My Magic Dream

Kabanata IV

[Sa Jomdelc]
“Imposible pre, pramis napakaimposible” sabi ni Ian at hinawakan pa ang ilong ni Luis.

“Oo nga, kapitbahay ko lang siya tapos nakapasok siya sa condominium ko” pagpapatunay ni Luis habang inaasikaso ang mga costumer.

“Tapos?..... Anong ginawa niyo?” kursunadang tanong ni Ian.

“Ginawa namin? Ahh nag-usap lang!” tugon ni Luis habang inaasikaso ang mga costumer. Si Adrian naman ay nag-iikot sa cooking area at natutuwa siya sa mga pagluluto na nakikita niya.

Dumating ulit si Noime kasama si Victor. Lumabas si Adrian at tumabi kay Luis. “Yung crush mo, kasama nanaman manliligaw niya” sumbong ni Adrian.

“Eh! Kung guluhin mo nalang sila?” hiling ni Luis.

“Inuutusan mo ba ako?” tanong ni Adrian.
“Hindi kuya, humihiling ako sayo, sige na” bulong ulit ni Luis.

“Kuya,  ako po ang kausap niyo, ba't kumakausap ka sa hangin” paalala ng costumer na nasa harap niya at kaya siya natauhan. Yumaon na si Adrian papalapit kina Noime at Victor.

“Kausap niya ang sarili niya kasi ang crush niya kasama nanaman ang manliligaw” singit ni Ian na ikinatawa nila Rhea at ng mga costumer.

Pumuwesto si Adrian sa harap ng dalawa at kinindatan niya pa si Luis.

“Ano ba ang gusto mong kainin?” panimula ni Victor habang malagkit ang tingin kay Noime.

“Ikaw ang bahala, ikaw naman magbabayad eh” saad ni Noime subalit hindi tumitingin dito.

“Kung ako tatanungin, siyempre ang favorite kong kainin ay (“Ikaw” bulong ni Adrian) ikaw” nabigla si Adrian nang masabi niya ito at nanlisik lang ang mata ni Noime.

“Ahh.. Noime, ang (“dumi mo”) dumi mo” nabigla ulit si Noime at sumimangot.
“I mean, para kang bulaklak kapag nakikita ko ako'y (“nalilibugan”) nalilibugan este nagagandahan ah oo nagagandahan ako sayo” Sabi ni Victor na ikinainis ni Noime. “Victor” ang nasabi ni Noime nang painis.

“Ahh iniinis lang t-talaga kita kasi napakaganda ng mga mata mo (“nakapikit ka ba?”)… nakapikit ka ba?” Nagulat din si Victor nang tinanong niya to at iniwan siya ni Noime. At humabol si Victor subalit pinatid ito ni Adrian kaya napasubsob sa basurahan at pinagtawanan siya ng mga tao at halakhak naman ang kay Luis.
Pagkatapos ay lumapit si Adrian kay Luis.

“Okey ba?” ang tanong ni Adrian at napatango lang si Luis.

“Ano bang ginawa mo sa kaniya?hahahaha” tanong ni Luis na ikinatingin ng mga nasa paligid niya.

Hinawakan ni Rhea ang leeg niya, “Luisito okey ka pa ba?” tanong nito.

“pre pa-check up ka na” singit naman ni Ian.

Tumatawa lang si Adrian at bumalik si Luis sa serbisyo.