صلوا علي رسول الله
#تعلم_كيف_تواجه_مشاكلك #من_سورة_يوسف؟
الدرس رقم 6⃣
و⬅️صلنا بفضل الله لحد اﻵية 17-
"قالو يا ابانا انا ذهبنا نستبق و تركنا يوسف عند متاعنا"
نستبق.. ...... القران ..طول ما احنا ماشيين ستجد جواهر في القرآن
اقول لك ان الاسلام يحث على المسابقات والتسابق والرياضة المباحة والتي ليس فيها شئ حرام
لا تعقد الامور على نفسك لا تنظر للإسلام من زاوية ضيقة جدا ..
الاسلام يعني اجلس في الجامع طول النهار اتعبد و لا اعمل . كلام خاطئ
المسلم ناجح في كل نواحي الحياة يجيد المهارات و يعرف لغة من اللغات ؟ "
سيدنا يعقوب لم ينكر ( انا ذهبنا نستبق)
.يا ابانا احنا طلعنا عملنا مسابقة و قلنا ليوسف يجلس عند الهدوم فكما انت توقعت.. الديب اكله.. وحتي يحبكوها قالوا؟
" فأكله الذئب وما انت بمؤمن لنا
👈ولو
" ماذا في كلمة ولو "ولو كنا صادقين
" يبقى هم صادقين ولا كذابين؟
👈كذابين.. يعني هم يعترفوا ده احنا حتى لو كنا صادقين مش ها تصدقنا عارف "يكاد المريب ان يقول خذوني"
فوقعوا بلسانهم من غير ما يعلموا
👈كأن الآية تقول لك ان مهما كنت شاطر وحذر في الكذب سوف تقع,
📌 نقطة اخري فيها سوء ادب مع ابوهم...
انت يا ابونا دايما سيء الظن
👈تخيل واحد بقول لأبيه كده؟
على فكرة في شباب و بنات يقولوا لأهاليهم كده..
انتم على طول تظنوا اننا نعمل اشياء سيئة ! وهم فعلا يعملوا حاجات سيئة ويأخذوها كضغط علي اهاليهم حتي يتركوا لهم الحبل علي الغارب
🌂..خليك صادق مع اهلك و بعد كده طالبهم ان هم يصدقوك
تجاربهم معاك الطويلة بتقول ان انت كاذب و بتقول ان انت مراوغ "
⬅️الآية 18 "وجاءوا على قميصه بدم كذب" "
انظروا الي الخطء الثاني اللي ها يقعوا فيه..
جاءوا بالقميص زي ما هو.. لم يقطعوه!
ليسوا متمرسين في الجريمة
وذبحوا شاه وأخذوا دم الشاه دي و بدأوا يلطخوا به القميص
يا ابونا الدليل اهه ادي الدليل قميصه
فنظر سيدنا يعقوب الى القميص "وقال ما ارحم هذا الذئب اكل ابني ولم يمس قميصه"
👈يبقى سيدنا يعقوب عرف ولا لم يعرف؟
عرفها فهي فطانة المؤمن
المؤمن سريع البديهة ليس ساذج كده ,المؤمن مش زي ما البعض متخيل
اصل شباب كتير بمنعهم من التدين ايه؟
انه متخيل ان المتدين بيضحك عليه و .....يا عم الشيخ و تضحك عليه وتتريق عليه..
لكن المؤمن سريع البديهة..
مش متخيل متدين ناجح.. مش متخيل متدين دمه خفيف..
مش متخيل متدين شاطر, ناجح في تجارته
. اول ما نظر للقميص ما ارحم هذا الذئب اكل ابني ولم يمس قميصه"
.... طب ليه لم يقل مباشرة لهم؟ انتم كذابين؟
سيدنا يعقوب مربي لو قال لهم مباشرة يزودهم حقد على اخوهم ..
