قصة : ( ابن الجيران ) ل سهيلة سعيد المنجي

الحلقة ٥ و ٦

قصة : { #أبن_الجيران } ♥️🏹

الحلقة الخامسة { ٥ } 🌆

كارمن : الله يسلمك
الام : ابوكي عامل ايه وجوزك ؟
كارمن : كويسين الحمدلله ، بيسلمه عليكم
الام : الله يسلمهم ، إلا سمعت إنك عندك شركة
كارمن : اة شركة ادوات تجميل
وجدان : ميكب ؟
كارمن : ميكب وبرفيوم وكدة 
وجدان : اهاااا !
الام : بتشغلوا رجالة ؟
( يبصلها شهاب بقلق )
كارمن : اة اكيد
الام : طب م تشوفلنا شغلانة ل شهاب
كارمن : ا ..................
شهاب بخضة : ايه يما انا مقلتش عاوز شغل !!
الام : انت مش قاعد م الشغل يعني محتاجوا !
شهاب وهو بيقوم م الأحراج : الله واكبر عليكي صراحة مش عارف اقولك ايه !
( يدخل اوضته )
هدير : ي ماما حرجتيه !
كارمن : هو انا غريبة ي هدير !
هدير : لا بس شهاب نفسه عزيزة عليه ومبيحبش كدة !
كارمن : ع العموم ي خالتوا انا محتاجة ناس للشركة وكنت عاملة اعلان ، ف خليه يجيلي بكرة الصبح وهسيبلك العنوان تديهوله
الام بفرحة : الله يخليكي ي بنتي ويكرمك يارب
كارمن : تؤمري ي حبيبتي
الام : يلا قوموا ي بنات حضروا الفطار خلوا كارمن تفطر معانا
كارمن وهي بتقوم : لا لا انا ماشية
الام : ماشية فين لا طبعاً هتفطري معانا الأول
كارمن : والله م هلحق ورايا كذة مشوار لازم اخلصهم قبل م اروح الشركة
الام : طيب ي حبيبتي ربنا يعينك ، بس هنستناكي يوم تجيلنا فيه من اوله كدة
كارمن : إن شاء الله حاضر
( تسلم عليهم )
وجدان : شكراً ع الهدايا الحلوة دي
كارمن : العفو ي قلبي دة قليل عليكوا ، سلمولي ع شهاب وعمو سلطان
الكل : الله يسلمك
الام : استني انده الولا شهاب يوصلك
كارمن : لا مفيش داعي عربيتي تحت البيت
الام : ي مشاء الله تتهني بيها ي ضنايا ، خلي بالك من طريقك
كارمن : ربنا يستر ، سلام
الام : مع السلامة
( تمشي كارمن ، يطلع شهاب )
شهاب لمامته : ايه الي عملتيه دة ؟!
الام : ايه ؟
شهاب ب انفعال : ايه انتي ، رايحة تقولي قدامها إني عاطل وقاعد جنبك !
الام : مقلتش كدة ، انا قلتلها تشوفلك شغلانة
شهاب : دة ع اساس إني شغال سفير الصبح وعاوز اشغل وقتي بعد الضهر !
الام : والله الشغل مش عيب ولا حرام ، اهي بدل قعدتك دي
شهاب ب انفعال : ي ستي هو انا اشتكيتلك ، قاعد ع حجركم انا !
الام بزعيق : يعني عاوز ايه يعني ، بتزعق ليه دلوقتي ، دة جزاتي إني شفتلك شغلانة !
شهاب : مين قالك إني اصلاً هروح مش رايح انا
الام : عنك م رحت ، خليك كدة متلقح جنبي
شهاب بغيظ : طب بلاش ام الطريقة دي عشان بتستفزني ⁦!
( يطلع الأب )
الاب : بطلوا جعير انتي وهو وحضرولنا نطفح
الام للبنات : قوموا حطوا الأكل يلا
( يدخل شهاب اوضته ع اخره ، ف بيت فاطمة ، اسراء ف البلكونة ، تدخل جوة )
اسراء : حتة مزة خارجة من بيت ام شهااااب !
هند ب استغراب : مزة ايه ؟!
اسراء : بنت ناس اوي باين عليها ، لبس جامد وعربيتها مركونة تحت البيت ، ركبت ومشيت دلوقتي ! 
فاطمة : ومن امتى وهما يعرفه ناس نضيفة كدة !
اسراء : معرفش يختي
هند : ممكن طلعت غلط 
اسراء : لا دي من بدري فوق
فاطمة : ايوة وانا طالعة كنت شايفة عربية غريبة مركونة تحت 
الام : بطلوا نميمة ع الناس ويلا عشان نفطر
( يقعده ع الترابيزة ياكله ، يعدي الوقت ، يلبس شهاب وينزل م البيت ، شباب بيلعبه كورة ، يقف يلعب معاهم ، تنزل هند م العمارة )
شهاب : شوووووط
( يشوطوله الكورة يشوطها شهاب تيجي ف ضهر هند ، يتخض )
هند بخضة ووجع : اااه ، انت قاصد صح !
شهاب بضحك : اقسم بالله ابداً ، يمكن لو شفت وشك كنت قصدت بس معرفش إنه انتي ف مقصدتش !
هند : والله ، يعني لو كنت شايفني كنت قصدت ؟! 
شهاب : اكدب يعني !
هند : انت ....................
شهاب : حقك عليا انا اسف
( تسكت هند ومتبقاش عارفة تقول ايه ، تمشي ، يبتسم شهاب ، يعدي الوقت ، فاطمة ف شغلها ، واقفة بتعلق الهدوم وبترتبها ، ياسر مراقبها ، واقف متردد إنه يكلمها ، تدخل فاطمة المحل من جوة ، يروح وراها ياسر ، تدخل تجيب حاجات م المخزن ، تلف تلاقي ياسر ف وشها ، تتخض )
فاطمة : انت بتعمل ايه هنا !
ياسر وهو بيمسك ايدها الأتنين : شششش وطي صوتك بس
فاطمة بخوف : ايه دة اوعااا !
ياسر وهو بيقربها عليها : اهدي بس
فاطمة : سيب ايدي والله هصوت والم عليك النااااس !
( يحاول يبوسها تصرخ )
فاطمة بصريخ : اوعااااااا
( يسيبها )
ياسر بخوف : خلاص اهدي اهدي خلاص !
( تزقه وتطلع برة ، تشوفها اسماء )
اسماء ب استغراب : هو انتي الي كنتي بتزعقي ؟!
( متردش عليها وتاخد شنطتها وتمشي ، يطلع ياسر ، تبصله اسماء ب استغراب ، يضير وشه ويروح يقف مكانه ، تطلع فاطمة م المول وهي دموعها عمالة تنزل م الخضة والخوف ، تركب وتروح ، لعد شوية ، شهاب واقف مع صحابه ع الشارع ، تنزل فاطمة م العربية وتدخل الشارع ، يشوفها شهاب ، يستغرب وشها الي باين عليه معيط )
شهاب لصحابه : ثواني وجاي
( يروح وراها )
شهاب : علي ، علي !
( تسمعه فاطمة بينده اسم بباها تقف ، يقرب عليها )
شهاب : في حاجة ولا ايه ؟!
فاطمة : لا مفيش !
شهاب بقلق : اتخانقتي مع حد او حصلك حاجة ، شكلك معيط !
فاطمة وهي بتمسح دموعها : لا انا كويسة ، معلش مينفعش اقف كدة !
شهاب : اة ماشي !
( تمشي فاطمة ويرجع شهاب لصحابه )
خليل ب استغراب : في حاجة ولا ايه ؟!
شهاب بتنهيدة : لأ ، شكلها معيط ف كنت بشوف في ايه !
عصام : بقيت مهتم انت ، مرة تضرب صاحبك عشانها ومرة بتطمن عليها ، في ايه ي عم ، مش دي الي قلت مش بتطيقها !
شهاب : اولاً هيثم مش صاحبي دي عيل ابن **** ، ثانياً انا مضربتوش عشانها انا ضربته عشان عمال يتريق بيا معاها ، الي ليكي مزاج ليه ومشيها وش شهاب اصل شكله احلى وهيبدأ يلبخ بقا ف كلام ملهوش لازمة !
خليل : ي عم الحب ي عم
شهاب ب استغراب : هو قالك بيحبها ؟!
خليل : ايوة وهي منفضاله ع الأخر
شهاب : يبقا يتلم بقا مش بالعافية هو
عصام : م انت عارف غتاتة هيثم لما يحط حاجة ف دماغه
شهاب : ي عم يولعه سوا المهم ميدخلنيش بينهم
( توصل فاطمة البيت )
الام ب استغراب : مالك في ايه ؟!
فاطمة وهي بتقعد : اتخانقت ف الشغل
الام : لدرجة وشك الي سايح ع بعض من كتر العياط دة !
فاطمة وهي بتقوم : بجد ! 
( تبص ف المراية )
فاطمة بفهم : عشان كدة جه يسألني مالي
الام : هو مين دة ؟!
فاطمة : شهاب
هند وهي طالعة من اوضتها : هو في ايه ، الولا دة ماله ومالك ، من امتى الحنية دي !
فاطمة بضيق : معرفش
هند بقلق : مش بطمنلهم الناس دي بنت ستين كلب ، ف خلي بالك وقصري معاه !
فاطمة : مفيش بينا حوار اصلاً دي كانت مشكلة وحكيتلكم الي حصل ، كان طبيعي يتدخل وصاحبه عمال يتريق عليه ، ف مش عشان سواد عيوني يعني دة عشان نفسه
هند : ودلوقتي بيسأل مالك عشان نفسه برضو ؟!
فاطمة بضيق : معرفش بقا ، فكنا م السيرة دي الله يستركم
الام : وانتي ايه الي خلاكي تتخانقي ف الشغل ، واتخانقتي مع مين اصلاّ ؟!