بين رماد داعش

9_______10

الكاتبه تقى محمد

#بين_رماد_داعش

بقلم رسل

٩________١٠

بلادي

وما أظن حزنا كحزن الناس فيها

ولكنها بلادي

لا أبكي من القلب

ولا أضحك من القلب

ولا أموت من القلب

إلا فيها.........))

(مظفر النواب)

لارا

من كعدت الصبح اجت عيني على مكان علي ماشفته عرفت التحق طلعت ورحت على غرفتي جهزت نفسي وطلعت للصالة شفت امي كاعدة وتباوع على اخبار الحشد والجيش طبعاً كلما يالتحق علي هي تكعد وتكابل الاخبار والله انقهر عليها بس موبيدها قلب والدة بعد ....

-تقربت عليها وبست راسها ....شبي الحلو ضايج ؟!..

- ماكو شيء يمة بس كلبي يم اخوج وهالشباب الي ذابه روحها للموت ..

-تعدلت بكعدتي واني اخلي صحن الفواكه بينا يلا كومي اكلي وياي لا تقلقين نفسج يا كلنا انتي والله يرجعلج بالسلامة تعرفينة بطل ما ينخاف عليه ..

-ان شاء الله يمة واني شعندي غيركم الله يحفظكم الي يا بعد حيلي انتم ..

-ويحفظج ياروحي انتي ....

بعدها حجيت بعد ما شفت هدوء البيت غير عن العادة يمة اشو ماكو احد لا كرار لاجود وينهم ؟!..

-طلعوا يمه راحت ليلى اليوم تشوف ابوها تكول تعبان ..

-اهاا ان شاء الله ما بي غير العافية يلا يوم اني اروح اتأخرت على الدوام ..
بس شلون تبقين وحدج ؟!..

-طريق السلامة بنيتي لا يضل بالج كرار كال بس اوصلهم اجي يمج ..

-كاعدة اني و سارة بالحديقة التابعة للمسشفى جان نهاية دوام وطلعت وياها لان جان عدها موضوع وياي ..

-سارة اول مرة صادفتها بيها بأول يوم دوام الي هنا بعد ما تعينت بنت حبابة وروحها حلوة صار على صداقتي بيها سنتين تقريباً..

سارة/ شوفي حبي اسمعيني للاخير بدون متقاطعيني وفكري وبعدين قرري ..

-صار بس احجي ..

سارة/ شوفي حبي انتي اكيد تعرفين احمد اخوية وسامعة عنه البارحة حاجاني عنج وسألني اذا مرتبطة ؟

اني كلتله لا فهو طلب اشوف رأيج يعني اذا خطبج اتوافقين وما حاجه احجي عنه انتي سامعه عنه مني ونيالي انتي اتصيرين جنتنه ..

-طول ما سارة تحجي اني تفكيري راح هناك يم ابن جوارينا ليش وشلون خطر على بالي مااعرف بس الاعرفه هو ما يوم مر اذا ما اشوفه الصبح من اطلع والعصر من ارجع كل يوم ميمل اتذكر مرة سألته وكال والله ما احس يومي يمر بخير اذا ما اشوف هالوجه ما انكر انو هو يحبني ويمكن بجنون كم مرة حاول بس اني ابد ما اطيقة ولا ابادله ذره من المشاعر الي يكنها الي حتى من اشوفه واكف اضوج بس هو دائماً يكول والله اصبر عليج واخليج تحبيني مثل ما احبج جنت دائماً اهز ايدي استهزاء بي واطلع ..