الكاتبه تقى محمد
#بين_رماد_داعش
بقلم رسل
١٧_______١٨
كما ترغَبينْ
يدي سوف أبعدُها عن يديكِ
وأبعدُ عينيَّ عن مقلتيكِ
وحتى ولو ضجَّ فيَّ الحنينْ
سأنظرُ دونَ اشتياقٍ إليكِ
كما ترغبينْ..!
أتَينا بغيرِ الزَّمانْ
وغير المكانْ
فلا تعجبي يا نيانْ
إذا ما دخانُ السنينْ
تراكمَ حتى على الياسمينْ
فلم يبْقَ في الأرضِ شيءٌ أمين
سأطفئُ شمعي كما ترغبينْ
وأرجيءُ دمعي كما ترغبينْ
ويومَ تدقُّ العصافير بابَكِ
قولي لها
تاهَ والتائهينْ..!
_عبد الرزاق عبد الواحد
علي:
طلعت شفتهم كاعدين بالمطبخ يتريكون
صبحت عليهم وقبل لا اكعد سألني كرار على جود :
يمعود وين ابني ادري ما صدكتوا خليته يمكم حجاها وهو يبتسم ..
رفعتله حاجبي وكتله ماعندك شيء يمنا هذا مالتي منو البارحة يصيح عليه وما يريده ها هو كال والله يا علي باجر يصير عندك طفل ان شاء الله وعود اشوف اذا جنت تعبان وهو يبجي او ميريد ينام عود ساعتها شوفني حالك شلون ما تضوج ....
بعدها كال هسه اريده شلون ضحكت وكتله نايم بالعسل هو ما شكله مافهم قصدي وسكت وره شويه دخلت نورا وهي شايله جود الي جان سابح ومبدل:
شوف بابا شلون سبحت جانت تحجي وتقلد صوت طفل وخلته بحضن كرار ....
بوسه كرار وهو يظحك بعدين كال:
خوية تعبناج ويانه ..
لا ولو قابل شنو سويت فدوه اله التعب
هسه من اكوم وابوس روحها على هالكلب الطيب احد يلومني لو الله خالقني جود بلا مو احسن من العيشة ويا الدواعش ومگابل عباس ....
بعد ما تريكنه كرار وعلي راحوا للحديقة طبعاً بعده البيت تحت الحراسة لان لسه ما لزموا الفاعل
واني بقيت اعزل بالمطبخ نزلت ليلى وهي دور ابنها ضحكت وكتلها شبيكم ترى مو خاطفينوا عند ابوه بره ....
هي تشكرت مني كالت تعبتج وياي بس والله الحمل متعبني ان شاء الله اردها الج ابتسمت الها كتلها لا تشيلين هم ولو احنا بيت واحد ما بينه هذا للشيء..
لارا :
جنه كاعدين بالصالة نباوع فيلم ما احس الا بضربه قوية على راسي صحت بصوت عالي اخخخ خرب رفعت راسي اباوع جود كافخني بالريمونت والله ورم راسي كلها تظحك عليه كمت اريد اكتله نوب عليه الزعاطيط امدا لحضي اخذه كرار وهو يظحك ولج طفل ميدري واني اصيح وهو يظحك ويرجع راسه بحضن ابوه بعدها بشويه كال علي سامال باجر يجي هو وعمه وياا ناس حضروا نفسكم جان يباوع عليه ورافع حاجبه واني من الفشلة بدي اختل بهدومي وهو كمل كال يردون يجون يخطبون لارا
عبالك ماشايف سحل روحها عليها بله شبي حضي اني محد يريدني ؟!..
كتله مو هاي نورا بس تصفن بوجهك وتحبك شكو حاسدني ؟!..
