بعض التجارب المرعبة والحقيقية اللي حكاها الاصدقاء -4
- واحدة صاحبتي قالت لي انها بعد ما اتجوزت بأسبوع وجوزها بدأ ينزل الشغل.. كانت بتحس بحد بيكتفها.. وقطط كتير بتتجمع تحت شباكها.. ومرة جوزها خبط الباب بعد مانزل ورجع بالبيجامة رغم انه كان لابس لبس خروج.. ولما سألته خبط ليه وهو معاه مفتاح قالها علشان ماتتخضش لما يفتح.. بس لما لمسته حست بإحساس غريب ووقتها اختفي الراجل دا.. وكمان لما كانت بتبقي وحدها في البيت بعد جوزها ماينزل وتدخل تاخد شاور.. كانت بتشوفه معدي في الصالة بيضحكلها.. رغم انها وحدها في البيت.. والموضوع اتطور لحجات تانية.. كتير
- كانت جدتي دايما بتحكي على جدي الله يرحمه انه قلبه جامد، ومش بيخاف وبحكم شغله كان بيروح متأخر تعدي الساعة 12 او ينزل بدري بعد الفجر مباشرة، وبيعدي في طريقه على المقابر، فمرة نزل بدري قبل الفجر ووهو ماشي سمع حد بيكلمه.. اتلفت لقاه كلب طويل كانه راجل صغير مش شكل الكلب العادي.. واستمر الكلب في كلامه وقاله انت بتيجي هنا كتير وبتقلقنا و جدي من خوفه وعدم تصديقه مقدرش يفضل باصص عليه ..راح الكلب قاله بصلي جدي راح بصله وهو مرعوب، لقاه وشه وحش جدا، ومش قادر يميز حتى الملامح ، بس الجسم جسم كلب..
جدي حط ايده على رأسه وقعد يقول يارب كتير كده ورجع البيت بسرعة بيتنفض.. جدتي بتحلف أن شعره مكان ماكان حاطط ايده بقى كله ابيض , والدي أكد القصة لأنه شاف شعر ابوه الشديد السواد جواه شعر ابيض في حجم الايد
- انا بعد وفاة بابا الف رحمه علية كانت حالتى النفسية مدمرة.. ودا ﻻنى كنت قريبة ﻻبويا بحكم انى بنت وحيدة على صبيان ..المهم فى يوم بعد ما اﻻوﻻد ناموا وكان جوزى لسه مجاش دخلت على سريرى بس غلبنى النوم وحسيت انى عطشانة بس مش قادرة اقوم ندهت على الولاد بس كانوا ناموا.. المهم ماقمتش، وبعدين حسيت بأيد بابا على كتفى وبيقولى قومى يا غالية انا جبت لك مية، قومت شربت، وبصلى ووشه كان مبتسم كعادته، وبعدين رجعت نمت وصحيت على جرس الباب، كان جوزى ولحد النهارده كل ماأبقى عطشانة احس بحلاوة المية اللى شربتها من ايد ابويا الله يرحمه وينزله منزله حسنه
- شوفت في حلم شخص ضخم جدا وعريض جدا واقف امامي بتحدي فقمت هجمت عليه ف قبض عليا من جوانبي ورفعني كما لو كنت طفل رضيع وضغط علي جنبي اليمن بقوه وتالمت وهو يزيد الضغط لدرجة اني لم استطع التنفس واستيقظت ومازال الالم مستمر ويزيد وانا من شدة الالم لا استطيع حتي التنفس وحاولت اقرا قراءن بصعوبه وفدل هذا الحال دقيقتين وبعدها توقف الالم واعتبرته كابوس رغم الالم اللي بجانبي وقراءة قرآن ونمت وفي الصباح الالم كان ما يزال موجود ونظرت علب جانبي العاري فوجت اثار حرق كيد قويه كانت ملتهبه ومازالت الان هذه الاثار بعد مرور 20سنه
- مرة زمان كانت خالتى بايته معانا والبيت نفسه مفيهوش غيرى انا وماما وبابا
فأنا وخالتى كنا سهرانين فى البلكونة وماما وبابا نايمين و خالتى فضلت تكلمنى عن الجن وقالت اسم واحد منهم كان لابسهها وبتشوفه
اول ما قالت اسمه الستارة اتشالت واتلمت على جنب وبعدين راحت نازلة تانى مرة واحدة فاتخضيت ودخلت اشوف ماما وبابا لاقيتهم نايمين فى سابع نومة
خالتى قالتلى ان الشخص ده حضر فى الوقت اللى قالت اسمه
-
