لحقتها بسرعة قفلت عليها بالمفتاح وشالته في يدها وغصون بتدق على الباب وبتبكي قلت
نور افتحي الباب دا م سامعاها بتبكي؟
انت يادوب اهتميت؟ وين كانت عاطفة الابوة دي لم هي بتبكي لم تحس انها عايزة ابوها؟
نور البت لسة عيانة بطلي غرورك وانانيتك
انا مغرورة وانانية واي صفة تانية علشان بتي انا سامعني!
.لزيتها على الباب بعصبية وقلت
جيبي الزفت مفتاح دا سرعة لانو ممكن اكسر الباب عادي.لزتني عنها ودخلته في صدرها واتحركت ماشة لانها عارفة انو م ح اقدر اخده كدا بس م حذرتي ي نور جريتها بسرعة على الحيطة وقلت بعصبية جيبي الزفت دا وطلعيه لانو ممكن اطلعه انا وممكن اكسر الباب يعني كدا كدا ح ادخل ليها.قعدت تبكي وقالت
رءوف كفاية كفاية م تأمل البت على حاجة م ح تحصل
م ح تحصل؟ انتي عارفة غصون بتي وم قلتي لي وحرمتيني منها 7 سنة 7! وكمان م عايزة تخليني حتى احضنها؟ عارفة انا ممكن اعمل شنو؟ عارفة يعني شنو غصون بتي؟ علشان كدا كنا متطابقين واي حد كان متأكد انو ح يكون في تطابق؟ علشان كدا قلتي انو عمها معاه فشل؟ لانو ضياء فعلا عندو؟.نزلت راسها قلت
جيبي المفتاح بنفسك.زادت في البكا قلت
جيبيه.مدت يدها بتعب وادتني ليه فتحت الباب بسرعة وحضنت غصون بتعب قالت
انت بالجد بابا؟.هزيت راسي بتعب وقفت على طولي ومسكت يدها قلت
يلا.وقفت وفكت يدي قالت
مع ماما ح افضل مع ماما.مسكت يد نور وقالت
انت خليت ماما تبكي كتير م عايزة ح افضل معاها.قلت
غصون
عاينت لنور وقالت
ماما انزلي لي ثواني.نور قعدت على رجولها مسحت ليها دموعها وباستها قالت
تعالي نطلع المرسم ي ماما صح بتتبسطي وانتي هناك؟ .نور ابتسمت ليها وضمتها نزلت بتعب وانا م قادر اتحمل الحاصل يعني غصون بتي؟ ونور م خانتني؟ انا الظلمتها؟ اي حد انا قربت منه اتأذى العيلة خربت بسببي واخوي من سنين م عارف عنو حاجة اذا مات او عايش بس بكلامها معناها عايش مع فشل كلوي مشيت البيت لوحدي وفضلت في غرفة سديم يومين وانا قافل علي وم بخلي اي حد يجيني او حتى الهواء يدخل لي رام وايان كانوا بدقوا في الباب فتحت ليهم بتعب وانا م قادر اوقف على طولي حضنوني بسرعة وهم ببكوا نزلت ليهم الارض وحضنتهم وبوستهم بعدين قلت
يلا ارجعوا غرفتكم انا شوية وراجع.طلعت خليتهم اخدت مفتاحي وطلعت عند نور كان معاي نسخة من المفاتيح
لقيتها بتجهز لغصون في الغداء ودموعها نازلة مسكت قلبها لم حست بي هنا وقالت
نفس الاحساس تاني بعد م فكرت اني اتخطيتك
كذابة عمرك م فكرتي انك اتخطيتيني او فكرتي تتخطيني التفتت مني بسرعة لفيتها علي وحضنتها بسرعة حضنتها شديد مسكت على قميصي وبكت قالت
انت ليه بتستسلم بالسهولة دي ليه م وثقت فيني واتخليت عني
انا اسف.هزت راسها بﻷ وبعدت عني شوية ولمست جرح العملية انيت بوجع ومسكت يدها قالت
انت بتنزف ليه؟.مسحت دموعها بسرعة وقالت
يلا المستشفى بسرعة.عاينت ليه كان بنزف شديد اتحركت عايزة تبعد مسكت يدها وقلت
استني استني انا كويس
ﻷ ﻷ
نور انا ح اضمده بس عندك ضمادات؟
ﻷ يلا للدكتور احسن
نور نسيتي انا كمان دكتور نسيتي؟ يلا اطلعي بسرعة جيبيها لي.هزت راسها وقالت
طيب تعال معاي.مسكت يدي واخدتني غرفتها وطلعت وانا طلعت القميص شوية وجات راجعة ومعاها علبة الاسعافات دخلت الحمام شوية و دقت الباب بتوتر قالت
ممكن ادخل؟
ادخلي .فتحت الباب ودخلت كنت بغير فيه انيت بسبب المعقم مسكت يدي وقالت
انت كويس؟
انا كويس م تخافي.هزت راسها بخوف خلصت وطلعت برا قلت وانا بشيل في قميصي علشان البسه
غصون وين؟
نايمة.مسكت يدي وقالت
ثواني اجيب ليك قميص غير دا م تلبسه.مسكت يدها وقلت
تعالي تعالي.مسكتها من خصرها وبست خدها وراسها ورقبتها
#و اخيرا رجعنا 💙...
-هل تعلمين ي قلبي انكي بالمفضلة بقلبي؟
-ي شريكتي بالروح رأيتك تحت ضوء القمر بسمارك اللامع مرتفعة للسماء بياض حجابك الناصع اجن جنوني اخرج ما بداخلي واعاد ترميمه قبل روحي حتى تطايرت فرحا ورفرفت حبا وأخبرتني قائلة:
اتمنى فقط ان تكوني تلك الجميلة النائمة بجانبي تلك التي استمتع وانا اراها تتحدث ،، تلك التي احب استنشاق عطرها ودقات قلبها ،أيتها الوطفاء التي ضعت بدعج عينيها ،، صه ستكونين هي حتما
-اتسمعينني؟ انا اريد فقط ان تكوني صغيرتي السمراء الجميلة انثتي الألوفة وطفلتي المدللة وزوجتي الطفلة
-اتفهمينني؟ اريدك عند كل نفس وكل رعشة مناداتي ي حبيبي عند كل مقربة وكل ملامسة فقط مناداتي بإسمي حبيبك حتى عند تلك القبلة الهادئة
-اني ارى حبكي ي حبيبتي واني ارى حبي لك في كل حبة بك الفي حب
