الكاتبه تقى محمد
#بين_رماد_داعش
بقلم رسل
٢١_______٢٢
مليت كل مغرب يمر !..
تنباگ من عندي شمس ..
واتبعها مدري بيا سما ..
واتلاگه صدفة بليل امس ..
وينعاد طيفي المو حلم ..
نفس الجرح نفس الدرس..
هو احنا لو حضنا نحس..
لـو مـا نـحـس!..
حسين علي المطوري
نورا:
جان موبايل علي على الميز بالغرفة دك مرتين ماجنت مهتمه وعلي جان بره بعدها اجت رسائل اخذني الفضول اعرف منو اخاف شيء ضروري
تقربت ورفعت تليفون قريت الرسائل من وره شاشه القفل فتحت عيوني على وسعها ونزلت دمعتي واني اشوف جرأتها وشنو كاتبة بعده التليفون بيدي ودخل علي هو من شافني انصدم واتقرب يريد يعرف شكو اني خليت ايدي واني اصيح بوجها ابقى بمكانك لا تقترب جنت احجي وابجي شمرت تليفون على السرير وكعدت ابجي ...
هو تقدم شال التليفون دموعي تنزل واني اباوع عليه شلون يقرأ وعاگد حواجبه للحظة حسيته نصدم مثلي اول مقريتها
والله ابد ماانسى شنو كاتبة وشلون معترفتله وتتغزل بي جانت دازتله:
علي لتفهمني غلط وارجوك افهمني اني احبك والله ومو هسه لا من زمان وزاد هذا الحب من خالتي الي كلما تجي وتكول انتي لعلي وانتي جنتي صرت احبك واحب كل تفصيله تخصك طولك شخصيتك عيونك وخصوصاً من تلبس العسكري تأخذ كلبي ميخالف قابله بيك حتى وان متزوج بس لا ترفضني وتفضل الغريبة عليه ....
بعدني على كعدتي وماعندي طاقة بعد من البجي !...
تقدم هو وكال:
ليش كل هاي الدموع بوية والله ماتستاهل دموعج الغالية كافي مو حتى كلبي اذيتي بدموعج ....
لا مو كافي شنو كافي علي انت شفتها شنو كاتبة بس اريد اعرف منين جابت كل هاي الجرأة وهيج تحجي وياك جنت احجي واني منهارة والله شعور الغيرة يخلق نار بالكلب
نوب بدون وعي مني نترت بي اكيد انت منطيها مجال حتى هيج تسوي اباوعله عصب وعيونه صارت حمر دم اتقدم عليه ولزمني من زندي وهو يكول:
اشو انتي متعرفين تسولفين منو منطيها مجال ها مو تشوفيني ابو ابوي شايفه بعيني من الواجب للبيت نورا شبيج شبيج والله ماجاي اعرفج زمخ بيا بصوت وطلع ....
ضليت ابجي وكلما اتذكر كلامها كلبي يشتعل نار ما اعرف شكد مر من الوقت شفته دخل مهتميت شنو يصيح عليه علمودها كعد واحذني لحضنه مد ايده ومسح دموعي باس عيوني وهو يكول:
بويه موكافي عاد رحمي بهاي العيون الأحبهم وداعتج مامفكر بيها لو اريدها جان اخذتها من زمان هي مراهقة باجر تكبر ويمكن تضحك على حالها شلون هيج كتبت
اني راح احجي وياها وافهمها ومااريد احد يعرف غيرنا لخاطر خالي الي لو يعرف جان هسه حالها غير وبويه اطمئني محد بهذا ويأشر على كلبه غيرج كافي عاد يلا ابتسمي
بعدها شوي وكال:
