صلوا علي رسول الله
#تعلم_كيف_تواجه_مشاكلك
#من_سورة_يوسف ؟
🍃الدرس 0⃣2⃣🍃
هيا بنا نكمل معا" تأويل يوسف عليه السلام لرؤيا الملك
⬅️49 " ثم يأتي من بعد ذلك عام فيه يغاث الناس و فيه يعصرون"
🌳 بعد ال7 سنين السمان و ال7 سنين العجاف ها يأتي سنه فيها الخير ها يرجع بزياده , لذلك حافظوا علي بعض الحبوب حتي يأتي المطر تجدوا حبوب وثمار تزرعوها 🌳
👈 "يغاث الناس" يعني يجدوا الاغاثة .. الطعام كتير "
👈وفيه يعصرون" جاءت من كلمة العصير .. الناس تبدأ تعمل العصير لما تأكل و تشبع و تستريح 🍹
و سبحان الله من اعجب وسائل التخزين اللي عرفها العرب بعد كده ان تحفظ الحبوب بأن تتركها في سنابلها🌾❗️.. فوجئت ان المتحف المصري يحتفظ لغاية الان بسنابل من ايام القدماء المصريين ‼️
لا تخلصوا كل البذور من القمح حتي تصلح للزراعة في الارض ,
كده لازم تحافظوا على كميه من البذور للسنه اللي فيها يغاث الناس و فيها يعصرون👍
💫تدبروا
..🔆اول نقطة: "قال تزرعون سبع سنين دأبا" متي قال لهم هذا الكلام ؟
و هو في السجن ولا لما طلع؟ و هو في السجن يعني لسه مسجون بقالو 9 سنين مسجون و مسجون ظلم و مسجون في تهمة شرف هو بريء منها و اللي سجنوه هم اللي احتاجوا له اليوم وجايين يقولوا له الحقنا .. لو انت مكانه تعمل ايه؟ لو انت مكانه تقول لهم ايه؟ اخرجوني الاول⁉️
او اقول لهم تفسير خاطئ يذهب بهم في مصيبة ⁉️
يا جماعه عارفين كان ممكن ناس متدينين يعملوا كده..‼️
لكن سيدنا يوسف عمل ايه؟ ده اعطاهم الحل.. ليس فقط تفسير الرؤية فقط... مش كده؟
في ناس في شركات تعمل كده ؟لكي يظل المدير محتاج له فيعطي له جزء من المعلومة و يخبي جزء اخر
🚫 يا جماعه اللي بتعمل كده و تقول اصل المرتب اللي بأخذه منهم قليل(خلو بالكو اصل سورة يوسف دي تعالج حاجات كتيره اوي)
انت مش قبلت تشتغل؟ اه.. بس المرتب قليل .. مش قبلت تشتغل؟ اه.. يبقى لازم تؤدي حقك
ما تتعلموا من سيدنا يوسف
ده سجين ظلم و هم اللي سجنينه و جايين اليوم و اعطاهم كل مفاتيح الحل .. فين الغل؟ فين الحقد؟
🍃🍂🍃🍂🍃
⭐️نتعلم من الثلاثة آيات دول ايه؟
🍃🍂🍃🍂🍃
✔️الدين ده يعلمنا ابذل طاقتك في فايدة الناس في حياتهم حتا لو مش هتأخذ مقابل ..
✔️اوعى الحقد و الحسد جوه قلبك و الغل ان حد ظلمك تمنعك إن انت تمنع الناس انهم يعيشوا حياه كريمة .. تعرفي تعمل كده؟ امسح الحقد اللي في قلبك ده.. شايفين نقاء قلب سيدنا يوسف؟.
👈كمان.. شوفوا سيدنا يوسف ده فاهم الدنيا اوي و عقليه ناضجه اوي و فكر بعيد و عنده رؤيه بعيده للمستقبل بعد ال 14 سنه هاتيجي سنه اكيد رخاء علشان كده شوفوا ها يعطيهم مفتاح جديد للحل غير السياسة التخزينية
🔑لانهم كانوا يخزنوا في العنابر (حطوا الحبوب جوه السنابل ) وايضاها يعطيهم مفتاح ثاني اوعوا تخلصوا البذور كلها في السبع سنين العجاف لان لما ها تيجي السنه الرخاء و المياه تزيد و النيل يجري و المطر ينزل طب هاتضعوا بذور منين؟
لا تخلصوا البذور حافظوا على كميه من البذور علشان ها ييجي من بعد ذلك عام فيه يغاث الناس و فيه يعصرون🍹 ..
📢نطلع بقيم يا جماعه الخير اللي هنا.. الناس اللي بيشتغلوا موظفين
القيمه الاساسية اشتغل بكل اخلاص بصرف النظر انت بتاخد كام .....
هاتذاكر باخلاص لأنك خدت مكان واحد في الكلية دي كان نفسها تدخلها اتقي الله و ذاكري باخلاص.. مش هاتغش...ها تؤدي كل الحلول اللي عندك لفايده الناس حتى لو ظلموك حتى لو خدعوك..
✔️ايضا معني اخر هل الملك ده مؤمن ولا كافر؟ و الحاشية ؟
سيدنا يوسف يقول لهم "ءارباب متفرقون خير ام الله الواحد القهار" مش مؤمنين.. كفار .. ايه ده ..سيدنا يوسف ها يساعد كافر؟ و ها يعطي الحل لكافرين؟⁉️
طب اسألكم سؤال.. هو اهل مصر اسلموا ام لا؟ حد يعرف؟ الآيات بتقول؟ الآيات لا تقول.
طب الملك اسلم ولا لم يسلم؟
الآيات لا تقول..طب ليه الآيات ماقالتش؟
نفسي اعرف طب ليه القرآن ماقالش بشكل صريح اسلموا على ايدك يا يوسف .. تصدقوا ليه؟
القرأن لم يذكر الحكايه دي عارف ليه؟‼️
👈 علشان ما تخليش عينك تروح عن المبدأ الاساسي اللي هو ايه؟
ها نساعد الناس حتى لو كفره..
انت فاهمين المعنى ده؟
القرآن لم يذكر نهاية اهل مصر في القصة دي ليه؟
حتي لا نقول اه ماهو سيدنا يوسف عمل معاهم كده علشان يبقو مسلمين ..
هو عمل معاهم كده علشان لو مسلم لقى ناس في زنقه لازم يساعدهم ..
👈يعني لو مسلم في بلد كلها بعيده عن الاسلام و كلها مش بس بعيده عن الاسلام نفترض انها كلها بتحارب الاسلام و ضد الاسلام .. كويس.. تعالوا نفترض الحكايه دي.. و البلد دي صار فيها مرض يضيع البلد كلها.. جمرة خبيثة مثلا و مسلم عنده الحل يقول ولا مايقولش؟
؟
تصدق طبقا للقرأن طبقا لسورة يوسف لازم يقول.. تخيل؟‼️
.. سيدنا يوسف قال لهم حل كامل و دول كفار لكن هو سيدنا يوسف يعلم ان مصير البلد دي كلها ان الشعب الغلبان هايجوع و هايصل لمجاعه غير عاديه و هوعنده الحل ماينفعش يكتمه.. ماينفعش يكون هو السبب في هلاك الناس دي .. كون ان دول ظلمه ده شيء و ده شيء
الناس دي ذنبها ايه؟ الناس دي غلابه..
فا سيدنا يوسف لم يتحمل ان هو يكتم الحل وواجب من اسلامه و من دينه انه حتى لو دول كفره ماقدرش اخبي الحل لازم اساعدهم لان الناس ليس لها ذنب انها تموت .. انت متخيل اي دين هذا؟ اللي بيعلمنا المبادئ دي؟ اي رحمه في الاسلام الى هذه الصورة؟ للدرجة دي يا سيدنا يوسف. ‼️
ولم يشترط عليهم تسلموا الاول و بعد كده اقول لكم الحل لنجدة الناس ..
👌 دي صفات المسلم مش المسلم اللي يريد يدمر كل اللي حواليه لأنه يريد ان ينتقم..ماينفعش.
💕انما احنا ناس بتحمل الخير للأرض و نريد ان نأخذ بأيد الارض لطاعه الله تبارك و تعالى بأرق الوسائل و بأبسط الوسائل و بأكثر الوسائل عفواً .. ده معنى يكبر جوه قلبك ان الدين ده بيحب الخير للأرض❤️ .
✔️وفي معنى آخر جميل برضه في نفس الجزئية احنا كل ده في ال3 آيات دول .. ان سيدنا يوسف يعلمنا ان هو متجرد لله وحده ..
🍃نكمل في المرة القادمة إن شاء الله
صلوا علي الحبيب
