بين رماد داعش

7_______8

الكاتبه :تقى محمد

#بين_رماد_داعش

بقلم رسل

٧_______٨

في الحروب ليس الذين
يموتون هم التعساء دائماً
ان الاتعس هم اولئك
الذين يتركونهم خلفهم
الذين يموتون وهم احياء
يغرقون في حزن دائم لن يستيقظوا منه ابداً....

كاعدين مقابيل الغرفة الي بيها نورا اني وكرار وامي بأنتضار الطبيب يطلع حتى يطمنا على حالتها ....

اول ماانفتح الباب وطلع منه الدكتور اتجهنا اله اني وكرار ..

- كرار:طمنا دكتور شلونها ؟

- اطمئنوا ماكو شيء يخوف هاي وعكتها الصحية جانت انهيار عصبي نتيجة صدمة متعرضتلها ..

- انطيناها علاج وابرة مهدئة بس تكعد تكدرون تاخذوها والي اتمنى منكم ان تبعدوها عن الضغوطات النفسية والتوتر ..
-
- تشكرنا من الدكتور وبعدها دخلت امي يمها شوي وطلعت ..

- -والله يا يمة البنت حالتها حاله حتى وهي نايمة تشهك ....

- -لا حول ولا قوة الا بالله العلي العظيم
-كله بسببي هسه لو ساكت شجاني ..
-لايمه لا تكول هيج هذا مكتوب الها وخلي البنيه تعرف لواحد شكد يريد يسكت ويضم عنها السالفة ..
-الله كريم يمه الله كريم ..

-فتحت عيوني واني اباوع اني وين شنو جابني هنا اخر شيء اتذكره جنت احجي ويا خالهم ..
شكد اتمنيت انو الي صار قبل شوي يطلع حلم بس رجعت للواقع من شفت كرار والحجية يمي بالغرفة تقدمت عليه الحجية وكالت:

-هايمة شلون صرتي ؟ خوفتينه عليج ....

-ماكدرت احجي وياهه جانت العبرة خانكتني كل الي طلع مني مي اريد مي لان جنت احس ريكي يابس حتى بلاعيمي جانت توجعني من كد ما بجيت ....

-قدملي كرار المي وهو يتحمدلي بالسلامة شربت مي ورجعته وسندت نفسي على السرير واني اباوع للفراغ ليش ما رحت وياهم لو اني موجودة وياهم بذاك اليوم المشؤم جان هسه رحت وياهم وماعشت هالايام الصعبة بدونهم ...

بعدها بساعة كتبلنه الدكتور خروج طلعنه وجان علي ينتظرنه بالسيارة اول ما اتقدمنه نزل وفتح الباب النه وتحمدلي بالسلامة وضل يعتذر مني لان سمعت الخبر بهيج طريقة.....

-لا تعتذر اصلاً اني خجلانة منكم لو ما وجودكم جنبي مااعرف جان شصار بيه هسه ..

صعدنا بالسيارة وشوي ووصلنه
نزلت والحجية جانت ساندتني
اول مدخلنه على البيت تلكتني لارا من الباب وحضنتني وكالت:
حبيبتي الحمد لله على سلامتج والله وكعتي كلبي عليج ..

-ما اكدر احجي وياها احس حتى النطق فقدته هزيتلها راسي واني اشد على حضنها اكثر ..

-لارا اخذيها خلي ترتاح حجاهه علي ..