قصة : ( ابن الجيران ) ل سهيلة سعيد المنجي

الحلقة ٢١ و ٢٢

قصة : { #أبن_الجيران } ♥️🏹

الحلقة الواحد والعشرون { ٢١ } 🌆

شهاب : احمممم ، حبييييتك يوم م اتلاقيييينا لما حكيييينا اول كلااااااام حبييييتك واحلف ع دة تسمع زياااادة دة انا مش بناااااام ، الناس ف عيني حاجة وانت حاجة تانية ، عندك مشاعري حتى خدها واسألها ، انا صعب اعيش حياتي وانت لحظة بعيييييد ، احساسي بيك ف وقت ضعفي قواني ، كانت حياتي ناقصة جيت تكملهااا ، فرحة لقايا بيك بتبقا زي العيييييد
( يسكت )
فاطمة بحب : ي روووحي صوتك حنين اوي
شهاب وهو بيمسكها من قفاها : صوت مين دة ي بت الي حنين !
فاطمة بضحك : ههههههه لا بجد صوتك ف الغنى ناعم كدة !
شهاب : نهار اسود اسكتي خالص ، ناعم ايه دي اخر مرة اغنيلك فيها ⁦!
فاطمة : ههههه انا بقول الي حساه
شهاب : لا انتي متحسيش خالص ، ادي الي يمشي ورا الحريم !
فاطمة : ي عم دة ف الغنى بس ، م تغنيلي غنوة كمان
شهاب : انسي
فاطمة بتحايل : عشان خاطري ي بيبي
شهاب : بيبي !
فاطمة : يلااااا
شهاب : قلت من غير تريقة
فاطمة : وربنا مش بتريق ، انا كنت بعبرلك عن اعجابي بس
شهاب بتنهيدة : ماشي ، ومن تاااني اكيد راجعين انا دااايب وكلي حنين ولا عمري ابيع لو مين قصاد عينييييي ، ومش قادر ع الأيام ولا يوصف هوايا كلام وطول ليلي ولما بنام قصاد عينيييييي
فاطمة وهي بصاله بحب : انا بحبك اوي
( يبتسم ويبوس دماغها ، يعدي الوقت ويرجعوا الشارع ، واقفين عند العمارة ، شهاب يلمح هيثم ف الشارع )
شهاب : اطلعي يلا
فاطمة ب استغراب : في حاجة ولا ايه ؟!
شهاب : لا اطلعي ، هبقا اكلمك
( تشوفه بيبص ناحية هيثم )
فاطمة بخضة : شهاب بالله عليك م تعمل مشكلة !
شهاب : اطلعي طب
فاطمة بخوف : ي شهاب انا مش عاوزة مشاكل ، خلينا نكمل حياتنا من غير مشاكل ، بالله متخوفنيش !
( يفتكر شهاب كلام هند إنه بتاع مشاكل وهيتعبها معاه )
شهاب : مش هعمل مشكلة انا
فاطمة : والله هتعمل مشكلة !
شهاب : والله خلاص هطلع انا كمان ، يلا اطلعي عشان رجلك متوجعكيش
فاطمة : يعني هتطلع بجد ؟
شهاب : وحياتك هطلع عشان ورايا شغل الصبح
فاطمة بقلق : طيب !
( تطلع فاطمة وهي متوترة ، شهاب يبص ناحية هيثم ميلاقيهوش ، يطلع هو كمان يدخل شقته ، يرن الفون بتاعه ، يلاقيها كارمن )
شهاب وهو داخل اوضته : ارحمي امي بقااا !
( يدخل يغير هدومه ويقفل الفون وينام ، تاني يوم ، شهاب ف الشغل ، توصل كارمن )
كارمن : صباح الخير
شهاب : صباح الخير
كارمن : كلمتك امبارح فونك كان مقفول !
شهاب : جيت ارد عليكي فصل شحن ف حطيته ف الشاحن ونمت
كارمن : امممم ، هتقدر توصلني بعد الشغل ؟
شهاب : لا انا معزوم عند فاطمة انهاردة ، ف هطلع م الشغل عليهم
كارمن : فاطمة اة ، بقالك خطيبة بقا وهتاخدك مننا !
شهاب ب ابتسامة : لا مقدرش
كارمن : ماشي ، سلملي عليها 
شهاب : يوصل
( تدخل كارمن مكتبها ، يقعد شهاب ، تقرب انچي )
انچي وهي بتمدله ايدها وبتتكلم بمياعة : هاي ي شهاب
شهاب : اهلاً بحضرتك
انچي : كارمن جت ؟
شهاب : اة لسة داخلة
انچي وهي بتقعد : سمعت إنك خطبت ، مبروك
شهاب وهو بيقعد : الله يبارك فيكي
انچي : مش كنت تعزمني عشان كنت اجي واعمل الواجب
شهاب : لو كنت اعرف إن حضرتك هتيجي مكنتش اتأخرت ف إني اعزمك !
انچي : ملحوقة بقا ، ف الفرح الكبير ي عريس
شهاب : إن شاء الله 
انچي : قول ل كارمن إني جيت
( يمسك شهاب فون المكتب ويتصل ب كارمن )
شهاب : انسة انچي هنا ، اوك
( يقفل )
انچي : مدااام
شهاب : اسف ، اتفضلي !
انچي وهي بتقوم : ميرسي ي شهاب
شهاب : العفو 
( تدخل انچي عند كارمن )
انچي بتريقة وهي بتقعد : دة بتاعي وهييجي تحت رجلي هييجي ، اهو خطب ي روحي ، ولا منك سبتيهولي ولا منك وقعتيه زي م قلتي !
كارمن : مش بالسهولة الي انتي فكراها دي !
انچي : وايه الي يخلي شاب يقاوم بنت حلوة ؟!
كارمن بضيق : روحي اسأليه هو السؤال دة