المساء الباب دق ودخلت نور قالت: السلام عليكم
- وعليكم السلام
-- بقيت كيف
- الحمدلله.
سكتنا شوية وقالت-: شكرا للعملته.
قلت: غصون وين ابوها؟
-- انت شكلك ما فهمت المرة الفاتت غصون انا امها وانا ابوها ولو سمحت ما تدخل في الموضوع دا تاني
- انا عايز اعرف ومن حقي اعرف اذا بتي او لأ
-- ما بتك وتاني ح اقولها ليك هي ما بتك بتي انا وبس
- نور اعترفي منو ابوها انا ليه بحس بإحساس الأبوة قدامها ها؟
-- وانا ليه بحس احساس الامومة قدام ايان ورام نفس الاحساس ها؟
- نور سألتها عن ابوها قالت رؤوف م اظن بتعرفي غيري ليه كذبتي عليها طيب؟.
ابتسمت وقالت: ارتاح يلا عن اذنك.اتحركت تطلع صرخت ليها بعصبية: نور
التفتت ابتسمت لي وطلعت عدت ايام وانا بتاكل من جوة كنت طالع الليلة من المستشفى وغصون طلعوها قبل بيوم شلت رام وانا ببوسها كانت جايبة لي تيشيرتي وعايزة تلبسني ليه الدكتور قال: رؤوف اذا فضلت تشيل اولادك كدا وتتحرك كتير والجرح ح يفتح وما ح اطلعك اذا.
نزلتها وقلت: انا عارف بعدين هي خفيفة يا دكتور وانا ما قمت من مكاني.
هز راسه وقال: قلت ليك وحذرتك بس.
طلع قعدت اضحك مع رام وايان ماما كانت معاي قالت: رؤوف الدكتور كلامه صح.
اتنهدت وقلت: طيب.
لبست تيشيرتي وطلعنا الطريق كله كانوا حاضنني لعبت على شعر رام عاينت لي وقالت: بابا انا عايزة نرجع روسيا انت لم جينا هنا بقيت حزين وعيان.
ابتسمت وقلت: طيب ح نرجع بس نتطمن على غصون اول طيب؟.
هزوا راسهم قلت للسواق انو يمشي على بيت نور لانها رفضت تمشي مع امي او غنوة خليتهم في العربية ونزلت لقيتها نايمة في الغرفة ونور ما معاها
بست راسها ويدها فتحت عيونها ابتسمت ليها قالت: عمو المخيف.
هزيت راسي وقلت: كيفك يا غصون.
هزت راسها بكويسة قلت: وين ماما.
هزت راسها بما عارفة قالت: عمو المخيف وين رام وايان
- غصون انتِ ما عارفة اسمي؟.
هزت راسها ب م عارفة قلت: طيب رام وايان خليهم حسي وبكرة بجيبهم ليك طيب؟
هزت راسها بتعب بوستها وانا طالع لقيت نور في وشي جريتها من يدها معاي للهول قالت: انت الجابك هنا شنو؟
- نور قولي بسرعة غصون بتي ولى لأ.
فكت يدي بقوة وقالت: اطلع من هنا.
مسكتها من كتفها بقوة وقلت:بتي ولى ﻷ
- واذا بتك يعني؟ ها؟ ح تاخدها مني؟ ح ترجع لي 7 سنين من عمري؟ ح تحضر ولادتها؟ وتعلمها تتكلم؟ ح ترجع الزمن علشان تعلمها تمشي؟ ح تمنعها من اول يوم اتكلمت وقالت بابا لي ح تمنعها تقولها لي؟ ح تجيب ليها اي حاجة كانت عايزاها وهي طفلة؟ انت الكنت ح تسهر عليها اول يوم مرضت؟ ولى كنت ح تمشي انت مدرستها لم يكونوا عايزين اهلها ولى انت الكنت ح تعلمها تسوق العجلة؟ ولى انت الكنت ح تقريها وتفرح اكتر منها بنتيجتها ح ترجع تشوفها بتكبر في بطني؟ ولى كان نفسك المرض يجيك وما يجيها؟.
عاينت ليها وبديت ارخي يدي منها دموعها كانت نازلة قالت: انا الاخدت دور امها ودور ابوها انت مافي علاقة بتربطك بيها يا ريت تخلينا في حالنا وتلم حاجاتك وترجع من محل ما جيت.
ضغطت على يدها وقلت: غصون بتي ولى ﻷ؟.
اتدخل صوت امي: نور كفاية خلاص عليهم الاتنين هو عايز بته وهي عايزة ابوها
نور: وانا؟ انا ولى حاجة صح؟ كل الاتعذبته واي حاجة عملتها ولى كأنه انا العملته ولى كأنه انا الاتعرضت للاعتداء من الحبيته بأبشع طريقة ولم ظهر اني حامل ولا كأنه لمسني ونكر انها بته وبسألني عن ابوها وبعد كل السنين دي عايز ياخد حق انو ياخدها.
قلت: نور انتِ بتقولي في شنو وبعدين كيف هي بتي؟ انا ما لمستك وما متذكر اني مرة اتوددت ليك حتى بالغصب خلي اعتدي عليك انتِ مجنونة؟.
ضحكت وقالت: شايفة يا ماما ريل شايفة؟.
اتدخل صوت ضحكة غريبة التفت كانت اريام ومعاها بت كنت بشوفها دايما معاها زمان نور قالت: هديل؟
هديل:اهلين ي نور.
نور ابتسمت ومسحت دموعها وانا فكيتها هديل قالت: احب اقول ليكم انت وهي انتوا الاتنين ح تضيعوا حياتكم بعنادكم وانتوا مغمضين عيونكم.
التفتت لي وقالت: رؤوف غصون بتك بس انت عارف ما متذكر ليه؟.
سكتت وقالت: انا انا كنت بغير من نور ليه الشافعة العميانة دي تاخدك انت في لحظة وانا فضلت سنين بجي لأريام ومصاحباها بس عشانك انت ها؟ ختيت مخدر ومنشط في العصير بتاعاها لما كنا في الجنينة قبل 7 سنة علشان تعمل حاجة غير لائقة وانت تطلقها بتذكر كان يوم عيد زواجكم بس بالغلط شربته انت همم فهمت كدا؟ فهمت؟
عاينت ليها بإحتقار غصون جات نازلة قالت: ماما في شنو
عاينت ليها ودموعي نازلة نور قالت: غصون غرفتك سريع.
عاينت ليها بإستغراب وقالت: ماما دا بالجد بابا انا سمعتكم.
مشت بسرعة مسكتها وطلعتها الغرفة
