خليت ايان بلبس بجامته ونزلت عملت ليهم غداهم ما عايزهم ينزلوا ويشوفوا نور حسي خايف يتذكروها وانا متاكد ما ح يتذكروها بس خايف رام تتعلق فيها ما عارف كيف وصلني الاحساس دا بس وصلني طلعت لقيتها مستنيناني نشفت ليها شعرها وغيرت ليها حلقها وظبطت ليها شعرها وخليتهم يتغدوا وطلعت غرفة سديم وانا برجف قعدت جمب الباب ودموعي نازلة شوية ورام جاتني مسحت دموعي بسرعة جات حضنتني ولم شافت صور امها قامت شوية شوية وهي بتبكي وبترجف ومشت على اكبر صورة كانت بتضحك وفاتحة خشمها وانا عايز أكلها كرزة وفراولة لمستها بيدها وجمبها في وحدة صغيرة بتاعت التخريج كنت حاضنها من ورا وماسكة يدي وبتضحك قعدت على رجولها وهي بتعاين للصور وبتبكي قالت: ممم ااا ممااا.
صوتها كان برجف ومتقطع عضت على شفايفها لحد ما جرحتها ونزفت دموعي نزلت زيادة وقمت ليها شلتها عاينت لي وقالت: بابا ماما هنا شوف.
هزيت راسي وقلت: رام دي صورتها يا بابا قولي بسم الله.
هزت راسها ونزلت مني وقالت: بابا والله ماما هنا ما تقول كدا.
مسكت يدها وقلت: رام يلا نصلي انتِ الليلة ما دعيتي ليها صح؟.
اخدتها وهي بتحاول تتفك وبتنادي على الصورة نضفت ليها شفايفها وخليتها تتوضى مع ايان ولبستها عبايتها ووقفت صليت بيهم وندعي وهي لسة بتبكي وجسمها بقى سخن وعيونها زي الدم وجسمها بقى كله احمر شلتها هي وايان كمان كان ببكي طلعتهم في حضني وحاولت اهديهم رام كانت بتحاول تسكت بس م قادرة وما ح ترتاح الا تستفرغ وعلى غير عادتها المرة دي طولت وهي بتبكي شوية وقامت الحمام استفرغت الفي بطنها كله نضفت ليها شفايفها وشربتها موية ونومتها مشيت غرفة سديم طلعت مفتاح الدولاب من الخزنة فتحته وطلعت الفستان الكان نفسها تشوف بتها لابساه
#*Fla$ back..*
كنا راجعين من المدرسة مرينا بعند محل فتحوه جديد بتاع ملابس اطفال صرخت
- رؤوف وقف وقف.
وقفت بسرعة بخلعة والتفت ليها بخوف قالت: المكان دا فيه فستان حلو شديد يلا يلا انا عايزاه
- سديم بنرجع ليه بعدين ياخ والله حسي تعبان بعدين حسي موقفاني في نص الظلط علشان فستان؟
-- والله ح يعجبك يلا يلا.
اتنهدت ورجعت وقلت: انتِ وحدي مجنونة
-- شكرا شكرا.
اخدتها ونزلت دخلت قبليها شوية وطلعنا وانا بضحك عليها ركبنا العربية فتحت العلبة طلعته وقالت: حلو شديد صح؟
- انتِ مجنونة لسة بدري على انك تجيبي فستان بتك يا ماما بعدين جايبة عمر 9 ليه؟
-- ما تخاف كلها 6 سنة وح تجي حضنت الفستان شديد عليها وهي مبسوطة قلت: ايتها البائرة لن تتزوجي
-- همم ما مشكلة خليه لبتك
- امم ما ح البسها الفستان الشين دا.
ضربتني وقعدنا نضحك
#*Back..*
مسحت دموعي وضميته لي وسبحان الله كان ريحته سديم بالجد كانو انا حاضنها هي طلعت علقته لرام ومشيت بست راسها وكنت عايز اقوم مسكت يدي وقالت يتعب: بابا ما تمشي تخليني براي💔
هزيت راسي وقعدت جمبها شوية ونامت فضلت امشي على شعرها الباب دق قلت اتفضل.
ما دخل قمت فتحت لقيتها غصون بتعاين وراها ابتسمت ليها التفتت وقالت: انت؟.
ابتسمت و قالت: انت ما وريتني انت منو
قلت: انا..قاطعها صوت اريام بتناديها
قالت: طيب يلا ماما اريام قالت لي اناديك للغداء
- طيب بس انا ما جيعان قولي ليها طيب؟.
هزت راسها بطيب وقامت جارية دخلت قعدت جمب رام وايان شوية والباب دق نفس دقت غصون قلت
- ادخلي يا غصون.
دخلت وهي مبتسمة وقالت: يلا معاي
- وين؟
-- الغداء ماما ريل قالت انت ما اكلت وانا ما ح اكل اذا ما اكلت.
ابتسمت وقلت: غصون يا حبيبتي انا ما جيعان اذا جعت ح اكل وعد.
بوزت وقالت: بس يا عمو المخيف انا ما ح اكل كدا وبعدين الليلة عيد ميلادي ما لازم تزعلني.
مسكت يدي وقومتني عاينت لرام جعدت وشها قلت: غصون رام وايان ح يصحوا اذا قمت من جنبهم.
قالت بإبتسامة: طيب.
ابتسمت ومشت باست خد ايان ورام وقالت: كدا ما ح يصحوا ماما دايما لم تعمل لي كدا ما برجع اصحى وبنوم.
ابتسمت وعاينت ليهم غطيتهم كويس وطلعت معاها قالت: يا عمو خفف دقنك لانو كدا بتخوف.
قعدت اضحك وقلت: طيب حاضر.
نزلنا كانوا قاعدين مستنين اول ما شافونا صفقوا وهم بضحكوا غصون فكتني وانحنت وهي بتضحك
اريام قالت: قدرتي والله.
ماما حضنتها وباستها وقالت: اكيد اكيد طبعا لازم حفيدتي تطلع قوية.
قعدوا يضحكوا قعدنا نور كانت ساكته ومبتسمة مع غصون بعد خلصنا
اريام قالت: مزن وغصون قوموا يلا جهزوا نفسكم لانو اصحابكم شوية ويجوا صح؟
مزن: اي يلا يلا ونصحي رام وايان.
كنت بعاين لنور لم جابت مزن سيرتهم نور دموعها نزلت وقامت طلعت بسرعة قلت لمزن: ﻷ يا بابا خليهم لانهم تعبانين شوية بس ساعة كدا وبصحيهم ليكم ماشي؟.
هزت راسها بطيب وطلعت مع غصون
