الكاتبه تقى محمد
#بين_رماد_داعش
بقلم رسل
١١_______١٢
هل ياترى ؟!
لو مت انسى ما جرى !
هل ياترى؟!
لوكان عندي غيركم قلبي اليكم ما سرى!
نورا:
فزيت من النوم على موبايلي الي جان يدك
فتحت عيوني وضليت افرك بيهم ضليت اتلمس بيدي على مصدر الصوت ادور عليه بعدين لكيته واكع من السرير اول مااخذته بيدي انصدمت وحتى النعاس طار من عيني من شفت المتصل بابا رفعته بسرعة واني احس دموعي خانني ونزلن حجيت واني اشهك :
بابا حبيبي هذا انت شلونك والله مشتاقتلك شوكت تجي واشوفك ضليت احجي وياا بكلمات ودموعي تنزل اجاني صوته وهو يكول:
حبيبتي اهدي اهدي والله اتأذيني بدموعج زين وبخير ياعيون ابوج انتي شلونج والله كلبي يمج بس شبكة ماكو هاي بالقدرة يلا حصلتج شبيدي عليج ياروح ابوج اصبري بنيتي ....
-التفتت على لارا الي شكلها نزعجت من صوتي وصارت تتحرك قبل ما تكعد من النوم طلعت من الغرفة ونزلت جوه دخلت للمطبخ وجريت كرسي من الميز وكعدت عليه واني استمع البابا الي يحجي وياي شلون ما يكدرون يطلعون وهو بمنطقة محاصرين حالياً استمريت احجي وياا وكأنو
هو كبالي هسه والله احس ملكت كل الدنيا بهاي اللحظات الي سمعت بيها صوته خطيه هو بنص الخطر ويطمن بيه لان سمععني ابجي هو يحجي واني تفكيري اكوله على بيت خالتي يسافرون لو اقلقه طلعني من تفكيري صوته وهو يحجي:
حبيبتي باباتي وياي انتي الو الو..
وياك وياك بابا اريد اكولك شيء ترى بيت خالتي يردون يسافرون اني شلون وين اروح بابا والله مستحيل اعوفك واروح وياهم عفيه بابا لو تجي وتاخذني لو اني اشوف طريقة اجي بيها الك والله مااتحمل ابعد عنك بعد جنت احجي واشهك واني اسمع بابا يطمني ويحاول وياي حتى اهدأ التفتت فجأة على علي الي تحمحم ودخل مسحت دموعي واني اكمل كلام ويا بابا بعدها سالني وين اني يمكن سمع صوت علي ومن عرف اني بيت الحجية ام كرار كال:
شوفي بنيتي انتي هسه متصل بوقت متاخر باجر اذا اتصل عليج واحصلج من وكت انطيني واحد من بيت الحجية حتى احجي وياا لتخافين بنتي اصلاً متكدرين تسافرين وياهم وانتي ماعندج جواز ولا مستمسكات وشيلي فكرة تجيني من راسج من كل عقلج بابا تحجين وين تجين ليش هو اكو احد يطلع لو يدخل الموصل حالياً ..
باوعت على علي الي جان يشرب مي من البراد اشرلي بيده على الموبايل واني خليته بيده شكله سمع كلام بابا ..
علي :
اول ما فتحت عيني رفعت راسي للساعة الي جانت بـ 2:00 بعدها سمعت صوت صدر من معدتي الي جانت فارغة تقريباً من البارحة نمت من وكت من التعب وحتى بدون عشاء خطية امي ماقبلت بس اني جنت مقفل من التعب كمت وطلعت من الغرفة اتوجهت للمطبخ عكدت حاجبي واني اسمع صوت واحد يحجي من اتقربت اجاني صوتها وهي تشهك وتحجي ضليت واكف وهي ما شافتني كسرت كلبي وهي تحجي وتشكي الابوها من دخلت اول ما شافتني مسحت دمعتها هالبنيه من يوم شفتها لليوم وهي دموعها على خدها مرات تحس شكد الدنيا غير عادلة من تقسى على واحد تذله ذل اخذت مي وشربت وبعدها سمعت كلامهم الاخير طلبت منها الموبايل
اخذته منها اول ما رفعته وسلمت عليه اجاني صوته وهو يسلم ويتشكر من عدنه وبعد الكلام والسلام حجالي تفاصيل شلون هم ميكدرون حالياً يطلعون من الموصل وشلون هو حتى بيته ومنطقته تركها وكاعد بقرية بس حتى يبتعد من الدواعش بعدها انصدمت من الطلب الي طلبه مني بس اذا خليت نفسي بموقفة اكول حقة والله دمعت عيوني واني اسمعه شلون يأمني عليها ويوصيني عليها ..
