تلفوني ضرب كانت امي قالت: رؤوف انزلوا اتغدوا معاي اريام وخالد متأخرين
- طيب حاضر بس خلي وحدي من البنات تجي تقعد مع رام وايان ﻷنهم نايمين
-- خلاص طيب.
قفلت منها وقلت لنور لبست حجابها ونزلنا بعد اتغدينا قعدنا نتونس ماما قالت: نور طلعي حجابك خالد ما ح يجي حسي اخدي راحتك.
ابتسمت وهزت ليها راسها ونزلت طرحتها لكتفها امي عاينت لرقبتها وقالت: نور سلسلك حلو.
نور لمسته وقالت: دا سلسل امي الله يرحمها.
امي ابتسمت بحزن وقالت: انا وتؤامي كان عندنا زيهم انا مفتاح وهي القلب زي بتاعك دا.
نور ابتسمت بعدين امي استأذنت وقامت شوية ورجعت ومعاها سلسها بتاع المفتاح ادته لي وقالت: خليه معاك علشان واحد يكون معاه القلب والتاني المفتاح نحنا كنا بنحس ببعض وانتوا بتحسوا ببعض.
ابتسمت وشلته منها قعدنا شوية وطلعنا فوق المساء دخلت ادوشت وطلعت لقيت رام وايان كل واحد ماسك بزته وقاعدين وبضحكوا مع بعض ضحكت وقلت: انا انوم وين يا الجوز الحلوين انتوا نايمين من الصباح وما عايزني انوم كمان قعدوا يضحكوا خليتهم في النص واتسطحت ايان اتسند على رجولي ورام حاكته بوستهم وانا بضحك وضميت نور كانت رابطة شعرها فكيته ليها نزل على وشها رجعته ليها لورا وختت يدها على صدري قلت: عايزة تنومي؟
- احتمال م عارفة.
ابتسمت وفضلت العب على شعرها هي ما شاء الله شعرها طويل لربع فخذها تقريبا قلت: ما نفسك تتحنني.
همهمت وقالت: اذا عايز بقول لخالتو تضرب للبت بكرة تجي
-امم الحنة حلوة
ابستمت بخجل
ايان جاء طلع على صدري ومعاه رام لفيت يدي عليهم وبوستهم ونور شالت منهم البزازات قالت: اخخ.
بوجع وفضلت تحاول تفك شعرها من سلسالها قلت: نور ثواني ثواني تعالي.
قربت لي وهي بتستغفر فكيت ليها شعرها ولاحظت القلب فيه مكان مفتاح شلت من الدرج جمبي مفتاحي وقربت نور مني وفتحته طلع منو ورقة نور قالت: في شنو
- همم بشوف اذا ح يفتح
-- وفتح؟
- امم ثواني.
فتحت الورقة كان مكتوب
" اختي اذا يوم لقيتيها طفلي امانة عندك."
فهمت انو دي امها ودام فتح بمفتاح امي معناها هي نفسها تؤام امي؟ ولا بفتح بأي مفتاح؟. همهمت وبست خدها وقلت: حبيبي ثواني وراجع.
هزت راسها نزلت ايان ورام كانوا نعسانين ابتسمت ليهم ونزلت ﻷمي علشان اسألها لقيتها بتصلي استنيتها خلصت واديتها الورقة قرتها وقالت
: دي شنو؟
فتحت سلسال نور بمفتاحك ودا اللقيته
- بمفتاحي؟.
هزيت راسي قالت بدموع
- تعال معاي تعال.
طلعت فوق وانا لحقتها وقفت في الهول وقالت: ادخل ناديها لي
- طيب.
دخلت ليها رام كانت خاتة راسها على صدرها وعايزة تنوم ونور بتمشي على ضهرها وايان نام قعدت جمبها وقلت: نونو ماما برا عايزاك.
قالت بإستغراب: ان شاء الله خير يا رؤوف
- ان شاء الله
-- اديني جكتي طيب.
نزلت رام وغطتها وشالت الجكت لبسته وقامت طلعت ليها رام عاينت لي وكانت ح تبكي مشيت على بطنها لحد ما نامت طلعت برا امي كانت حاضناها وبتبكي قالت
- نور امك اسمها منو؟
دنيا عبدالله احمد.امي بكت زيادة وحضنتها شديد وقالت: انتِ روح توأمي يا نور اه يا بتي💛 اتنحنحت امي قالت: رؤوف دي بت دنيا اختي بت توأمي يا رؤوف.
ابتسمت ليهم مسحت دموعها ورجعت حضنتها دخلت خليتهم مع بعض علشان يتكلموا مع بعض ولحد اذان الفجر حتى ماما نزلت ونور جات وهي فرحانة قمنا صلينا قالت
- اجهز ليك الفطور؟
-- همم ﻷ ما ح امشي الليلة الشغل.
ابتسمت وهزت راسها بطيب دخلت ايان ورام غرفتهم ورجعت ليها كانت مدياني ضهرها لم حست بي جيت مسحت دموعها والتفتت بإبتسامة لفيت يدي عليها وقلت: نور ليه بتبكي وعايزة تخبي علي؟.
هزت راسها بﻷ ومسكت يدي: دموع الفرح بس.
ابتسمت وقلت: طلعتي بت خالتي قلتي لي.
هزت راسها بخجل
قلت: يا خجول انت.
بستها ورجعت شعرها لورا لقيت بين كتفها ورقبتها حرقة جديدة لمستها جعدت وشها بوجع قلت: الجرحك كدا شنو
- كنت بقلي في بطاطس واتحرقت.
قلت بزهج وانا بمشي على وشها: تاني ما تعملي حاجة يا نور لم تكوني عايزة حاجة خلي الشغالة تعملها ليك
-- بس يا رؤوف دي حاجة بسيطة ما تكبر الموضوع.
- وانا ما ح استناك تتحرقي اكتر فاهمة؟ وبالجد اذا عملتي حاجة زي دي تاني ح ازعل منك.
هزت راسها بطيب غطيتها وقلت: يلا نومي
-- ماشي وين
- في شغل ح اخلصه في المكتب علشان ارسله مع السواق.
هزت راسها بطيب ونامت قمت طلعت المكتب وشوية وايان ورام صحوا عملت ليهم فطورهم فطرتهم وقعدت العبهم شوية اخدتهم على الغرفة خليتهم في النص بيناتنا ونمت من النعاس صحيت لقيتهم مافي طلعت الهول لقيت ماما طالعة من المطبخ بست راسها وقلت: ي جميل انت.
ضحكت وقالت: صباح النور.
قعدنا نضحك قلت: نور والاولاد وين؟
- نور قعدتها بعد تعب تتحنن قبل ما انت تصحى وعلى بال اجهز ليك الفطور.
ابتسمت
جرت لي خدي وقالت: ورام وايان مع محمد تحت.
هزيت راسي بطيب ومشيت لنور البت ما كانت خلصت ليها بست خدها ابتسمت وقالت: صباح الخير
- وصباحك يا نوري انتِ💚.
البت طلعت فضلت ابوسها وهي بتضحك قالت: فطرت ولى لسة؟
- همم ما دخلت الحمام لسة انا
-- طيب امشي وعلى الاغلب خالتو خلصت فطورك.
هزيت راسي بطيب وبستها وطلعت
