الكاتبه:تقى محمد
#بين_رماد_داعش
بقلم رسل
٣________٤
قاوم حتى ولو وصلتَ ممزقاً
لذة الوصول سترممك....
مااگدر اوصف شعوري واني اشوف الكهرباء الي نقطعت علينا قبل دقايق جنت كارهه حتى نفسي وماعندي اي أمل انو اطلع منا جنت قريبة من باب الغرفة بحيث فجاة صارت ظلام قويت نفسي وطلعت اركض من الغرفة لان ماعندي اي فرصة ولا راح تصح الي فرصة مثل هاي ضليت اركض وماعرف وين اروح كلبي احس دكاته يسمعها كل الموجودين.. صوت الجنود الي اقترب خلاني بدون تفكير ادفع باب حديدي قديم مااعرف شلون صار عندي كل هالقوة بحيث دفعته ودخلت بس صنمت بمكاني وفتحت عيوني على وسعهن واني اشوف اكو دواعش بنفس الغرفة التفت على الباب حتى اطلع قبل ما تجي مصيبة على راسي اكبر من الي اني بيها بس فجاة سحبني واحد منهم واني فتحت حلكي محاولة بان اصرخ بس صوتي اختفى بعد ما أخلى أيده على حلگي ويهمس بصوت ناصي من الخوف وره دقيقه يلا عرفته شنو جان يحجي ..
- اش أش راح اوخر أيدي بس ديري بالج صوتج يطلع مراح أاذيج ثقي بيه وهدأي .. أخذي نفس أخذي نفس ..
- جان يحجي واني بس اباوع بعيونه جانب مني جان يصرخ بان اصدگه لان ماعندي اي حل ثاني هزيتله راسي ودموعي نزلت بعد ايده مني ورجع شوي لوره حاولت اهدء واسمع شنو يريد يحجي بس دموعي ماكدرت أسيطرعليهن .......
- شلون وصلتي هنا منو جابج احجي واني أساعدج؟..
- حاولت أسيطر على شهكاتي وصوتي الي طلع مخنوك الله يوفقك والله يردوني هديه مااعرف سبيه للأمير الله يوفقك خليني اطلع بداعة خواتك ضليت اترجاه ....
-اني هنا جنت بس فاتح عيوني على وسعهن واباوع على هالبنية يعني صراحة آية من الجمال مع الأسف وكعت بينهم بدون تردد حجيت واني مااعرف شلون راح اخلص نفسي حتى أزيد حملي بيها بس لا ضميري ولا رجولتي تسمح بهذا الشئ .. إذا تردين تخلصين منهم أمشيء بسرعة وياي حجيتها وأخذت أيدها وطلعنه كلها ثواني وسمعت الولد الي هربنا سد الباب أخذت بأيدها وركضنا بأسرع مانگدر احاول قدر الإمكان ابتعد عن المقر قبل لا يصلحون الكهرباء وننكشف ابتعدنا بعد مدة من الركض الي هلكنه واستنزف كل طاقة منا وخصوصاً الكاع جانت جبال وبعيدة عن البنايات والبيوت وكأنوا احنه بمكان مقطوعة عنه الحياة وجو جان بي شوي برد لان جان وقت منتصف الليل ......
نورا : ماعرف شنو ادعي لهذا الشخص الي طلعلي من العدم بأسوء يوم بكل حياتي اباوع على روحي قبل كم ساعة جنت راح اقُدم هدية وتنتهي كل أحلامي وهسه اني بعيدة عنهم بمسافة لا بأس بها ..
انتبهت على الولد صارت مشيته بطيئة فجاة كعد على الأرض وصار يتقيأ ..من الصوت الي جان يصدر منه مبين عليه تعب وانو معدته جانت فارغة وكأنو يتقيأ أحشاءه تقربت منه بخوف لان هو املي الوحيد حالياً إذا صار عليه شيء اني وين اروح انطيته بطل المي الي جان بي نص انطانياه الولد الي ساعدنا نهرب وهذا كان كل الي نملكه بهذا المكان الشبه مهجور اخذه مني وغسل وجه وحجه بصوت تعبان ..
- لا تخافين هسه اگوم ونكمل مشينه عادي متعود إذا اتعب هيج يصير بيه
