#أينور..
بقلم سلمى سراج
✒ サルマ🌜✨
-٣١-
*للحب جناحان فهو شراكة لقلبين فعندما يبسطان ويقبضان معا يتزامن الخفقان والوجيف والرجيف والشوق فتحلق الروحان معا بإنسجام وتبدأ عصافير الحب بالشقشقة بين الحنايا والضلوع...*
#*Back..*
شربت الحليب الجابته لي بسرعة وقمت ليها لقيتها قاعدة بتصلي وبتبكي استنيتها خلصت ومشيت حضنتها بسرعة ضمتني وقالت
- اعفي لي
-- انتِ الاعفي لي بالسببته ليك
- حاسة نفسي تعبانة
-- محتاجة نمشي الدكتور؟.
هزت راسها وقالت: شوية وببقى احسن.
هزيت ليها راسي خليتها ترتاح وفضلت جمبها للصباح صحت مشت الحمام بسرعة وبدت تستفرغ غسلت ليها وقلت
-- مالك حاسة بشنو؟.
هزت راسها بﻷ وقالت: ح استحمى واكون احسن.
طلعت خليتها شوية وطلعت ماسكة بطنها بوجع وما قادرة تمشي كويس فكرت انها يوم البريود بتاعتها يمكن جهزت الفطور بعد فطرنا جبت ليها شراب ساخن وشال تقيل كانت قاعدة بتوعك وجبت كيس عليه موية سخنة غطيتها وختيت ليها الكيس على بطنها قالت بإستغراب: دا شنو؟.
ضميتها ومسكتها الشراب
- ح يخفف ليك الوجع.
ابتسمت لي فتحت ليها قرأن لانو عارفها بتحب تقرا قران بالصباح بعد فترة ختت راسها على صدري وقالت: شكرا على البتعمله لي.
ابتسمت ليها وبست راسها قلت: المهم انتِ تكوني كويسة.
رفعت راسها وقالت: رايك شنو تجيب ايان ورام هنا اشتقت ليهم.
ابتسمت وقلت: طيب.
قمت نزلت لقيتهم قاعدين بعاينوا لبعض كل واحد في سريره ضحكت وشلتهم بوستهم وغيرت ليهم ناس البيت كانوا نايمين رسلت مسج ﻷمي انو اخدتهم وطلعت نور كانت منتظرة ومجهزة ليهم حليبهم وعملت ليهم اكل ابتسمت وايان اول ما شافها قال: ماما.
هي ضحكت وشالته وبقت بتبوسهم اديت رام اكلها واخدت من بزتها وايان نفس الحاجة بعد خلصوا اكل بقوا بلعبوا معاها كنت بعاين ليهم ببسطة امي ضربت لي رديت ليها لم سمعت صوتهم قالت: همم شكلوا رواق.
ضحكت وقلت: حبوا نور شديد.
قالت وضحكت: كلنا حبيناها والله ولى شنو؟.
قلت: همم همم
-طيب يلا انزلوا الفطور
--نحنا سبقناكم بس شوية وبننزل ليكم
-طيب تمام.
قفلت منها لقيتها بتبكي ورام وايان بعاينوا ليها وعايزين يبكوا مسكت يدها وقلت: نور في شنو.
قالت بخنقة: مافي شي
- كيف مافي شي وانتي بتبكي كدا.
التفتت لي وقالت: بطني واجعاني شديد.
ضميتها علي وقلت: ح اقوم اشوف ليك مسكن
-كم يوم وح يروح.
رام قعدت تبكي علشانها وقالت: ماما.
قلت: ثواني اضرب ﻷريام تجي تاخدهم.
قالت بزعل:ليه لكن انا عايزاهم معاي خففوا علي كتير.
ابتسمت ورجعت ليها شعرها لورا وقلت: وانا طيب
-همم امشي اذا عايز.
قربت وشي من وشها وقلت: متأكدة؟
هزت راسها بأي بست انفها وضميتها وانا بضحك قالت: رؤووف.
قمت جبت ليها مسكن وموية اخدته وفضلت احاول اشغلها لحد ما غفت شلتها دخلتها الغرفة واخدت رام وايان كمان وفتحت ليهم التلفزيون بدون صوت قعدوا يحضروا بتركيز وانا فضلت جمبها وفتحت قرأن شوية وامي ضربت قالت
: انتو ما جايين؟
- امي نور عيانة شوية لم تتحسن شوية ح ننزل
-- بسم الله عليها مالها؟.طيب ثواني واجيك.
قفلت قبل ما ارد شوية وسمعت صوت الباب قمت فتحت جات داخلة معاي وهي بتسأل مالها دخلنا ليها لقتها صحت وعايزة تتقلب بوجع قعدت جمبها ومسكت يدها
- مالك ي نور ي حبيبتي.
نور ابتسمت بالقوة وقالت: انا كويسة ما تخافي حاجة عادية.
مشت على شعرها وقالت:خليك طيب ارتاحي ونومي شوية.
هزت راسها امي طلعت واشرت لي الحقها طلعت معاها قالت: من متين وهي كدا؟
- الصباح بس.
قالت: اديتها شنو طيب
- عملت ليها شراب سخن واخدت مسكن.
قالت: طيب ح اعمل ليها شوربة على الغداء واجي اشوفها.
هزيت راسي بطيب بست يدها مشت على شعري ونزلت العصر نور كانت يادوبها نامت ورام وايان طلعوا جنبها وناموا اتسطحت جمبها ومسكت يدها المساء سمعت صوت الجرس قمت فتحت كانت امي ومعاها غنوة والشغالة جايبين معاهم الغداء سلموا علي ودخلوا غنوة مشت مع الشغالة المطبخ توريها تعمل شنو امي قالت: نور بقت كيف
- نامت حسي من الصباح متوعكة بس شكلها احسن حسي.
هزت راسها بطيب قالت: ايان ورام وين خليهم ينزلوا معاي تحت
- ناموا معاها.
هزت راسها بإبتسامة وقالت: للدرجة دي حبوها واتعلقوا فيها!.
هزيت راسي قالت: طيب يلا انت امشي نوم معاهم لحد ما يصحوا
- طيب.
ودعوني وطلعوا مشيت غفيت بدون ما الاحظ صحيت بنور طالعة من الحمام قعدت في السرير بتعب بست راسها وقلت: كيف بقيتي يا نونو.
هزت راسها بكويسة.
ضميتها علي عاينت ﻷيان ورام كانوا نايمين لسة بوستهم وقمت جبت ليها عصير قالت: ما عايزة ي -- رؤوف.
قلت: ﻷ ﻷ يعني ﻷ
-- رءوف
- نور قومي اشربي من سكات.
اتنهدت وشربته بست انفها وقلت: ي بت ي شطورة انتِ
#After 6 months*.
صحيت من النوم كنت رجعت من الشغل قبل ساعة طلعت نور كانت في المرسم بتاعها كانت رسامة بطريقة مبدعة ضميتها وقلت: نونو مشتاقين.
ابتسمت وقالت: الصداع راح؟.
هزيت راسي مشت على شعري وقالت: يلا الغداء طيب
- همم الاولاد نايمين؟
-- امم اكلوا وناموا طوالي
- طيب غسلي وتعالي.
هزت راسها بطيب
