الكاتبه تقى محمد
#بين_رماد_داعش
بقلم رسل
١٩_______٢٠
تقرّب من رأسها رأسه
يبكيان
وتخفي أسَاهَا
ويخفي أساهُ
تقبّله
وتعود الى حزنها المرمريّ
#مظفرالنواب
البيت بحالة انذار بسبب علي ثلاث اسابيع وهو ماكو جانت دنيا العصر اباوع على كرار خطية صار روتينه من يرجع من الدوام يروح يدور ويسأل عن علي ما خله لا مستشفيات ولا مكان ما سأل بي ويحجي النا عن جرحى وشهداء الحشد الي يجيبوهم للمستشفيات يكسرون الكلب كلهم شباب بعمر الورد ....
اجت ليلى انطته مي وهو شربه وكال يلا اني رايح هو طلع واحنا رجعنا ندعي احس ايامنا صارت فارغة اصعب شيء تنتظر خبر عن غائب والله موت بطيء لان تفكيرك بكل لحظة يبدي يصورلك سيناريوهات مرعبه او حزينة وتبقى بحاله قلق ....
عفتهم بالصالة وطلعت للحديقة اول ما طلعت ضغطت على شفتي بقوه محاولة انو ما تنزل دمعتي من شفت مكانه خالي
رفعت راسي للسماء واني ادعي من ربي انو ما يخلي البيت من وجوده والله أضيع بدونه
اصلاً حياتي شنو معناها اذا علي مو بيها صحيح اني لليوم ما عبرتله عن مشاعري بس احساسي غير واني اشوفه احسه وطن الي من بعد الغربة وامان بوقت الي فقدت الامان والايمان بيه والله من اشوفه يبتسم ابتسم تلقائيا وإذا حزين احس بالكآبة تغلغلت الأعماق روحي وعيت من صفنتي على صوت الآذان هو يحجي واني ادعي ويا كلماته الي تشرح القلب بعدها دخلت ومديت سجادتي واني ادعي الحجية جانت منتهيه وكل شوي وكالت احمد ادعي لأبنك
مو يكولون الميت يعلم بشنو يصير بأهل بيته يلا ادعي لعلي حبيبك ماكو خبر عنه
خطية كسرت كلبي تحجي وتدعي وعبالك الحجي الله يرحمه كبالها بس محد يلومها الضنا غالي اغلى من الروح كعدت يمها واني اهدي بيها بهذه الليلة وبعد ما اتصل كرار وكال راح اشوف موقع بي المصابين من الحشد محد بينا غفت عينة وكل شوي نتصل بكرار بس هو ميجاوب ....
كرار:
بأسبوع واحد احس نفسيتي تعبت والقلق دمرني ماعندي يا ناس والله ماعندي بس هذا الأخ وربي معتبره ابني اكيد حاسين وتعرفون بغلات الابن هيج غالي علي عندي اشوف بي الدنيا وماعندي سند غيره....
اصعب ايام مرت عليه من ادور عليه بالمستشفيات لو بثلاجات الموتى والله دمار نفسي شامل ولازم بعد كل هذا ترجع للبيت قوي وتخفي خوفك وقلقك لان ما يتحملون اباوع الامي احس اي خبر مو زين تنتهي التفتت لنورا الي بعيونها ضياع وشبه عايشه اوف ياعلي دومك شالع كلبي مرات اخاف من الملازم الي كشف امره اكول خاف هو سبب بس بعد الله اعلم ....
من رجعت من الدوام شربت مي وطمنت عليهم وطلعت شفت سامال منتظرني وهذا الثاني هم الله يساعد كلبه كلما يعجز من البحث يصيح ربي والله كسرة لؤي لساها بكلبي لا تكسرني بالثاني ربي بجاه نبيك محمد بعدنا ما طلعنا ودك تلفوني باوعت بس رقم وسامال يصيح على راسي ارفع الخط يالله والله حتى توترت من رفعته بالبدايه خابت امالي لان مو صوت علي بعدها اجاني صوت شخص وهو يكول :
