علشان الفستان قصير قعدت اضحك بدون ما احس ايان ورام كانوا حايمين معاها عاينوا لي بعدين رام جاتني
- بابا بابا.
شلتها وانا ببوسها وايان جاء كمان نور قالت
: رام وايان يلا يا ماما تعالوا خلوا بابا عايز ينوم.
ايان كان عايز ينزل مسكته بوسته وقلت: همم ﻷ انا بكون مرتاح معاكم وبنسى حاجة اسمها تعب💛.
ابتسمت لي ورام نزلت مني مشت ليها شالتها رام ختت راسها على صدرها ومسكت فيها نور ابتسمت وفضلت تمشي على شعرها لحد ما نومتها ومشت ودتها غرفتها وايان فضل صاحي اتسطحت في بينه هو ونور كان شايل ارنب بتاعه بلعب بيه ونور بتحرك محبسها بتوتر رفعت ليها راسها وقلت: حبيبي في شنو.
هزت راسها بﻷ وقالت: متوترة من بكرة بس خايفة ما اطلع حلوة واوطي راس ماما ريل
- والله انتِ لو عارفة نفسك حلوة كيف ما ح تتكلمي تاني.
حسيت ايان نام قمت طلعته غرفته مع رام ورجعت ليها لفيت يدي حولها وبستها صحيت الصباح قبلها بستها وكان الاذان ما اذن لسة قمت استحميت وفتحت اللابتوب اشتغلت عليه شوية والاذان اذن نور فتحت عيونها شوية شوية قمت قعدت جمبها رجعت ليها شعرها لورا وبست راسها ابتسمت وقالت: صباح النور
- يلا قومي.
همهمت بستها وقمت من جنبها قالت: اديني الجكت بتاعي
- امم ﻷ انا من الاساس شفتك عايزة تخبي شنو قومي يلا
-- رؤوف ياخ
- امم ﻷ.
بوزت بزعل ودموعها بدت تنزل اتنهدت وشلت الجكت بتاعها مشيت ختيته عليها ولفيت ايديني عليها ومسحت ليها دموعها قلت: في شنو يا نور دا كله خجل يعني.
نزلت راسها رفعته ليها وقلت: حبيبي قولي انا عارف عندك كلام.
قالت: رؤوف انت لم تعاين لي وما تقدر تقرب علي الملائكة بتلعني لانو..قاطعتها بستها شوية وبعدت عنها قلت: يا شافعة دا اذا انا قربت عليك وانتِ بعدتيني علشان ما عايزة ما علشان العندك فهمتي؟.
هزت راسها ضميتها علي وقلت: وانا ما ح افكر في الحاجة دي ابدا طول ما هي بتأذيك.
هزت راسها قلت: يلا علشان نصلي
- طيب
