- بنية صديقتي كانت مخطوبة كل شوية تگولي " حاسه إنه حيتركني ، خايفة حبه اليه يقل ، ممكن يكون يخوني !!
الخطوبة انفصخت صدگ "
- أعرف وحدة كانت تگول " لمن ادعي رب العالمين بشي ، أدري دعوتي ما حتتحقق بس ادعي "
لمن الدعوة متتحقق تگعد تبچي و تگول ليش؟ مو أني دعيت و انتي تگولين اي دعوة تتحقق .. !!!
- كان اكو شخص اعرفه كان بس يگول " الدنيا سودا ، و البلد هذا ماكو شي ينجح بي ، و محد يحقق أي شي من أحلامه ، و و و و "
هالانسان ماسوى اي شي بحياته وبقى محطم ...
- بنية صارلها ٨ سنين تحب شخص و مو ناوية تتزوج غيره ، أهلها رافضين و هو مو مناسب الها على الإطلاق ، بس تگول ما اريد أشوف نفسي مع احد غيره .. " وقبل كم يوم كان عقدهم"❤
- بنية كان وزنها ٩٥ كيلو ، و كانت تبكي لمن احد يگوللها انتيِ سمينة، و تطلع قهرها ب الأكل ، كعدت ب يوم قررت تضعف ، كل يوم الصبح تباوع ب المرايه و تگول " اليوم ضعفت عن البارحة كلش ، الحمدلله راح امشي ساعة وما اكل حلويات
" خلال ٤ شهور وزنها صار ٦٥ كيلو "❤
الامام علي (عليه السلام) گال " كل متوقع آت ، فتوقع ما تتمنى "
د / إبراهيم الفقي قال بكتابه " اهتم بذاتك "
فكر بالأفضل ، و توقع الأفضل ، و قم بالأفضل " ❤
كل هذا يتلخص بجملة
" أفكارك تجذب أقدارك "
اللي حتفكر بي و حتعيش بداخله حيتحقق والله حيتحقق ❤
و أولا و ثانيا و أخيرا "
( أنا عند ظن عبدي بي ، إن كان خيرا فله ، و إن كان شرا فله )
