الكاتبه تقى محمد
#بين_رماد_داعش
بقلم رسل
٢٣______٢٤
اعله يا ذمة توصيني....
وحياتي انت ونبض يمشي بشراييني
ويضل اسمك علامة ايوسم اسنيني
ولونك مو دمع ما شالتك عيني
ويلوموني احسك تكبر بروحي
ويلوموني ونه بلا شوفتك شينفعن عيوني
يشوگي ورجوتي ودنياي ولوني
وعذابي ولهفتي وشكواي وضنوني
يخي عونك عليه وبيك خي عوني
يواهس تضحك الدنيه على شفافك
يبو الليل الحلو اليلعب على اجتافك
احس روحي تأمن بيك وتخافك
وتوصيني لونك مو دمع ما شالتك عيني....
نورا:
كاعدين من الصبح ونركض منا ومنا بعد هاي اوامر الحجية فرحانة بعلي ماكو شغله ما خلتنه انسويها اني وليلى
باوعت عليها واني اكول بداخلي والله عجيب كلبها شايله كل هاي الطيبة والحب لأبنائها هواي تحبهم ولما علي يلتحق تحسب يوم يوم لرجعته تكول ذول عيوني ونضرها ....
طلعت ويا ليلى الي تريد تخبز جنت واكفه يمها اريد اجرب بس اخاف اباوع عليها شلون تخبز وشلون تخلي ايديها بالتنور طلبت منها اجرب اخذت العجينه خبزتها بس شكلها صار يضحك وبيها فتحات اباوع على ليلى تضحك عليه جان تكول نورا روحي يم جهالي احسن الج اني اكمل واجي خرب فشلتني خزرتها وطبيت واني اكول بكلبي همزين ما شافني كرار جان شيخلصني منا بعد توبه اذا اتقرب من الخبز بعد من اتذكر شكلها اضحك على روحي....
الساعة جانت بـ11 شوي وانفتح الباب دخلوا كرار وعلي يمة من شفت طوله احس هسه يلاردتلي روحي جنت واكفه بباب المطبخ هو جان يسلم على امه وليلى بعدها من شافني ابتسملي وافتحلي ايده واني عبالك طفلة وصارلها سنه ما شايفه ابوها نزلت دمعتي وركضت لحضنه والله بس هنا اماني هو باس راسي بعدها دخلنه كعد شوي يمهم بعدها كال :
ترى تعبان كلش ومانايم راح اسبح وانام مااريد واحد يكعدني اروحلكم فدوه....
الحجية كالتله يمه غير تتغده شلون هيج تنام....
كلها لا تعبان حتى مااشتهي ....
سوده عليه هناك يتعبون كلش وحتى نوم ماكو كمت وياا حضرتله الحمام وملابسه اريد اطلع هو لزمني من ايدي ورجع دخلني
باوعت بوجهه يربي مو وكت سوالفه ووكاحته..
رفع حاجبه وكال:
وانتي منو كلج روحي تعالي سبحيني والله مابيه حيل..
-فدوه علي انت اسبح اريد اروح عمتي منتضرتني ماكو بعد اصر دخلت ويا سبحنه وطلعنه ضليت افرك براسه الى ان نام طبعاً من سوه لعملية لسه تعلم الى افرك راسه خفيف يلا يكدر ينام جنت افرك براسه وهو غفه اباوع عليه سبحان الي يزرع الحب بالقلوب يعني ابد ما جنت متوقعه انو هيج راح اتزوج وانو هيج يكون حضي بالبداية ماجنت اشوفه غير شخص انقذني من بطش داعش اما هسه لا صار الي وطن اذا موجود اني مرتاحه وبأمان من يروح احس ضايعه من دونه بسته بوجها وغطيته وطلعت....
