تزوجتها مراهقه

الفصل الثاني

#تزوجتها_مراهقه
《2》
قروب روايات العنود Beba Pink على الفيسبوك

في عشية يوم الاربعاء خشت زينب لدار جود القتها راقده ..
زينب : جووود .. نوضي يابنيتي ..جوود..
جود حولت الغطى عن وجهها و قالت بصوت ناعس: شنووو يا ماما علاش منوضتني مزال بنقييل ..
زينب : نوضي سلم بنتي اليوم حنة بنت عمتك .. نوضي باش تلبسي و تمشي معايا..
جود : مزال وقت يا ماما .. بري انتي و اني تو نلحقك مع بابا ..
زينب : تلحقي عينك .. حوشهم بعيد عن حوشنا و بوك مابيجيبك .. نوضي غسلي و بدلي و البسي حاجه حلوه ..
جود قعمزت : اوووف ياماما توا بعد نوضتيني عيوني بيقعدو ذابلات طول اليوم و مش حنطلع حلوه قدامهم ..
زينب : انتي قمممممر مهما كانو عيونك حلوووه طالعتلي بنيتي سلمها .. نوضي هي ..
جود : باااهي ...

ناضت جود غسلت و لبست قفطان وردي فاتح ع الركبه وكندره بيضا.. و دارت روج وردي خفيف و خلت شعرها مطلوق عادي من غير اي تسريحه ...

مشت مع امها لحوش عمتها اللي هما جيران عيلة مراد ..
دارو الحنه و قعدو يغنوو خشو البنات يرقصو .. ومن بينهم طلعت جود ترقص ..خطفت انظار عزيزه ام مراد و قعدت تشبحلها و مركزه معاها لعند ما كملت و هي مزال حاطه العين عليها و تفصل فيها تفصييييل ...

كملت جود رقص و جت قعمزت جنب امها يقرمو على العروس ...
جود بصوت واطي : مشناااااهااا ..اشين عروس نشوفها بالبودري حتى نورة العروس مش باينه فيها..
زينب بصوت همس : مش غير يابنيتي .. و اللي تزوجها دكتور و فوووق الريح ..ااايه بالله قالوها حظ القبايح في السما لايح..

في الوقت اللي كانت عزيزه تسأل في النسوان اللي جنبها عن جود و امها و من تكون .. خدت معلومات كافيه و وقفت من مكانها و قعمزت جنب جود و زينب ..

عزيزه : اهلين .. كيف حالك ..
زينب بنظرة استغراب و ابتسامه : اهلين ..
عزيزه : هادي بنتك ..
زينب : ايه .. بنتي جود ..
عزيزه ما شاء الله .. غزززاله ..قداش عمرها ..
زينب : تسلمي ياربي ..17 ..
عزيزه : العمر كله .. مخطوبه بنتك ..

جود لما سمعت هالكلمتين نزلت راسها و ابتسمت و في داخلها فرحاانه عرفت انه فيه عريس في الطريق ...
زينب : لالا .. مزال ماجاش النصيب ..
عزيزه : عندي ولدي اندورلا في عروس .. جاهز ماناقصه شي .. اخلاق و رزانه و سمعه نظيفه ..
زينب ابتسمت : ربي يحفظه ..
عزيزه : و اني بنتك عجبتني ..و نبيها لولدي مراد ..

جود في داخلها : مراااد.. اسمه تقول من فيلم مصري😦
زينب : ان شاء الله خير .. عطيني معلومات عنكم و عن مراد و ان شاء الله نسأل بوها و اللي فيها الخيره يأتي بها الله ...