المسؤليه

الجزء 07

ﺍﻟﺤﻠﻘﺔ ﺩﻱ ﻣﺪﺗﻬﺎ ﺗﺴﻌﺔ ﺳﻨﻮﺍﺕ .

ﺍﻟﺠﻤﺎﻋﺔ ﺍﻟﺘﻼﺗﺔ ..ﻣﺴﺎﺀ ﺍﻟﻴﻮﻡ .. ﻋﻘﺪﻭ ﺟﻠﺴﺔ ﺗﺸﺎﻭﺭﻳﺔ ..

ﻣﺤﻤﺪ ﻭﺯﻭﺟﺘﻮ ﻛﻮﺛﺮ ﻭﺍﺧﺘﻬﺎ ﻧﺎﺩﻳﺔ ..

ﻣﺤﻤﺪ ﻗﺎﻝ : ﺍﻫﺎ ﻳﺎﺟﻤﺎﻋﺔ ﺭﺍﻳﻜﻢ ﺷﻨﻮ؟ ﻭﺍﻟﻤﻔﺮﻭﺽ ﻳﺤﺼﻞ ﺷﻨﻮ ؟ .. ﻭﺍﻟﻨﺎﺱ

ﺩﻳﻞ ﻧﻜﻠﻤﻬﻢ ﻛﻴﻒ؟ ﻭﺍﻟﺒﻜﻠﻤﻬﻢ ﻣﻨﻮ؟ ‏( ﺍﻻﺳﺮﺗﻴﻦ ‏)

ﻛﻮﺛﺮ ﻗﺎﻟﺖ ﻟﻴﻬﻮ : ﺍﻫﺎ ﻳﺎﻣﺤﻤﺪ ﺍﻟﻨﺎﺱ ﺩﻳﻞ ..ﺣﺘﻲ ﻟﻮ ﺍﺗﻘﺒﻠﻮ ﺍﻧﻮ ﻧﺤﻦ

ﺍﺗﻜﻔﻠﻨﺎ ﺑﻲ ﻳﺘﻴﻤﺔ ﻣﻦ ﺩﺍﺭ ﺍﻟﺮﻋﺎﻳﺔ . ﻛﻴﻒ ﺑﺘﻘﺒﻠﻮ ﺍﻧﻲ ﺍﻧﺎ ﻛﺬﺑﺖ .ﻭﻗﻠﺖ

ﺣﺎﻣﻞ ..

ﻫﻨﺎ : ﺍﺗﻜﻠﻤﺖ ﻧﺎﺩﻳﺔ ﺍﻟﺬﻛﻴﺔ ﺍﻟﻠﺒﻘﺔ .. ﻗﺎﻟﺖ ﻟﻴﻪ ﺩﻱ ﻣﺸﻜﻠﺔ ﻣﺤﻠﻮﻟﺔ .. ﻭﻣﻦ

ﺍﻟﺼﺒﺎﺡ ﺍﻧﺎ ﺑﻔﻜﺮ ﻓﻴﻬﺎ .. ﻭﺟﺎﺗﻨﻲ ﺧﻄﺔ ﺟﻬﻨﻤﻴﺔ ..

ﺍﻻﺗﻨﻴﻦ ﻓﻲ ﻟﺤﻈﺔ ﻭﺍﺣﺪﺓ ﻗﺎﻟﻮ ﻟﻴﻬﺎ : ﺍﻫﺎﺍﺍﺍﺍ ؟؟

ﻗﺎﻟﺖ ﻟﻴﻬﻢ ﺍﻭﻝ ﺣﺎﺟﻪ ﺍﻧﺎ ﺑﺘﺼﻞ ﻋﻠﻰ ﺍﻣﻲ .. ﻛﻮﻳﺲ؟ .. ﻭﺑﻘﻮﻝ ﻟﻴﻬﺎ ﻳﺎ

ﺍﻣﻲ ﻟﻼﺳﻒ ﻛﻮﺛﺮ ﺍﻋﺎﺩﺕ ﺍﻟﻜﺸﻒ .. ﻭﻇﻬﺮ ﺍﻧﻮ ﻣﺎﻓﻲ ﺣﻤﻞ .. ﻭﻛﻮﺛﺮ

ﻣﺘﺄﺛﺮﺓ ﻳﺎ ﺍﻣﻲ .. ﻭﺗﻌﺒﺎﻧﺔ ﻧﻔﺴﻴﺎ .."

ﻭﻣﺎﻋﺎﺭﻓﻴﻦ ﻧﻌﻤﻞ ﻟﻴﻬﺎ ﺷﻨﻮ؟ ﻭﻣﺎﺡ ﺍﺟﻴﺐ ﻟﻴﻬﺎ ﺳﻴﺮﺓ ﺍﻟﻄﻔﻠﺔ .. ﺣﻠﻮ؟

ﻭﻣﺤﻤﺪ ﻳﺘﺼﻞ ﻳﻘﻮﻝ ﻧﻔﺲ ﺍﻟﻜﻼﻡ ﻟﻲ ﻧﺎﺱ ﺑﻴﺘﻬﻢ .. ﻛﺪﺍ ﺗﻤﺎﻡ ؟ .

ﻳﻼ ﺑﻌﺪ ﺗﻼﺗﺔ ﻳﻮﻡ ﺍﻧﺎ ﺑﺘﺼﻞ ﻋﻠﻰ ﺍﻣﻲ ﻭﺍﻗﻮﻝ ﻟﻴﻬﺎ .. ﻛﻮﺛﺮ ﻳﺎﺍﻣﻲ . ﺣﺎﻟﺘﻬﺎ

ﺍﻟﻨﻔﺴﻴﺔ ﺑﻘﺖ ﺳﻴﺌﺔ .. ﻭﺧﻔﻨﺎ ﻋﻠﻴﻬﺎ ﺗﺤﺼﻞ ﻟﻴﻬﺎ ﺣﺎﺟﺔ ﺟﺒﻨﺎ ﻟﻴﻬﺎ ﻭﻃﻔﻠﺔ

ﻣﻦ ﺩﺍﺭ ﺍﻻﻳﺘﺎﻡ ..

ﻭﻣﺤﻤﺪ ﻳﺘﺼﻞ ﻋﻠﻰ ﻧﺎﺱ ﺑﻴﺘﻬﻢ ﻭﻳﻘﻮﻝ ﻟﻴﻬﻢ ﻧﻔﺲ ﺍﻟﻜﻼﻡ ..

ﻭﻛﺪﺍ ﺍﻟﻤﻮﺿﻮﻉ ﻳﻜﻮﻥ ﺍﺗﺨﺖ ﺑﻄﺮﻳﻘﺔ ﺣﻠﻮﺓ ﺷﺪﻳﺪ ..

ﻭﻣﺎ ﺣﻴﻜﺘﺸﻔﻮ ﺍﻧﻜﻢ ﻛﻨﺘﻮ ﺑﺘﻜﺬﺑﻮ ﻧﻬﺎﺋﻲ .. ﻭﺣﻴﻌﺮﻓﻮ ﺍﻧﻮ ﺍﻟﺒﺖ ﻧﺤﻦ ﺟﺒﻨﺎﻫﺎ

ﻟﻴﻚ ﻛﻤﻨﻘﺬ ﻟﻴﻚ ﻭﻟﺤﺎﻟﺘﻚ ﺍﻟﻨﻔﺴﻴﺔ ..

ﻣﺤﻤﺪ ﻗﺎﻝ ﻟﻴﻬﺎ ﻭﺍﻟﻠﻪ ﺍﻧﺘﻲ ﻳﺎﻧﺎﺩﻳﺔ .. ﺍﻟﻤﻔﺮﻭﺽ ﺗﺸﺘﻐﻠﻲ ﻓﻲ ﺍﻟﺴﻴﺎﺳﺔ

ﻭﺗﻜﻮﻧﻲ ﻣﻦ ﺍﻋﻀﺎﺀ ﻣﺠﻠﺲ ﺍﻟﻮﺯﺭﺍﺀ ,,

ﻭﻓﻌﻼ ﺗﻤﺖ ﺍﻻﻣﻮﺭ ﻛﻤﺎ ﻫﻮ ﻣﻘﺮﺭ ﻟﻬﺎ ..ﻭﺯﻱ ﻣﺎﻗﺎﻟﺖ ﻧﺎﺩﻳﺔ ﺑﺎﻟﻀﺒﻂ ..