المسؤليه

الجزء 13

ﻳﻮﻡ ﺍﻟﺨﻤﻴﺲ ﺍﻟﺼﺒﺎﺡ . ﻧﻮﺭ ﺣﻜﺖ ﻟﻜﻮﺛﺮ ﻛﻼﻡ ﺍﻻﺳﺘﺎﺫﻩ .. ﻛﻮﺛﺮ ﻗﺎﻟﺖ ﻟﻴﻬﺎ

.. ﺑﺘﻜﻮﻥ ﻗﺎﺻﺪﺓ ﺷﻨﻮ ﻳﺎﻧﻮﺭ؟ .. ﺍﺣﺘﻤﺎﻝ ﻋﺎﻳﺰﺓ ﺗﻤﻬﺪ ﻟﻴﻚ ﺍﻧﻮ ﺍﻻﺳﺘﺎﺫ

ﺣﺒﺪﻳﻜﻢ ﺩﺭﻭﺱ ﺧﺼﻮﺻﻴﻪ . ﻓﻲ ﺍﻻﺟﺎﺯﻩ . ﻻﻧﻚ ﺍﻟﺴﻨﺔ ﺍﻟﺠﺎﻳﺔ ﻣﻤﺘﺤﻨﺔ

ﺍﻟﺠﺎﻣﻌﺔ . ﻭﻋﺎﻳﺰﺓ ﺗﻌﺮﻑ ﺭﺍﻳﻚ ﻓﻲ ﺍﻟﻤﻮﺿﻮﻉ . ﻧﻮﺭ ﻗﺎﻟﺖ ﻟﻴﻬﺎ ﺍﺣﺘﻤﺎﻝ ﻳﺎ

ﺍﻣﻲ .. ﺑﺲ ﺍﻧﺎ ﺣﺴﻴﺖ ﻣﻦ ﻛﻼﻡ ﺍﻻﺳﺘﺎﺫﻩ .ﺯﻱ ﺍﻟﻜﺎﻧﻬﺎ ﺑﺘﻄﻠﺐ ﺭﺍﻱ ﻓﻴﻬﻮ

ﻛﺰﻭﺝ .

ﺍﻣﻬﺎ ﻓﻘﻊ ﻓﻘﻊ .. ﻓﻘﻌﺘﻬﺎ ﺿﺤﻜﺔ .. ﻗﺎﻟﺖ ﻟﻴﻬﺎ ﺩﺍﻳﻤﺎ ﺍﻟﺒﻨﺎﺕ ﺍﻟﺒﻜﻮﻧﻮ ﻓﻲ

ﻋﻤﺮﻙ ﺩﻩ .. ﺗﻔﻜﻴﺮﻫﻢ ﻛﻠﻮ ﻓﻲ ﺍﻟﻌﺮﺱ. ﻳﺎﺑﺖ ﻫﻮﻱ ﺍﻧﺘﻲ ﺑﺖ ﻣﺘﻴﻦ؟ .. ﺍﻧﺎ

ﺯﺍﺗﻲ ﻣﺎﺑﺨﻠﻲ ﺑﺘﻲ ﺗﻌﺮﺱ ﺻﻐﻴﺮﺓ ﻛﺪﺍ .. ﻧﻮﺭ ﺣﺒﻴﺒﺘﻲ . ﻭﺍﻟﻠﻪ ﺍﻧﺎ ﻟﻐﺎﻳﺔ

ﺍﻟﻠﻴﻠﻪ ﻣﺎﺷﺒﻌﺖ ﻓﻴﻚ ﺷﻮﻑ .. ﻭﺍﻧﺘﻲ ﻗﺎﻋﺪﺓ ﻣﻌﺎﻱ ﻭﺍﻧﺎ ﻣﺸﺘﺎﻗﺔ ﻟﻴﻚ . ﻭﺍﻛﺘﺮ

ﺣﺎﺟﺔ ﻣﻄﻴﺮﺓ ﻧﻮﻣﻲ ..ﺑﻌﺪﻳﻦ ﻟﻤﻦ ﺗﻌﺮﺳﻲ ﻭﺗﻤﺸﻲ ﻣﻨﻲ. ﺍﻧﺎ ﺣﻴﻜﻮﻥ ﺣﺎﻟﻲ

ﻛﻴﻒ ﺑﻌﺪﻙ ؟ ..

ﻧﻮﺭ ﻛﺎﻧﺖ ﻭﺍﻗﻔﺔ ﻗﻌﺪﺕ ﺟﻨﺐ ﻛﻮﺛﺮ ﻓﻲ ﺍﻟﺴﺮﻳﺮ ﻭﺧﺘﺖ ﻳﺪﻫﺎ ﻓﻲ ﻛﺘﻔﻬﺎ

ﻭﻗﺎﻟﺖ ﻟﻴﻬﺎ .. ﺍﻣﻲ ﺣﺒﻴﺒﺘﻲ ﺍﻧﺘﻲ ﻳﺎ ﺍﻟﻐﺎﻟﻴﺔ .. ﺍﻧﺎ ﻣﺴﺘﺤﻴﻞ ﺍﺑﻌﺪ ﻣﻨﻚ

ﻣﻬﻤﺎ ﻛﺎﻥ ..

ﻛﻮﺛﺮ ﻗﺎﻟﺖ ﻟﻴﻬﺎ ﺍﻧﺘﻲ ﺍﻟﻠﻴﻠﺔ ﻻﺯﻡ ﺗﺘﺄﻛﺪﻱ ﻣﻦ ﺍﻻﺳﺘﺎﺫﺓ . ﻗﺎﻟﺖ ﻛﺪﺍ ﻟﻴﻪ .

ﻗﺎﻟﺖ ﻟﻴﻬﺎ ﺣﺎﺿﺮ ﻃﻴﺐ ﻳﺎ ﺍﻣﻲ ..

ﻧﻮﺭ ﻟﻤﻦ ﻣﺸﺖ ﺍﻟﻤﺪﺭﺳﺔ ﻣﺎﻟﻘﺖ ﺍﻻﺳﺘﺎﺫﺓ ﻗﺎﻟﻮ ﺍﻟﻠﻴﻠﺔ ﻋﻴﺎﻧﺔ .. ﻭﺍﻟﻴﻮﻡ ﻳﻮﻡ

ﺍﻟﺨﻤﻴﺲ ..

ﺍﻫﺎ ﻓﻲ ﺍﺧﺮ ﺍﻟﻴﻮﻡ .. ﺍﺳﺘﺎﺫ ﻋﺎﺩﻝ ﻻﻗﻰ ﻧﻮﺭ ..

ﻭﺩﺍﺭ ﺍﻟﺤﻮﺍﺭ ﺑﻴﻨﻬﻤﺎ ﺍﻻﺗﻲ ..

ﻋﺎﺩﻝ ﻗﺎﻝ ﻟﻴﻬﺎ ﺍﻟﺴﻼﻡ ﻋﻠﻴﻜﻢ ﻳﺎﻧﻮﺭ ..

ﻧﻮﺭ : ﻋﻠﻴﻜﻢ ﺍﻟﺴﻼﻡ ﻳﺎ ﺍﺳﺘﺎﺫ ﻋﺎﺩﻝ ..

ﺍﺳﺘﺎﺫ ﻋﺎﺩﻝ .. ﻛﻴﻒ ﺣﺎﻟﻚ ﺍﻧﺎ ﻣﺒﺴﻮﻁ ﺟﺪﺍ ﻻﻧﻚ ﺍﺗﻨﻘﺒﺘﻲ ﻳﺎ ﻧﻮﺭ ..

ﻧﻮﺭ ﻗﺎﻟﺖ ﻟﻴﻬﻮ : ﺭﺑﻨﺎ ﻳﺰﻳﺪﻙ ﻓﺮﺣﺔ ﻳﺎ ﺍﺳﺘﺎﺫ .. ﻭﺩﻩ ﻻﻧﻚ ﺍﻧﺖ ﺑﺘﺤﺐ ﺭﺑﻨﺎ

ﻭﺑﺘﺤﺐ ﺍﻟﻄﺎﻋﺎﺕ ..

ﻗﺎﻝ ﻟﻴﻬﺎ ﻳﺎﻧﻮﺭ ﺃﻧﺎ ﺍﻟﻠﻴﻠﺔ ﺟﺎﻳﻴﻜﻢ ﺯﻳﺎﺭﺓ ﻣﻌﺎﻱ ﻧﺎﺱ ﺍﻟﺒﻴﺖ .. ﺑﻨﺠﻴﻜﻢ