عشق وندم ﴿مكتمله﴾

عشق و ندم 11

#عشق_و_ندم
البارت الحادي عشر

في شقه "محمد" .
رن جرس الباب وذهب "محمد" ليعلم من يخبط بقوه هكذا
فصدم عندما علم من بالباب ؟.
فتح وعلامات الغضب علي وجهه فوجدهم أمامه وابتسامه تسليه علي وجوههم فقال "محمد" بضيق ..
:- تصدقوا انكم عالم معفنه و به*** في حد بيخبط كدا .
"كريم'' : ايييييه يا بيضه انتي كنتي مشغوله ولا ايه جايين في وقت غلط احنا ولا ايه .
ودفشوه وساروا الي الداخل دون أن يأذن لهم ....( ربما هذا حال الاصدقاء عاده عند زواج أحدهم )....
جلسوا وقال أحدهم ويدعي "ابراهيم" ...
:- وحتي لو جايين في وقت مش مناسب ...ميضرش عملها فينا كتير .
"محمد" : لااااا يا راجل وانت جاي بقي تطلعه عليا في اسبوع فرحي يعني .
اجاب اخر ويدعي "فتحي" : اسبوع فرحك ايه يابني انت مش عديت الأسبوع اهو واحنا صابرين عليك اصلا قلنا تفرحلك شويه.
"محمد" : تصدقوا بالله ما في حد بينق عليا غيركم .
تحدث "باسل'' قائلا بضحك : يعني النق دا جه بفائده ياخويااا ما انت هايص اهو .
ضحكوا جميعا ولكن اوقفهم صوتها وهو ينادي باسمه .
"رضوي" بخجل : "محمد" .."محمد" .. ثواني لو سمحت .
"محمد" : دقيقه يا رجاله البيت بيتكم بس مش اوي يعني .
دلف لها ليري ماذا هناك فوجدها تقف بالردهه ومعها اكواب عصائر ومشروبات غازيه .
ابتسم لها بعشق وقال : هاتي يا قلبي ..بس دول مايمشيش معاهم الكلام دا هيفضحوني دلوقتي .
"رضوي" : اعمل اي حاجه تانيه. .
"محمد" : يسلملي نبض قلبك ... لو احتجت حاجه هقولك .
خرج لهم بما أعدته فصرخوا به قائلين .
"كريم'' : ايه دا عصير.
"باسل" : نسخن بس الاول يا رجاله .
"فتحي" : نسخن مين يااااباااا ايه اللي انت جايبه دا يا محماااه احنا جايين نستعشا يا حبيبي .
"محمد" تحدث يضيق قائلاً و هو ينظر خلفه ليري أن كانت زوجته ماذالت واقفه هناك بالردهه  :  فضحتوني قدام المدام يا جذم ..دا من زوقها يا شويه ج** قالت تضيفكم .
نادي "فتحي" بصوت عال : يا ابله "رضوي" ...يا عروستنا دقيقه لو سمحتي.
كانت تقف بالردهه وعلامات الصدمه تكسو وجهها وتتسال في نفسها ... أيعقل ما يحدث بالخارج ، ولكنها صدمت أكثر عندما وجدتهم ينادونها .
خرجت لهم علي استحياء وهيا تنظر للأرض وقالت : نعم .
"فتحي" : احنا جايين كدا بالصلاه على النبي علشان نتعشي هنا وكمان لسه الباقي جاين .
توسعت حدقتها علي اثر ما قال ولكنها قالت : ينوروا ..وحاضر العشل جاهز دقايق بس .
دلفت لداخل سريعا وهم "محمد" بحمل الصينيه وما عليها مره اخري فتحدث "فتحي" بغضب .
:_ ايدك يا جدع ، احنا هنشربهم برضه.
"محمد" : دلوقتي بس يا "ابراهيم" عرفت مراتك بتكره نيجي عندك ليه .
رفع له "ابراهيم" الكأس التي بيده وهو يقول : حبيبي .
دلف لها فوجدها تقف بالمطبخ تائهه لا تدري ماذا تفعل ، فاخرجها من دوامة تفكيرها تلك عندما امسك يدها وضمها إليه بتسأُل .
"محمد" : مالك يا"رضوي" سرحانه كدا ليه .
"رضوي" : مش عارفه ، مش عارفه يا "محمد" اعمل ايه ليهم دول احرجوني وقالوا عاوزين اكل ..هو في كدا اصلا ..بس تمام ماشي اعمل اكل ، بس اعمل اكل اي يا "محمد" مش عارفه خالص ..لو عملت الاكل اللي مطبوخ هنا مش هيكفي دول شكلهم هيكونوا كتير اوووي وانا محتاره اعمل ايه والله ، طيب هينفع اطلعلهم اكل كله نواشف مثلا دا ممكن يحرجوني تاني والله كدا كتير وانا مش عارفه اعمل ايه بس .
"محمد" بصدمه : "رضوي" اهدي ..اهدي يا حبيبتي ...بقولك اهددددي.
صمتت فقال لها : خدي نفسك الأول كدا ..استرخي.
انصاعت له وأخذت نفس عميق وكتمته واخرجته ببطء فقال هو : كدا افضل صح .
. هزت راسها بنعم فقال : انتي هتعملي اكل كله نواشف يا حبيبتي لأن دول مش نافع معاهم اي حاجه تانيه ، اتكلي علي الله انتي واعملي ...عشرين بيضه كدا و اربعه لانشن كبير وبرجر كتير وكفته وبفتيك لو موجود وشبسي كتير وبطاطس كتير برضه وكمان لو في بانيه كتير ماشي وجبن يا "رضوي" كتير برضه انواع ولو ينفع تعملي عشره بيتزه بسرعه كدا ولا اقولك بلاش بيتزا بلاش في بلوبيف اعملي بلوبيف ..كدا كويس .
كانت تنظر له بصدمه ولم تنطق أو تحرك ساكن فقلق هو عليها وقال : "رضوي" انتي كويسه حبيبتي مالك.
اخيرا وجدت الكلمات فقالت بزهول : هو اي الاكل دا كله هيودوه فين يخربيتك علي بيتهم يلهوووي .
"محمد" : معلش يا قلبي معلش خلصي علشان يمشوا بقي ..انا هطلع اشوفهم واجي اساعدك .
وبعد مده كانا قد انتهيا من اعداد الطعام للحيتان كما اطلقت عليهم هيا واخرجته لهم فوجدت "محمد" يسحبها ويقول لها .
"محمد" : بقولك ايه انزلي انتي عند امي تحت متفضليش هنا.
"رضوي" : ليه بس في ايه .
أجابها : دول لو الاكل خلص قدامهم هياكلوا الاطباق وبعدين هيدخلوا عليا أنا وانتي كمان ..انزلي اضمن ليا.
وبالفعل شعرت بالخوف واتجهت لشقه والدتها لتجلس معها .
"محمد" : عاااااااش يا وحوش .
اجابوه جميعا والطعام بفمهم : تسلم يا حمااااده .
"محمد" بذعر من هيئتهم : يخربيتكم .
********
في شقه"محمود الطنطاوي"
كانت تجلس مع "سعاد" ويضحكون فلقد قصت عليها ما حدث.
"سعاد" بضحك : هههههههههههه خلاص يابنتي معنتش قادره هههههههه هو انتي لسه شفتي منهم حاجه .
"رضوي" : لسه اي يا ماما بس دي حاجه متتوصفش والله دا انا نزلت جري .
"سعاد" : ههههههههه الله يجازيكي بالخير يابنتي دا لسه دي اول اكله عندك وعاملين محترمين ، لسه .. لسه.
"رضوي" : لا دا انتي الله يكون في عونك بقي .
صمتتا ولكن قطع هذا الصمت سؤالها : هااااا مش ناويه بقي تتشجعي كدا وتشدي الهمه وتجيبي لينا نسخه من "محمد" ولا ايه .
"رضوي" بخجل : وقت ما ربنا يريد .
********
في شقه محمد.
انتهوا من تناول الطعام ولم يكن أمامهم شيء يدل علي اثر الطعام ابدا فقال بزهول .
"محمد": عاااش ..  دا مراتي مش هتتعب في غسيلهم .
"فتحي" : اي خدعه بقي ...هات حاجه ساقعه .
"باسل" : حاجه ساقعه مين دلوقتي فين الحلو .
"محمد" : هو لسه في مكان للحو.
"كريم " :ااااااااااه فيه.
"محمد": فل عليكم يا وحووووش.
وبعد أكثر من ساعتين كانوا قد انتهوا من سهرتهم ونزل "محمد" معهم...اوصلهم للخارج وذهب لشقه أبيه ليجلس بعض الوقت معهم ويأخذ زوجته.

أما بالشقه ......

كانت تجلس معها وعلي وجهها بعض الخجل ويدها علي فمها ومغمضه عيناها والاخري تضحك عليها وتنظر لها بستغراب فقالت لها .
"رضوي" : يوووه بقي ي ماما بطلي تضحكي علياااا هزعل منك والله .
"سعاد": الله هو أنا قلت حاجه غلط ولا ايه .
دلف إليهم ليجدهم علي هذه الحاله .."رضوي" يبدو عليها الخجل والتوتر و والدته تضحك ..تذكر عندما كان خاطب من قبل لم تكن تاني مخطوبته لزياره والدته كثيرا وعندما كانت تاني لم تكو تجلس للوقت الكثير ولم يراها تضحك مع والدته الا مرات معدوده وكل مره كانت تطلب منه والدته احضارها إليهم كانت الأخري ترفض بشده وعندما تذهب كانت تبقي طوال الوقت مذعوره وتريد الذهاب ..قارن بينهما فوجد الاختلاف كبير جدا ها هو يري والدته تضحك من قلبها لم يراها هكذا منذ وقت طويل..أيقظ نفسه من دوامه ذكرياته وانضم لهم فقال وعلامات الاستفهام تحوم حوله .
"محمد" : في ايه مالكم ياماا كدا.
كادت الحديث ولكن قطعتها "رضوي" بوضع يدها علي فمها قائله : مفيش يا "محمد" دي ..دي ...دي كانت هتسالك الحيتان مشيو ولا لسه .
قطب بين حاجبيه بستغراب قائلا: حيتان مين دول ؟.
قهقهت أمه عاليا وقالت : قصدها علي صحابك هههههههههه.
ضحك هو الآخر وقال بتسليه : ايه دا هما بقول حيتان بس تعرفوا يستاهلوا الاسم والله .
ابتسمت بهدوء فأكمل هو : دا كدا هما محترمين نفسهم كمان ..قولي ليها ياما .
"سعاد" : والله قلتلها الكلام دا يا قلب امك مصدقتش .
"محمد" لا صدقي يقلبي دول مفاااجيع.
أجابته : طيب وعلي كدا انت كنت بتروح معاهم لما كان واحد بيتجوز وبتعمل معاهم كدا برضه .
"محمد" بغرور : لا مش كدا اوي يعني جوزك ايم (ذوق) من يومه.
تمتمت بضيق: مغرور ...
رد بسخريه : بتقولي حاجه يقلبي .
=لا طبعا بكح بس
_اممممم يقلبي طيب كحي براحه اصل تتعبي
:_ باااااااس انتوا قط وفار مع بعض ولا ايه يخربيت كدا ..يلاا خدها واطلعوا ناقروا ف بعض بعيد عني ...بس متنسيش يا "رضوي "
اجابتها : ما خلاص بقي يا حاااجه عرفنا .
"محمد" : هو في ايه بالظبط انا عاوز افهم...مالكم .
"سعاد" : مفيش يابني بقولها تشدوا حيلكم كدا والله
_نشد حيلنا ازاي يعني.
قالها "محمد" بستغراب فاردفت الام : تتجدعنوا كدا يا حبيبي وأشوف عيالكم.
ابتسم "محمد" و لمعه غريبه أنارت عيناه فرحاً وقال : بإذن الله ياماا ...يلا هتعوزي مني حاجه .
"سعاد " سلامتك ياحبيبي .
_ طيب تصبحي علي خير ..يلا يا "رضوي'' .
"رضوي" : تصبحي علي جنه يا مزتي..
ضحكت "سعاد" وقالت : وانتي من أهلها يقلب مزتك ..
وأخذها وصعد لشقتهم يعم نظرتها الفرحه ودعواتها تلاحقهم .

دلف بها الي الشقه فهرولت هيا سريعا للداخل وأغلقت الغرفه عليها فذهب هو الآخر خلفها وقال : افتحي الباب.
ردت : مش فاتحه .
"محمد" : افتحي بقولك .
"رضوي" : لأ ..
"محمد" بهمس لنفسه : طيييب ماشي .
وذهب واغلق اغلق باب الشقه بعنف لتفتح هيا الغرفه وتخرج منها لتصدمه بحق وشعرت بأن أطرافها شلت في هذا الوقت ؟
تري ماذا هناك؟
و ماذا تخبا الايام لهم.؟
كل هذا واكثر سوف نعرفه في الفصول القادمه .
انتظروني مع احب الكتابات لقلبي #عشق_و_ندم .
بقلمي_هند_محمد_. نودا.
#عاشقه_القلم

https://my.w.tt/8XAz7jwAx6
لينك الواتباد لروايه عشق وندم
عن قصه حقيقيه