بعد فطرنا رام وايان كانوا نعسانين اخدتهم وطلعت غرفتها فضلت مع ابوها تحت كان بقرا في جريدة قلت: ليه عملت ليها كدا
- دي بت حرام ما بتي انت فاهم؟
-- حتى لو كانت كدا يعني ما حرام الانت بتعمله فيها؟ ها؟
ضحك وقام طلع قعدت بعصبية شوية وقمت طلعت لنور والاولاد دخلت شوية شوية لقيتها مطلعة رام على صدرها وبتمشي على ضهرها وبدت تغفى وايان غفى وخاتي راسه على كتفها مشيت اتسطحت جمبها وعملت زي ايان مشت على شعري بست كتفها قالت: المضايقك شنو.
هزيت راسي بﻷ وجريت خد رام ضربت يدي وقلبت وشها نور باستها وقالت: رؤوف خلي بتي في حالها
- ما نفسك تحضني ابوها طيب انا مشتاق ليك.
ابتسمت ورفعت يدها لفتها علي قالت: كدا كيف
- بس اولادك الشينين ديل واخدين جزء
-- هيي شين انت.
فضلت بايسها رام رفعت راسها وضربتني فكيتها وقعدت اضحك رجعت ختت راسها عليها ونامت نور قالت: بابا طلع؟
- امم.
غطت ايان ونزلت رام جنبه وغطتها اتسطحت على جنب ومسكت على صدري لفيت يدي عليها قالت: همم ما قلت لي متضايق مالك؟
- ولى حاجة بس ما نفسك نرجع؟
-- باقي يوم يا رؤوف بعدين في شنو ما حصل حاجة حتى بابا تعامله احسن.
اتنهدت وقلت: طيب خلاص.
كانت ح تقوم قلت: خليك شوية طولت من حضنك.
ابتسمت وقالت: بس ثواني عايزة اوري سارة تعمل غداء شنو وغداء رام وايان
- لسة في وقت ما تخافي خليك.
بست راسها وفجأة حسيتها سديم حتى ريحة عطرها ضغطت على خصرها واعتليتها قالت: رؤوف؟.
فجأة ركزت انو دي نور قمت بسرعة وقلت: نور اتذكرت حاجة مهمة راجع راجع.
قمت طلعت وانا قلبي محروق رجعت بعد رقت لقيتها قاعدة وهي متضايقة قعدت جمبها وقلت: نونو مالك حبيبتي
-- رؤوف انت كويس؟
- ايوا بس حبيبي انتِ مالك؟.
هزت راسها بﻷ
قلت: طيب يلا نعمل الغداء مع بعض.
هزت راسها بإبتسامة اساسا حسيتها متضايقة بسببي نزلنا المطبخ قالت: اول ح اعمل حليب رام وايان علشان ح يصحوا جيعانين
- طيب.
ساعدتها عملته ودخلته التلاجة بعد خلصنا رام جات نازلة وهي بتحك عيونها شلتها بوستها ختت راسها على كتفي نور مشت على شعرها وبوستها رام رفعت راسها بفرح وقالت: ماما ماما.
نور شالتها وهي مبسوطة وادتها بزتها جات الشغالة قالت: اولاد عم نور هنا.
عاينت لنور ابتسمت وقالت: رؤوف اطلع ليهم انت انا ما لابسة حجابي وما عندي علاقة معاهم.
بست راسها وقلت: طيب
طلعت ليهم سلمت و قعدوا شوية وقمت جبت لنور عبايتها وحجابها اخدتهم ليها كانت بتضحك مع رام قلت: نور جبت ليك عبايتك يلا اطلعي الغرفة احسن ليك.
هزت لي راسها بطيب وقامت لبستها ومسكت رام من يدها ابتسمت ليهم وطلعت شوية وجات مارة وقفوا على طولهم قالت: السلام عليكم.
واتحركت ماشة كانوا 3 اولاد واحد قال: نور استني جينا نطمن عليك بعد وفاة ذهيان بس غريبة نجي نلقى راجلك الجديد معاك.
نور وقفت بدون ما تلتفت ليهم راسي وجعني شديد عرفت انو دموعها بتنزل قلت: نور حبيبتي اطلعي.
ما عارضتني وكملت طريقها رام فكتها وجاتني جارية ابتسمت ليها وقلت: يلا يا بابا الحقي ماما.
هزت لي راسها بإبتسامة ومشت لحقتها التفت ليهم وخلفت رجلي وقلت: اتفضلوا ليه واقفين البيت بيت عمكم صح؟ علشان كدا ما مستأذنين مع انو في حرمة هنا.
الاتكلم عاين لي بطرف عينه وقال: يلا نمشي وقفت وقلت: لحظة لحظة انا ما رديت ليكم انتوا جايين تتطمنوا على نور؟ ها؟ وانتوا اساسا عارفين عندكم بت عم اسمها نور؟ طيب ليه ما اتطمنتوا عليها بعد اسبوع من الحصل ؟ جايين بعد كم شهر؟ سنة الا صح؟ احب اطمنكم ما تخافوا عليها هي بين ايدين امينة ايدين راجلها الراجل الصح الح يوقفكم عند حدكم ولى شنو؟.
طلعوا بعصبية طلعت لنور بسرعة لقيتها بتبكي وبتستغفر وبتدعي لذهيان
حسيت بالغيرة بتاكلني استغفرت وقعدت جمبها مسحت ليها دموعها غمضت عيونها ومسكت يدي بست عيونها وقلت: انتِ عارفة انا بتوجع كيف لم تبكي؟ عارفة؟.
هزت راسها بأي فكيت ليها طرحتها وقلت: على فكرة لو ذهيان كان عايش كنت ح احسده عليك.
ختت يدها على شفايفي وقالت: ربنا يرحمه.
هزيت راسي ومسكتها من وشها وختيت راسي مع راسها قالت بحزن: كان اخوي الحنين علي شديد كان بحب وحدة عارف ي رؤوف اليوم الحصل فيه الحصل كنت خايفة وبدعي ليه البت ما تتخلى عنه علشان هو عاقد علي حنسته شديد يطلقني علشان يسعد في حياته بس ما وافق وهو ما قال ليها حتى لانو اتوفى.
دموعها نزلت مسحتها ليها قالت: ذهيان ولد عمي الوحيد القدر يبعدني شوية عن ظلم العيلة لي
- دا بفسر شبهكم ببعض.
ابتسمت وهزت راسها قلت: تعالي نومي شوية.
هزت راسها بﻷ وقالت: ايان ح يصحى حسي
- انا صاحي وانتِ يا حبيبتي جهزتي ليه حليبه خلاص.
ابتسمت وقالت بحزن: رؤوف ما نفسك يكون عندهم اخوان.
