#عشق_و_ندم .
البارت الرابع عشر.
_____بعنوان " #نار_الغيره "_______
عند سهر .
كانت تجلس وتفكر في كلام بعض الجارات لها وهيا في حيره من أمرها ماذا تفعل تذكرت كلمات احدهن وهيا تقول .
" يابنتي ارجعي ملكيش غير بيت متخربيش علي نفسك "
و اخري قالت .
"يا سهر يا حبيبتي بالك انا جوز بنتي موريها السواد و مستحمله واهي بتقول اهي عيشه والسلام .
وآخرين أضافت .
"بقولك ايه يا سهر الوحده فينا يا حبيبتي يا ماا شافت في حياتها واهو استحملنا وخلاص واهو ضل راجل ولا ضل حيطه .
فاقت من شرودها علي صوت رنين هاتفها فنظرت إليه لتعلم هويه المتصل لتجدها زوجه اخ زوجها (سلفتها) فاجابتها علي الفور لأنها تحبها وتعاملها بلطف ودائما ما كانت تحزن عليها من معامله زوجها لها علي عكس تلك الحمقاء الأخري .
"سهر" بهدوء : الو ...
"مديحه" : الو ....أيوة يا سهر ازيك يا حبيبتي عامله ايه وحشاني.
"سهر" بمحبه : وانتي كمان وحشاني يا ام "عصام" وانا كويسه الحمدلله مفيش حد بيهني ولا بيضربني .
"مديحه" : معلش يا حبيبتي نصيبك طلع اسود كدا هتعملي ايه بس .
"سهر" وهيا تمد شفتها للامام بقله حيله : هعمل ايه يعني يا ام عصام. اديني بقول نصيبي كدا والله بفكر ارجع .
شهقت بعنف وقالت بصدمه علي الفور : تفكري ايه ...ترجعي لمين يا حبيبتي انتي عاوزه تبلي نفسك بمصيبه ولا ايه .
"سهر" بستغراب : مصيبه !....مصيبه ايه اللي ألبسها لنفسي دي ؟.
"مديحه" : انتي متعرفيش هو هنا عامل ازاي من بعد ما الناس جم و قالوا مش راضيه ترجع تاني من و قتها و هو عامل زي الاهبل بيخطط وبيدبر و علي طول سرحان كدا والشر بيطلع من عينه .
"سهر" بلا مبالاة : وهيا دي غريبه عليه يعني دي عاده "ناصر" ان الشر بيطلع من عينه كدا .
"مديحه" بقلق : يا بنتي انا خايفه عليكي اوي منه دا عنده استعداد يدخل عندك حد بعد ما ترجعي واللي فيه يجيبه فيكي انتي .
اتسعت مقلتيها بعدم تصديق وقالت : ليه يعني هو اتجنن ولا ايه بس ، مش معقول يعني .
أجابت الأخري بحسره : شكلك بتحاولي تضحكي علي نفسك يا "سهر" انا يا بنتي بنصحك لوجه الله لاني خايفه عليكي وربنا الاعلم انتي معزتك عندي قد ايه ، وانتي حره في اختيارك .
تجمعت الدموع في مقلتيها وقالت بصوت مخنوق : هو كلكم بتقولوا ليا "انتي حره في اختيارك" الكلمه دي الكل بيقولوا ليا وانا زهقت منها والله العظيم قرفت يا نااااس ارحموني بقي .
أنت تقرأ
عشق وندم ﴿مكتمله﴾
Romanceرسمت لحياتها معه كل ما هو جميل فـأيقظها هو على واقع مرير لتكون ضحية جحيمه ... خدعها وظلمها وكسرها، ولكن لا يعلم بأن قلبها أصبح كالصخر بسببه فهل سيعيده للحياة مجددا أم سيكون لها رأي آخر ... عشق ثم ندم قصتنا حقيقيه وابطالها عاديين موجودين حصل معاهم...
