#عشق_و_ندم
البارت الرابع
في شقه "محمد".
كانت تجلس "رضوي" مع والدة "محمد" ولم يكن موجود حينها بالشقه معهم ...رحبت بها "رضوي" كثيرا لأنها تكن لها حباً شديداً....
قالت "سعاد" بحنان: مبسوطه مع "محمد"يا حبيبتي .؟، بيزعلك في حاجه قولي ليا متخافيش انا هنا امك واوعدك اني هجيب حقك من حباب عنيه لو زعلك .
اجابتها "رضوي" بحزن حاولت إخفائه : لا يا ماما ابدا مش مزعلني ولا بيزعلني مفيش حاجه .
قالت "سعاد ": انتي ليه مش عاوزه تقولي ليا يا بنتي ، انا عارفه اللي قالته ليكي "رنا" واكيد انتي زعلانه منه ، معلش حقك عليا أنا في دي متزعليش ، هعمل ايه انا بس للاسف هما كدا عيالي كدا "محمد" وواخد طباع أبوه في كل حاجه لما خلاص تعبت وعارفه اللي انتي حاسه بيه واللي انتي كتماه في نفسك يا بنتي .
واردفت : أما "رنا" بقي ف هيا ماكره في نفسها..،،، ممكن تستغربي من كلامي بس دا حقيقي ، انا للاسف كان نفسي تكون شبهي ف الطباع مش ف الشكل ...يا فرحتي كل اللي يتكلم يقول شبهك يا "سعاد" .... شبهك يا "سعاد"
شبهي في ايه بس ف أنها بتحاول تخلي اللي قدمها يكره نفسه من اللي بتعمله فيه ، طيب انتي كان لزمته ايه تطلع وتعمل اللي عملته هنا دا ،، والله العظيم لو كنت اعرف أن دا هيحصل كنت طلعت انا ومكنتش خليتها خطت هنا برجلها ... بس اعمل ايه مقدرتش اطلع السلم ...انا طالعه ليكي دلوقتي وانا مش قادره والله بس قلت لأ يابت يا "سعاد" اطلعي راضي البت اللي اتكسر قلبها دي ......
اجابتها "رضوي'' : يا ماما مفيش حاجه حصلت انا مش زعلانه من اللي قالته لأن دي حقيقه ، "محمد" مش بيحبني ..."محمد" اتجوزني بس علشان .......
أكملت نيابه عنها : سكتي ليه يا حبيبتي ما دي حاجه من اللي حصل علشان يفرح أمه المريضه قبل ما تقابل وجه رب كريم....
قالت" رضوي " بصوت مختنق سرعان ما تحول لبكاء يمزق القلوب : عرفتي بقي اتجوزني لانه عاوز يفرحك انتي مش بيحبني يا ماما مش بيحبني ابنك حطمني للاسف وانا بعترف بكدا .
اجابتها بتعب : لااا يا بنتي يعلم ربنا اني لما شفتك قلبي ارتاح ليكي ليه ...مكن علشان انا عارفه وقلبي حاسس انك انتي اللي هتتحمليه من بعدي ..
قالت ''راضوي" سريعاً : بعد الشر عنك يا ماما لاا مش هقدر اعيش هنا لوحدي مش هعرف حاسه اني غريبه هنا .
اجابتها تلك الحنونه بتعب : يا بنتي عمر ما حد هيزعلك.. طول ما انا عايشه.. بس اللي واجع قلبي ..لو عشتلك النهارده..مش هعيش بكرا.
:-انتي ليه مصره انك توجعي في قلبي يا ماما ، كفايا عليا والله اللي انا فيه...
قالتها 'رضوي" بحزن وبكاء ..فبكت لأجلها الأخري لشعورها بقتراب أجلها ...؟
نهضت من مكانها وتوجهت للباب وهيا تقول: انا هنزل دلوقتي يا بنتي جيت ابص عليكي مش أحرق ف دمك..
تشبثت بها "رضوي" وهيا تقول : لاااا بالله عليكِ متنزليش خليكي معايا شويه ..
اعترضت ولكن مع إصرار "رضوي" انصاعت لها... جلست مره اخري و نظرت لها بحنان وقالت : مبقاش يحبها يا "رضوي" أن كنتي خايفه من دا انا الحاجه الوحيده اللي متاكده منها دلوقتي أنه بيحبك انتي ..ممكن منتيش حاسه بدا دلوقتي لأنك مشوشه من كلام "رنا" ليكي بس معلش استحملي.. لأن والله العظيم ابني بيحبك ، ممكن أسلوبه وحش وطباعه صاعبه، بس والله هو طيب وحنين اووي ..وانا متأكده أنه بيحبك يا "رضوي" انتي اللي معاه دلوقتي ..انتي اللي شايله اسمه ..وكل حاجه بتتعدل واحده واحده ...
اجابتها "رضوي" : يا ماما انا خايفه منه من عصبيته دي من جنانه
اردفت "سعاد " ضاحكه _ يا روحي دا انتي لسه في البدايه قدامك شويه علما تتعودوا علي طبع بعضكم كدا، وعلما تتعودا ..هيكون في اطفال بإذن الله..و ومن هنا حياتكم هتبتدي بقي تقولي دا فيها عصابيه ومشاكل والكلام دا كله اللي انتوا فيه دا يا حبيبه قلبي مش حاجه والله ..
:- يعني لما ابنك يكون مش بيحبني يا ماما كدا مش حاجه ..بجد ...
قالتها "رضوي" بعتاب ودموعها تهدد بأنها علي وشك النزول.
فقالت لها ''سعاد" : يا حول الله يا ربي يا بنتي قلتلك بيحبك اقولك علي حاجه عليا الطلاق ابني بيحبك هههههههه..
ضحكت "رضوي" كثيرا علي كلمته والده زوجها وقالت بخوف مصطنع : طيب بس بس لحد يسمعك منهم ويبقي طلاق نظمي رسمي فهمي ...هههههههه....
قالت الأخري : لااا دا يبقي طلاق جماعي وحياتك ..هههههههه
"رضوي'' بمشاكسه : وانا مالي يا عاطف انا مقلتش حاجه
ضحكت "سعاد"عليها وقالت : بتبعيني يا مرات ابني .
اجابتها "رضوي" : مش احسن ما اتعلق بقي ولا اي .. ابنك معندوش ياما ارحميني ...
ردت عليها وهيا نفسك يدها سريعاً: بمناسبه ابني بقي ...انتوا ناويين تفرحوا قلبي امتي ..عاوزه اشوف البيت مليان عليا عيال كدا قبل ما اموت ...
اجابتها بعتاب : بعد الشر عنك يا ماما بقي ...بعدين انتي مستعجله علي ايه يا وليه انتي دا انتي عندك بدل الحفيد اربعه مش مكفيينك ...
قالت "سعاد" بآمال كثيره : لالالالالا يا قلب الوليه دول ميكفونيش ابدا انا عاوزه اشوف منك ومن "محمد" كدا بيجروا وبيتنطنطوا قدامي هيا دي بقي تكون فرحتي ....
انتوا تخلفوا وانا أوربي ..وتخلفوا وانا رابي ...قالت "رضوي" بصراخ _ نععععمممم هو مين دا اللي يخلف دا كل دا هو أنا قرده ليكم ..لا قرده ايه بقي ..دا انا كدا ارنبه..
ردت عليها : وانبي ارنبه عسوله وبحبها هههههههههه
ضحكت''رضوي'' وقالت: وهيا كمان بتحبك يا ماما والله ..
أنت تقرأ
عشق وندم ﴿مكتمله﴾
Roman d'amourرسمت لحياتها معه كل ما هو جميل فـأيقظها هو على واقع مرير لتكون ضحية جحيمه ... خدعها وظلمها وكسرها، ولكن لا يعلم بأن قلبها أصبح كالصخر بسببه فهل سيعيده للحياة مجددا أم سيكون لها رأي آخر ... عشق ثم ندم قصتنا حقيقيه وابطالها عاديين موجودين حصل معاهم...
