"إني امرأة لذلك لا أعرف إلا أن أكون قوية"
في مكتب اللواء
اللواء : ممكن تفهمني ايه اللي حصل بالظبط؟
المأمور: يا باشا احنا كنا ماشيين على حسب الخطة بس مفيش حاجه موجودة ولا سلاح، ولا مخدرات، غالبًا المعلومات اللي عدنا غلط يا فندم.
اللواء : عشان اتكشفتوا، معرفتش تخليها سرية يا سياده المأمور
المامور وهو مطأطأ الرأس يهز رأسه بأسى : اسف يا فندم.
وقف اللواء أمامه والشر يتطاير من عينه مردفًا:
يفيدني بايه اسفك دي المرة التالتة اللي تفشل فيها
قطع حديثهم دخول فتاة في العقد الثاني من عمرها، تمتلك ملامح طفولية، بشرتها بيضاء، مرمرها ناعم كالؤلؤ من يراها لا يُصدِق ابدًا إنها من أقوى الظباط.
قالت بثقتها المعهودة:لا مفشلناش يا فندم
نظر لها كل من المأمور واللواء بصدمة قائلين : أزاي؟
رهف : عرفت اخلي واحد من رجالتهم يعترف بطريقتي، وعرفت أن في شخص وسطنا خائن وصلهم كل تفاصيل العملية، عشان يبينوا فشل الحكومة غيروا مكان البضاعة، والمخدرات حاليًا في مخزن ... والبضائع حتتسلم الساعه 3 الفجر وفي نفس الوقت شحنة السلاح هتدخل من الباب الخلفي للمخزن والراجل بتاعهم هو الدليل بتاعنا
اللواء بفخر : متألقة كالعادة يا حضرة الظابط
رهف بجمود : شكرًا يا فندم
اللواء : اجهزوا والقضية دي بتاعتك يا رهف
رهف : تمام يا فندم
خرجت رهف والمأمور محمد من مكتب اللواء
رهف : والله يا عمو مش عارفة من غيري كنت حتعمل ايه، عد الجمايل ها .
المامور محمد : شكرا يا بت أخويا كنت هترفد خلاص.
رهف : شكرًا! لالا الكلام ده مينفعنيش حتعزمني يعني حتعزمني أنا زي بنت أخوك يعني من العيلة برضه يا حج والله
محمد : عايز ايه يا لمضة؟
رهف : قدر أنت بقا خدمتي الجبارة اللي من غيرها كان زمانك قاعد جمب طنط مديحة في البيت دة انت قايلي من ساعة بس علي العملية.
محمد : هاجبلك عصير
رهف : عصير !!! لالا مينفعش طبعًا
محمد وقد فقد صبرة من تلك الثرثارة التي لا تتوقف عن الحديث: اطلعي بره يا رهف.
رهف : إيه المعاملة دي بس؟ أنا رايحه لطنط مديحة تأكلني مش عايزة منك حاجة أصلًا.
محمد : امشي يا بت... من هنا
أبتسمت تلك الجميلة لتظهر غمازاتها فتذيدها جمالًا فوق جمالها قائلة: أخوك اللي اتشتم ده على فكرة.
وخرجت رهف وهي تبتسم داعية الله أن يحفظ لها عمها فهو الذي اعتنى بها بعد وفاة والديها ليُصبِح لها السند والأمان.
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
في. منزل المأمور محمد
*****************
محمد : مديحة فينك يا حبيبتي؟
خرجت من المطبخ امرأه في العقد الرابع من عمرها، قابلته بابتسامتها التي مازالت تخطف قلبه حتى الآن مردفًة: حمد الله على السلامة يا حبيبي، ثواني والأكل يكون جاهز.
محمد : رهف جايه تتغدي معانا انهاردة، قاطع حديثهم دخول تلك الفتاة التي اصابتهم بالجنون على حين غرة وهي تمسك بيديها طبق كيك بالشكولاتة قائلة بتشدق : لالا انا جيت من بدري واتغديت، وبحلي كمان أنت اتأخرت اوي الصراحة.
انفجروا ضاحكين على رهف وعفويتها فهي تعيش في منزل والدها ولكن تزورهم بإستمرار
محمد : انا مش عارف انت ازاي كده بقا أنتِ رهف اللي الكل بيترعب منها ، بت أنتِ عندك انفصام في الشخصيه ؟
رهف ضاحكة : قدرات يا حبيبي قدرات
أمضت بقية يومها معهم ولم يخلو من مُزاحها بالطبع،ثم عادت إلى منزلها لتتلقى قدر من الراحة.
اندثر القمر لتظهر أشعة الشمس مُعلنة بدأ يوم جديد ملئ بالأحداث.
ارتدت ملابسها وأطلقت لشعرها الأسود الكثيف العنان الذي يتناسب مع بشرتها القمحاوية وضعت بعض مساحيق التجميل لتجعلها لوحة فنية.
كانت رهف تسير بخطواتها الثابتة فهي في العمل صارمة جدًا، يهابها الجميع رغم قصر قامتها،وصغر سنها ولكنها في فترة وجيزة نجحت في إثبات ذاتها.
اتجهت رهف الى مكتب اللواء ووجدت عمها محمد ينتظرها هناك وملامح وجهه لا تبشر بالخير ابدًا رهف بجمودها المعتاد : خير يا فندم؟
اللواء بصرامة : اتفضلي يا حضرة الظابط، استريحي
جلست وهي تُحاول أن تستشف من وجوههم أي شيء ولكن قطع تفكيرها
اللواء مردفًا. : العملية بتاعت امبارح نجحت بنسبة 100/ ، أنا فخور جدًا بيكِ؛ عشان كدة انا هوجهلك مهمة، وأنا متاكد انك الوحيدة اللي هتنفذيها، هي غريبة شوية وخطر بس انتِ قدها.
رهف بغموض وقد بدأ الفضول يتسلل بداخلها : مهمه ايه يا فندم ؟
أطفأ اللواء الأنوار وقام بتشغيل الشاشة وعرض بعض الصور قائلًا: دي أكبر عصابة مافيا في العالم يا رهف وعايزين نوقعهم ونفشل خططتهم اللي بتشكل خطر في الوقت الراهن على مصر والدول العربية.
رهف وهي تشير الى إحدى الصور بيديها: ده الزعيم بتاعهمم صح ؟
اللواء : ده فهد ابن الزعيم بس هو ليه الكلمة الأولي والأخيرة؛ أبوه تعب وسلمه كل الشغل وده اللي حنوقعه طبعًا وبكدا يبقا العصابة كلها وقعت .
رهف : وايه المطلوب مني بالظبط ؟
اللواء : في جماعه اسمها الذئب البري دي الفهد قضي علي كل اللي فيها ، بنت الزعيم بتاع الجماعة دي حاليا تحت ايدينا هي بتكره الفهد جدًابس منعرفش السبب هي تعتبر كانت جوه الجماعة بس من بعيد عارفة شويه معلومات عن الفهد حتفيدنا.
وانتِ هتحاولي تقربي من الفهد ابن الزعيم لغايت ما يثق فيكِ وتكوني حذرة جدًا، وتنقلي أخبار العمليات عشان تفشل وبعدين نوقعهم في بعض وبعد ما يقتلوا بعض نقبض علي الفهد ونخلص منه كل ورقك هيتغير لاسم أبنة الزعيم( ماريام) وهتقابليها وتعرفي كل حاجه عنها .
رهف بعدما ازدردت لعابها بخوف : التنفيذ أمتى؟
اللواء : بعد أسبوع يا رهف، بس العملية دي اختياري ممكن ترفضي.
ونظر اللواء الى المأمور وقال : عشان عمك يكون مطمن، لازم تكوني عارفة انك لو اتكشفتي الفهد هيعذبك كتير وبعدين يقتلك وساعتها كلنا هنكون في خطر.
اذدردت لُعابها بخوف، وشرعت في التفكير في عائلتها فهي لن تستطيع تعريضهم للخطر، دقات قلبها تتسارع بقوة وكأن قلبها سيخرج من مكانه وبعد حرب خاضتها بين الضمير المهني والعائلي استقرت على قرارها قائلة
رهف: .....
أنت تقرأ
حب خاطئ
Adventureخرجت من المرحاض وعقلها لا يزال شارد، وجدت الفهد يستعد للخروج فازدردت لُعابها بقلق قائلة: فهد، أُريد التحدث معك بخصوص شيء مهم. نظر الفهد إليها بتمعن منتظرًا إستكمال حديثها. بدأ التوتر والخوف يعتلي معالم وجهه ثم أغمضت عيناها قائلة: يجب عليك أن تعدني...
