الكاتبه؛ تقى محمد
#بين_رماد_داعش
بقلم رسل
٥_______٦
كـ خيبة ذالك السجين
الذي سمحوا له بالزيارة مرة واحدة في السنة ولم يأتي احد!!. عن حال نورا وحدتها وحالها بدون وجود احد تعرفه ....
نورا :
ابد ماجنت متوقعة انو ازور بغداد بهيج ظروف وبدون ميكونون اهلي ويايه هواي حبيت الأجواء الي ستقبلونا بيها أهل علي دموعي نزلت واني اشوف الموقف كبالي لقاء علي ويا أهله شلون امه وأخوه استقبلوه بدموع الفرح وكأنو الكاع ما توسعهم من فرحتهم وأصدقائه الي جانو يهوسون بفرح لرجعته الهم لوالطفل شلون شمر نفسه على علي يعني لحضات جنت اشوفها بس بالأفلام بس حالياً انضرلها بعيوني وبالحقيقة وعن قرب بعدها بقيت واكفه وشعور التوتر والوحدة مرافقني إلى ان نتبه علي وحجه ويا أمة الي تقدمت عليه وأخذتني بالأحضان وراها دخلنه على البيت بداية الأمر جنت مستغربة الوضع يعني ناس مااعرفهم ولا شايفتهم من قبل فجأة يظهرون بحياتي وبوقت جنت بي بأمس الحاجة الامثالهم من دخلت على الصالة جان بيها هواي نسوان وبنات شابات سلمت عليهم بخجل لان بطبيعتي خجولة ويا الأشخاص الي مااعرفهم شفت بعيونهم نظرات الشفقة والحيرة واكو نظرات مكدرت أفسرها وراها كعدت بصف الحجية اشوي واتقدمت عليه ام جود ....
-حبي يلا تعالي اتعشي اكيد جوعانه بعد هالطريق حجتها ليلي واني جاوبتها: متقصرين حبي بس والله تعبانة ونعسانة ماكدر اكل إذا تعبانة جنت اهمسلها استحي من البنات الي كاعدات يمنه ..
-حبيبتي شلون تنامين بدون اكل والله ميصير بس يلا ولا يهمج تعالي اخذج على غرفة عمتي غسلي وبدلي ملابسج حتى تنامين مرتاحة ..
علي:
-بعد ما سلموا عليه طلعوا الولد ودعتهم ودخلت للصالة أوف شكد مشتاق للكعدة ويا العائلة بيها سلمت على خالاتي واني أتجنب السؤال على وضعي وين جنت ؟شلون طلعت ؟لان لا نفسيتي ولا التعب الي بيه يسمحلي اكعد واسولفلهم ..
كعدت شوي بعدها ستأذنت منهم وطلعت قبل لا ادخل على غرفتي صارت بوجهي ليلى ..
-ام جود لحظة وكفتها وسألتها؟:
بس نورا شلونها خليها ترتاح خطيه تعبت هواي من الطريق..
-ليلى :
لا تهتم عيني هي طلبت مني قبلك وديتها على غرفة عمتي حتى ترتاح بيها ...
وراها رحت على غرفتي اول مدخلتها ابتسمت واني أشوفها على حطت أيدي عرفت هاي سوالف الغالية دخلت سبحت وبوجهي للسرير يمكن إذا انام شهر مااكعد على التعب البيه بعدني مغفيت وندك الباب وجانوا أمي وكرار الي طبو وكعدوا بصفي واني اشوف بوجهم استفهامات وكلام هواي خليت راسي بحضنها واني اكوللها:
آه يمه شكد مشتاقلج وعلي احس روحي ردتلي واني أشوفكم مرة ثانية يمة الله كتبلي عمر ثاني وخلاني انجمع بيكم بعد ما ايست انو اطلع منهم ..باست راسي وحجت....
