*4/7/2019*
*(( تحديدا يا رؤوف تالت يوم من طلعتني من المستشفى يا حبيبي
نفسي وانت بتقراها تبسطني وما تبكي وتدعي لي
وانا ح احكي ليك حصل شنو قبل سنين وبعد ما انت سافرت متذكر يا حبيبي عقدنا الحلو ونحنا صغار؟ متذكر خوفك علي انت؟ بس عارف يا رءوف ما عرفت تأمن علي خليتني لوحش فضل ليالي السنين ينهش في جسمي انت مفكرني خنتك يا رؤوف؟ انت جواك عارف انا ما بخونك عارف انا ما لي غيرك ما انت بعدك الدنيا خراب يا حبيبي عارف كان بديني مخدر بدل ادويتي الانت جهزتها لي ووصيته عليها كان بجي بقطعني وانا ما قادرة اتحرك في البداية ما كنت عارفة الا لم نسى يوم الحقنة في الغرفة رؤوف خلاني مدمنة يا رؤوف ربي يسامحك يا ضياء حاولت امنعه حاولت كتير حاولت اهدده بس كان بضربني وكان بجرحني وبطفي سجايره علي كان بعتدي علي على حبيبتك مرتك بأبشع الطرق يوم انت جيت يا رؤوف جيت عشاني ولقيته معاي بمنظره داك كان بحاول يقرب علي بس ما واعي كنت عايزة اهرب بس لقيتك انت لقيتك وما عرفت اعمل شنو وتاني كمان قبل ما انت تجي بسوء فهمك وتعتدي علي عذبني وحاول كمان بس هددته انتحر يا رؤوف وكنت ح انتحر بس ما يقرب علي وجيت انت ،، انت انا ما زعلانة منك عارف ليه؟ علشان انت حبيبي حبيبي قبل راجلي انت صحبي العلمني الصاح والعلمني ابعد عن الغلط انت نفسك راجلي الاديتني احلى هدايا التؤام ايان ورام همم متذكر لما بنقول ح نعرس ولدك لبتي علشان يكونوا قراب من بعض؟ اهو طلعوا مع بعض بدون عرس من بطن ام وحدي في نفس الرحم وفي نفس الجوء وبتغذوا مع بعض وعايشين ماسكين بعض في نفس اللحظات رابطهم اقوى من بت وراجلها
الرسالة التانية:
كنت عارفة ما ح انتظر واولدهم دا كان الاحتمال الكبير وزي ما حصل بالضبط اول ما دخلت السابع تعبت واضطرا الدكتور يولدهم بموافقتي وتخلص حياتي قبل ما تبدا معاكم يا حبيبي كل المخدرات الاخدتها عملت مشاكل في اعضائي الدكاترة كانوا مستغربين كيف الاطفال ديل عايشين انت عارف ليه؟ علشان هم اولادك وطالعين زيك كنت مصرة اجيبهم بالرغم من خطر حياتي وحياتهم بس منو يعرف يمكن يعيشوا ويذكروا ابوهم فيني
عارف يا حبيبي لم اقول ليك بكرهك قصدي شنو؟ قصدي من الباء حبك يا حبيبي فعل ما لم يفعله الهوى بقلبي ومن الكاف كوارث قلبي الطبيعية من ارتجاف لصوتك واهتزاز لحديثك ومن الراء رتوعك في قلبي ولعبك بالحبل ومن الهاء هيامي وهواي لنبضك ومن الكاف الثانية كمال الحب وكمال الكمال والكلام للقائك يا حبيبي اتفهم؟..
عارف غنوة هي العرفت بحملي قبلي يا رؤوف واول حد فرح فرحت اكتر مني انا الحامل عارف يا رؤوف غنوة دي نعمة مباركة وميلاء طالعة نفسها بالضبط كنت بحضنها لم اشتاق لريحتك يا رؤوف كانت متعلقة بيك شديد طول ما نحنا قاعدين هي بتكون بتتكلم عنك عارف انا حتى لو ما كنت بعرفك كنت ح احبك من كلامها واعشقك ،، عارف نادر بكا لم عرف بالحصل عارف قال شنو؟ قال انا عارف اخوي ما بغلط بس حاولوا حاولوا ما اجيب اولادنا ي رؤوف انا نفسي فيهم شديد وعارف شنو انا عايزة اموت وانا بين ايدينك ما عايزة بت يحصل ليها نفس الحصل لي ما كل الاولاد ضياء بس كمان ما كل البنات سديم سوستك ربنا يسامحك يا ضياء ربنا يسامحك ويهديك انا ما عارفة بكتب وببكي ليه يمكن علشان ما ح اشوفكم تاني ويمكن علشان ح اطول وما اشم عطرك ويمكن ويمكن بس عارف انا اشتقت لحضن ماما شديد اعتذر لي منها لانو ما كنت بتها الرفعت راسها وانا وحيدتها الوعدتها ح اصل السماء انا طولت منها لي سنين من النومة الدافية معاها سنين طويلة كمان ولى ابوي الوعدته اخلي بالي منك اسفة يا ابوي ما قدرت على وصيتك وما خليت بالي من حبيبي زي ما قلت لي همم ماما ريل كانت دايما بتهتم بي كانت لم اتأخر في الجامعة بلقاها منتظراني بخوف بتجي جارية علي تتأكد اذا انا كويسة بابا راوي كان بعمل اي حاجة لسلامتي وحمايتي بس عارف هو ما قدر يبعد عني الشر الوحيد الحصل معاي ))*
رميت الرسالة وصرخت بوجع وانا منهار على الارض انا كنت بقاوم كل الحصل واكمل اقرا يعني انا ظلمتها ومفكر انا المظلوم؟ عانت دا كله بسببي؟ كان بعمل فيها كدا؟ وانا هنا مبسوط؟ ها؟.
صرخت بوجع الباب فتح دخل ضياء عاينت ليه وكل غضب الدنيا اتمثل فيني قمت بسرعة عليه كان عايز يتكلم ضربته لحد ما وقع ونزف قلت
وعندك وش تجي تشوف حصل شنو؟ها؟.فضلت اضربه بدون ما اتعب جاء الامن بعدني عنه بالقوة ابوي وابو سديم وامي جوا جارين ومعاهم الباقين صرخت
- خلوني اموته خلوني.
اتفكيت منهم بالقوة ورجعت ضربته وهو بقى ما واعي امي مسكتني وهي بتبكي انهرت على الارض وانا ما قادر استحمل قلت
- موتها موتها و حرمني منها يا امي انا ح اقتله ح اقتله زي ما قتلها ح اعذبه اسوء من عذابها.
قمت بسرعة مسكته من رجله وفضلت جاريه وهم من وراي بحاولوا يوقفوني بس ما كنت شغال بيهم طلعت البلكونة وقلت عارف يا ضياء ح اعمل فيك شنو؟.
قال بتقطع: رءوف.
ضحكت وقلت: وانت بتعرف رؤوف منو ؟.
شلته رميته من البلكونة وانا بصرخ امي لم وصلت لقتني وقعت وانتهيت قعدت اضحك وانا ببكي بهستريا
