الكاتبه تقى محمد
#بين_رماد_داعش
بقلم رسل
١٥_______١٦
يا معودين اهلنا !..
الگاع ضيجه من عگبكم ..
ما تسع حچام!..
تنام العين چي تعبانه مني ..
ومن نفسها تنام ..
ولك ردوا ..
حنيني يگعد الميت ..
وحشتي اتطلع بالليل الشته ..
شمس الربيع أيام ..
عين الما تشوف احبابها الحلوين ..
ماهي عين !..
ولا هي تشوف ولا هي بعمية !..
ولا هي تنام !..
مظفر النواب
علي :
طلعت من الحمام وتفاجأت بنورا جانت منهاره شنو الي صار ووصلها لهذا الحال قبل دقايق عفتها مثل الورد ودخلت اسبح حاولت وياها شگد بس حتى تحجي ماكو من شفت حالها وبجيها زاد اخذتها لحضني واني اهدي بيها بس اريدها تحجي شنو شصاير مجانت تكدر تحاوب ياربي شنو هالبنيه ما ترتاح يوم اذا مو بجي وصدمة على صوت بجيها انفتح الباب ودخلت منه امي ولارا وليلى الي جانوا يتسألون شكو وشبيها هو اني خلي اعرف شنو بيها وبعدين اكوللكم بعد مدة من بجيها وبعد ما لارا انطتها كلاص مي اخذتها امي وهي تقرأ ايات على راسها وره فترة يلا شوي هدأت حجت وطلع صوتها من بين شهگاتها وهي تحجيلنا عن الي صار ....
انو صديق ابوها متصل عليها لان ابوها كايله اذا صار عليه شيء بلغها وكايللها قبل كم يوم ابوها وكم شخص مقررين يطلعون من الموصل وبنص الطريق متعرضين لهجوم من الدواعش اكو مقتولين بلحضتها واكو معتقليهم هو مبلغها بس ميعرف ابوها مستشهد او معتقل كل الي عرفه كاله الها ....
اباوعلها وكل اشوي اتحسر على حالها ما صدكت شوي طلعت من حزنها تالي رجعت للقوقعة وبقوة انقهرت عليها كل يوم قبل ما انام تسولفلي عليه ومن خلال حجيها تبين هي شكد متلهفه على شوفته ومتمر ليله اذا ما اشوفها تتصل واكثر من مرة من يشيله تفرح وكأنوا الدنيا مو سايعتها واذا ما رد تضل تتنهد واحس بيها تضل تبجي ولساعات متأخرة يلا تنام صار هذا روتينها اليومي الي هو الأمل بعودة ابوها واني صرت حافظ حتى الوقت الي تتصل بي واكعد اطمنها واغيرلها الموضوع ..
امي من شافت حالتها اخذتها يمها بالغرفة وضلت تقرأ قران على راسها وتهدي بيها لارا نامت يمهن ماعافتها ليلى وكرار اطمنوا عليها وصعدوا ....
اما اني بهاي الليلة ما نمت للصبح ما كدرت اغمض عيني وهي بهاي حالتها امي اخذتها يمها بغرفتها كل شوي اروح اشوفها الى ان طمنتني امي يلا كدرت انام ....
نورا :
من كعدت الصبح قررت كافي حزن ليش اتفائل بالشؤم لابوية زرعت امل جديد بداخلي انو يمكن يطلع عايش رغم اعرف كلش زين الموت اهون من انو تكون معتقل بيدين هذول الوحوش ..
اني كلش زين اعرف شنو يعني يأخذونك الدواعش يعني تنحرم من الحياة يعني تنذل وتتعذب بأبشع صورة ناس ما عدهم لا رحمة ولا ضمير ومايرحمون لا صغير ولا كبير ....
