قصة : { #أبن_الجيران } ♥️🏹
الحلقة التاسعة والعشرون { ٢٩ } 🌆
( يبصلها بغيظ )
كارمن : فكوه وسيبوه يمشي
( يفكوه )
كارمن : قدامك ساعتين وتكون عندي باللاب ، ماشي ؟
شهاب : ماشي
كارمن : ساعتين وخمس دقايق ....................
( تشاور ع البادي جارد )
كارمن : قول ل بطة مبروك ع عريسها الجديد
( يبصلها بغيظ ويمشي ، يطلع م الڤيلا )
شهاب ب ابتسامة : كنت عارف إن دة هيحصل
( بعد شوية ، يوصل الشارع ، يدخل محل عصام )
عصام بخضة : ايه دة ي بني انت متخانق ولا ايه !
شهاب : هات اللاب
عصام بقلق : طب قولي في ايه الأول مالك ؟!
شهاب : لما ارجع هقولك اخلص
( يديهوله ، ياخده ويرجع ل كارمن ، كارمن واقفة بتفتح ف اللاب وبتطمن ع حاجاتها والبادي جارد واقفين حوالين شهاب )
شهاب بزهق : خلصنا ولا ايه ؟
( تبصله )
كارمن ب ابتسامة : لا مخلصناش
شهاب : عاوزة ايه تاني ، مش خدتي حاجاتك !
( تقرب عليه وب اقوى م عندها تضربه بالقلم ، يبتسم شهاب )
شهاب بضحك : خلاص كدة النار الي جواكي انطفت ؟
كارمن بغيظ : لا ي شهاب ، ولا عمر هتنطفي ، انا كنت عاوزة اعليك بس باين إن اشكالك هتفضل طول عمرها واطية !
شهاب : قلتهالك قبل كدة ، مش واحدة زيك الي تعليني ، وانتي اصلاً اوطى خلق الله ، وكل الي معانا دول دلوقتي عارفين إنك بنت كلب وس*ة وشمال ومستحملينك عشان فلوسك ، بس للأسف انا معنديش الطاقة دي ولا ف يوم هكون بتاع الست ، ف مش هستحمل واحدة شبهك ، بس الحق يتقال برضو ، انا اتبسط اوي بالليلة الي قضتها معاكي ، وهو دة اخرك ع فكرة
كارمن بغل : اطلع برة عشان وربي هموتك !
( يبصلها شهاب ب ابتسامة مستفزة ويمشي )
كارمن بصريخ : اطلعوا كلكم براااا ، براااااا
( يطلع الكل إلا انچي )
انچي : كارمن اهدي !
( تقعد كارمن وتنزل دموعها )
انچي : طلع فعلاً مش سهل زي م قلتي !
كارمن : كانت كل حاجة ماشية تمام !
انچي : كان لازم دة يشكك إن في حاجة غلط
كارمن بتنهيدة : بعد ايه بقااا
( يرجع شهاب الشارع ، يطلع المكتب ، يدخل التويليت يغسل دماغه ووشه م الدم ويطلع يترمي ف الأرض م التعب ، بعد يومين ، هند ف مصنع ملابس مستنية تستلم الهدوم وناس كتير مستنيين ، يقرب شاب )
............ : معلش ي جماعة باقي الناس الي مستلمتش خليها الدفعة الجاية عشان في ضغط اليومين دول ومش هنقدر نسلمكم قبل يومين او تلاتة
( تنفعل الناس )
هند بخضة : نعم ، ايه الي بتقوله دة ، انت كدة هتوقف اشغالنا !
........... : والله مش ب ايدنا
هند ب انفعال : اومال ب ايد مين ، فين مدير المكان دة ؟
........... : لو سمحتي مفيش داعي للزعيق ، الدفعة التانية مش بعيدة انا بقول يومين تلاتة بس !
هند : المحل نصه فاضي مقدرش استنى يومين تلاتة ، انت كدة هتخسرني زباين !
............ : والله مش مشكلتي بقا ، انا قلت الي عندي
هند بزعيق : قلت هاتولي ام المديييير
( يقرب شاب ع الصوت )
مروان : في ايه ي بني ؟!
........... : معرفش الأنسة مش عاجبها الكلام وعمالة تزعق !
مروان : هند !
هند : في زفت ميعاد المفروض تلتزموا بيه ، ازاي تيجوا تقوله مفيش استلام ؟!
مروان : طب ممكن تهدي وتيجي معايا
هند ب استغراب : اجي معاك فين ؟!
مروان : هفهمك ي ستي تعالي
( تروح معاه ، يدخله مكتبه )
مروان : انتي دايماً عصبية كدة !
هند : انا ورايا شغل وناس لو الشغل مجاش انهاردة هيروحوا يشتروا من برة ، دة محل هدوم مش مكتب تسويق هيستنوا !
مروان : طب اقعدي كدة واهدي وانا هتصرف
هند : هتسلمني الهدوم ؟
مروان : ي ستي هعملك الي انتي عوزاه بس اقعدي
( تتنهد هند وتقعد ، يمسك مروان الفون )
مروان : عز شوفلي j&j اي دفعة متكونش اتسلمت لسة ، مبسش دة ضروري يلا ، سلام
( يقفل مروان ويقعد قصادها )
مروان : تشربي ايه ؟
هند : مش عاوزة حاجة شكراً
مروان : هجيبلك لمون يهديكي ، ي محمااااا
( يدخل شاب )
مروان : هات واحد لمون
........... : حاضر
( يمشي الشاب )
مروان : مينفعش تاخدي كل حاجة ع اعصابك كدة !
هند بتنهيدة : ي سيدي ولا اعصابي ولا غيره ، كل الحكاية إني مبحبش حد يلتزم معايا بحاجة ويخلفها عشان هطر انا كمان اخلف مع الي التزمت معاه ، وانا بحب كلمتي تبقا واحدة
مروان : طب مش يمكن الحد دة حصله ظرف طارئ ف مُطر يخلف الي وعدك بيه !
هند : المفروض لو مكانش اد كلامه وواثق منه مكانش قاله م الأول
مروان ب ابتسامة : النقاش معاكي خسران بجد !
( تبتسم هند وتبص وتضير وشها ، ف بيت فاطمة ، فاطمة لابسة ونازلة )
اسراء ب استغراب : رايحة فين ؟!
فاطمة : زهقانة ، عاوزة امشي
اسراء : طب استني هاجي معاكي
فاطمة : لأ ، عاوزة ابقا لوحدي خليكي
اسراء بقلق : طب انتي كويسة يعني ؟!
فاطمة : ايوة
( تلبس فاطمة الكوتشي وتنزل ، شهاب واقف مع عصام ف المحل )
شهاب : هيجيبهولي امتى ؟
عصام : يومين بالكتير
شهاب : قوله ينجز بس
عصام : ماشي ، انت خلاص دة اخر قرار ؟
شهاب بضيق : ايوة خلاص
( يلمح فاطمة ماشية ف الشارع ، يجري يطلع م المحل ويروح وراها )
شهاب : فاطمة
( تتخض اما تسمعه وتكمل مشي )
شهاب : فاطمة !
فاطمة بعصبية : اييييه ؟
شهاب : اقفي بالله عليكي عاوز اكلمك
فاطمة وهي ماشية : هو كلامي ليك ف الموبايل مكانش واضحلك كفاية ؟!
شهاب : ي فاطمة انا غلطت ، سامحي بالله عليكي دي اخر غلطة
فاطمة : عمري م هسامح
شهاب : طب قوليلي ايه يرضيكي وانا اعمله
فاطمة : تبعد عني ، دة الي يرضيني ، ابعد
شهاب : ي فاطمة انا بحبك وانتي عارفة كدة
فاطمة : كنت عارفة ، دلوقتي كل الي اعرفه إنك حيوان وخاين !
شهاب : طب ....................
فاطمة بعصبية وهي بتلفله : باااس بقا خلاص كفياك ، انا مستحيل ارجعلك او اقبل اكون مع واحد زيك تاني ، انا بسببك كنت مشلولة ، بسببك قضيت اسوأ ٣ ايام ف حياتي من وجع جسمي لوجع قلبي ، سيبني ف حالي بقا وبطل اذية فيا وابعد عنيييي
شهاب بحزن : حاضر ، حاضر هبعد ، انا اسف
( تمشي فاطمة ويفضل شهاب واقف باصصلها ، عند هند ، يدخل عز )
عز : الدفعة جاهزة
مروان : تمام
( تقوم هند )
مروان وهو بيقوم : تقدري تستلمي كدة
هند : انا مش عارفة اقولك ايه متشكرة
مروان : العفو ع ايه ، ممكن تديني رقمك ونبقا نتواصل وقت استلام الدفعات واعرفك وقتها تيجي امتى بدل م تيجي ع الفاضي
هند : اوك
( تديله الرقم )
هند : شكراً مرة تانية
مروان : العفو
هند : باي
مروان : باي
( فاطمة واقفة ع الشط بتبص ع البحر وسرحانة )
أنت تقرأ
قصة : ( ابن الجيران ) ل سهيلة سعيد المنجي
Romance_ كتير اوي بيتغلط ف حقنا وغلط مينفعش نسامح عليه ، بس كل حاجة ف حياتنا مبنية ع فرصة تانية ، انت تقدر تسامح لما تلاقي جواك حاجات صعب تتنسي ، لما تلاقي نفسك حنيت بس متقدرش تتكلم ، افتكرت ذكرى حلوة ف بكتك ، لما تلاقي نفسك بتقول طب ياريتني كنت غفرت ، يار...
