"ဒီဒီ အလည်လာဝာာလား"
"ဟုတ်တယ် အမ အန်တီဒေစီနဲ့ တွေ့ချင်လို့ပါ"
"ဪ အေးအေး အမသွားခေါ်ပေးမယ်နော် ခဏစောင့်"
ခွဲခြားနှင့် နွမ်းခါးတို့၏ အခြေအနေကို သိပြီးနောက် ဒီဒီက အန်တီဒေစီဆီကို အရင်သွားရမည်ကို သိနေသည်။ အန်တီက ဂုဏ်သိက္ခာနှင့်ပတ်သတ်လျှင် အလွန် အရှက်အကြောက်ကြီးသူမို့ နွမ်းခါးတို့ကို ခွဲပစ်လိမ့်မည်ဟု ဒီဒီ ယုံကြည်သည်။
"သမီး ဘာအရေးကြီးကိစ္စရှိလို့လဲ ရုတ်တရက်လာတွေ့တယ်ဆိုတော့ အန်တီ လန့်သွားတာ"
"ဟုတ် အန်တီ သိပ်တော့လည်း အရေးမကြီးပေမယ့် ပြောစရာလေးရှိလို့ပါ"
အန်တီဒေစီကတော့ ပြုံးပြုံးလေးဖြင့် ဒီဒီကို စကားလက်ခံပြောပေးနေသည်။
"အန်တီ ဒီနေ့ အိမ်ကိုလာလည်တဲ့ ခွဲခြားဆိုတဲ့တစ်ယောက်နဲ့ ဆုံလိုက်လား"
"အင်း ဆုံလိုက်တယ် သမီး စကားတောင် သေချာမပြောခဲ့ရဘူး အန်တီလည်းမအားတာနဲ့ ဘာဖြစ်လို့လဲဟင်"
ဒီဒီ စိတ်ကို လျှော့ချလိုက်ပြီး စကားလုံးတွေကို စိတ်တွင် စီနေလိုက်သည်။
"အန်တီမှတ်မိသေးလား လွန်ခဲ့တဲ့ ငါးနှစ်လောက်က နွမ်းခါး ကျောင်းထွက်ပြီး အမေရိကားကို ကြောက်ကြောက်လန့်လန့်နဲ့ ထွက်သွားခဲ့တာကိုလေ"
"အင်း မှတ်မိတယ်လေ"
"အဲ့ဒါ ဘာလို့လဲဆိုတာ နွမ်းခါး အန်တီ့ကို ပြောပြလား"
"အေး သမီးရယ် အန်တီမေးပေမယ့် မပြောပါဘူးကွယ် သမီးသိရင် အန်တီ့ကို ပြောပြပါဦး ဘာတွေ ဖြစ်ခဲ့လဲဆိုတာ"
ဒီဒီ့အကွက်ထဲ ၀င်လာတာနဲ့ အကြောင်းစုံကို ရှင်းပြလိုက်သည်။ အန်တီဒေစီ၏ မျက်နှာပျက်ယွင်းသွားပုံနှင့် ဒေါသကြောင့် တုန်ရီနေသော နှုတ်ခမ်းတို့က ဒီဒီ့အတွက် အားပဲ။
"အန်တီ့သားက အဲ့လိုမကောင်းတဲ့ကိစ္စတွေ လုပ်ခဲ့တာလား ယောကျာ်းလေးတစ်ယောက်အတွက်လေ"
"ဟုတ် ဟုတ်ပါတယ် အန်တီ သမီးပြောပြတယ် ဆိုတာကလေ နွမ်းခါးကို ချောက်တွန်းချင်လို့ မဟုတ်ပါဘူး ဟို သမီးက မဖြစ်သင့်တာကို တားရအောင်လို့ပါ"
YOU ARE READING
Close To....You (Completed)
Fanfictionချစ်နေမိလို့ နာကျင်ခံစားရမှာစိုးလို့ လက်လွှတ်ပစ်မယ့်လူထဲမှာ ငါမပါဘူး ငါကချစ်မိတာနဲ့ အပိုင်ရဖို့ပဲကြိုးစားမှာ #ခွဲခြား သူကျွန်တော့ကို မချစ်ဘူး ဒီအတိုင်း ကစားချင်ရုံပဲ #နွမ်းခါး
