المسؤليه

الجزء 15

ﻃﺒﻌﺎ ﺑﻌﺪ ﻧﻮﺭ ﺳﻤﻌﺖ ﻣﻦ ﺍﺳﺘﺎﺫ ﻋﺎﺩﻝ ﺍﻟﻜﻼﻡ ﺍﻟﻤﻄﻤﻦ .. ﻭﻭﻋﺪﻫﺎ ﺍﻧﻮ ﻣﺎ

ﺣﻴﺘﺨﻼ ﻋﻨﻬﺎ .. ﺩﺧﻠﺖ ﻻﻣﻬﺎ ﻓﺮﺣﺎﻧﺔ .. ﻭﻗﺎﻝ ﻟﻴﻬﺎ .. ﻳﺎﻣﺎﻣﺎ ﺍﺳﺘﺎﺫ ﻋﺎﺩﻝ

ﺩﻩ ﺣﻨﻴﻦ ﺧﻼﺹ .. ﻭﺣﺎﺕ ﺍﻟﻠﻪ ﻭﻛﺖ ﺳﻤﻊ ﻗﺼﺘﻲ ﻗﻌﺪ ﻓﻲ ﺍﻟﻮﺍﻃﻪ .. ﻭﻗﺎﻝ

ﻟﻲ ﺍﻧﺎ ﻣﺎ ﺑﺴﻴﺒﻚ .. ﺍﻧﺎ ﻓﺮﺣﺎﻧﺔ ﻳﺎ ﺍﻣﻲ ..

ﺍﻣﻬﺎ ﺑﺘﻌﺎﻳﻦ ﻟﻴﻬﺎ ﻛﺪﺍ ﺑﻲ ﺭﺍﻓﻪ ﻭﺷﻔﻘﻪ .. ﻭﺣﺎﺳﻪ ﺍﻧﻮ ﺍﻟﻤﻮﺿﻮﻉ ﺩﻩ

ﺑﺎﻟﻄﺮﻳﻘﺔ ﺩﻱ ﻣﺎﺑﺘﻢ ﻣﺎﺑﺘﻢ .. ﻗﺎﻟﺖ ﻟﻴﻬﺎ .. ﺍﻥ ﺷﺎﺀ ﺍﻟﻠﻪ ﻳﺎﻧﻮﺭ ﻳﺎﺑﺘﻲ

ﻗﻮﻟﻲ ﻳﺎﺭﺏ ،، ﺭﺑﻨﺎ ﻳﺴﻌﺪﻙ ﻳﺎﺑﺘﻲ ﺍﻧﺘﻲ ﺑﺘﺴﺎﻫﻠﻲ ﻛﻞ ﺧﻴﺮ .. ﺑﺲ ﻗﺴﻤﺘﻚ

ﻛﺪﻱ ﺍﻟﺤﻤﺪ ﻟﻠﻪ ..

ﻭﻧﻮﺭ ﺩﺧﻠﺖ ﺟﻮﺓ ﻓﺮﺣﺎﻧﺔ .. ﻭﻛﻞ ﻣﺮﺓ ﺗﺘﺬﻛﺮ ﻛﻼﻡ ﻋﺎﺩﻝ ﺍﻟﻔﺮﺣﻬﺎ ﺑﻴﻬﻮ ..

ﺑﻜﺮﻩ ﻣﺸﺖ ﺍﻟﻤﺪﺭﺳﻪ .. ﻭﻻﻗﺎﻫﺎ ﺍﺳﺘﺎﺫ ﻋﺎﺩﻝ .. ﻭﻛﺎﻥ ﻣﺪﻧﻘﺮ ﻭﻣﺤﺮﺝ

ﻭﺧﺠﻼﻥ ..

ﻭﻫﻲ ﻛﺎﻧﺖ ﻣﻔﺘﻜﺮﺓ ﺍﻧﻮ ﺧﺠﻼﻥ ﻣﻨﻬﺎ ﺣﺒﺖ ﺗﺒﺎﺩﺭ ﺑﺎﻟﻜﻼﻡ ﻋﺸﺎﻥ ﺗﻜﺴﺮ

ﺍﻟﺤﺎﺟﺰ .

ﻗﺎﻟﺖ ﻟﻴﻬﻮ ﺗﺼﺪﻕ ﻳﺎﻋﺎﺩﻝ ﺍﻧﺎ ﻣﺎ ﺣﻜﻴﺖ ﻟﻴﻚ ،، ﺍﻣﻚ ﺣﺒﺘﻨﻲ ﺷﺪﻳﺪ .. ﻟﻤﻦ

ﺟﺎﺗﻨﺎ ﺷﺎﻳﻔﺎﻫﺎ ﻣﻬﺘﻤﺔ ﺑﻲ ﻭﻛﻞ ﺷﻮﻳﺔ .. ﻧﻮﺭ ﺗﻌﺎﻟﻲ .. ﻧﻮﺭ ﻫﺎﻙ ﻧﻮﺭ

ﺟﻴﺒﻲ .. ﻟﻤﻦ ﺍﻧﺎ ﺑﻘﻴﺖ ﻓﺮﺣﺎﻧﺔ ..

ﻭﺣﺴﻴﺖ ﺑﻲ ﺭﻳﺪﺗﻬﺎ ﻭﺣﻨﺎﻧﻬﺎ ..

ﻗﺎﻝ ﻟﻴﻬﺎ ﺻﺢ.. ﺍﻣﻲ ﻗﺎﻟﺖ ﻋﻨﻚ ﻛﻞ ﺧﻴﺮ .. ﻟﻜﻦ ﻳﺎﻧﻮﺭ ﺑﺼﺮﺍﺣﺔ ﺷﺪﻳﺪﺓ ﺍﻧﺎ

ﻟﻤﻦ ﻛﻠﻤﺖ ﺍﻟﻮﺍﻟﺪ ﻭﺍﻟﻮﺍﻟﺪ ﺑﻤﺴﺎﻟﺔ ﺣﻴﺎﺗﻚ .. ﺭﻓﻀﻮ ﺍﻟﻤﻮﺿﻮﻉ .. ﻭﻗﺎﻟﻮ ﺍﻧﻮ

ﺍﻟﻤﺴﺎﻟﺔ ﺑﺘﺠﻴﺐ ﻟﻴﻬﻢ ﻛﻼﻡ ﻓﻲ ﺍﻟﻤﺠﺘﻤﻊ .. ﻭﻗﺪﺭ ﻣﺎﺣﺎﻭﻟﺖ ﺍﺑﻨﻌﻬﻢ ﺑﺎﻟﺤﺠﺔ

ﻭﺍﻟﻤﻨﻄﻖ ﺭﻓﻀﻮ ..

ﻓﻲ ﺍﻟﻨﻬﺎﻳﺔ ﺍﻟﻮﺍﻟﺪﻩ .. ﻧﻄﻘﺖ ﻋﺪﻡ ﺍﻟﻌﻔﻮ ﻋﺪﻳﻞ .. ﻭﺍﺑﻮﻱ ﻧﻔﺲ ﺍﻟﺸﻲ ..

ﻧﻮﺭ .. ﺳﻜﺖ ﻣﺼﺪﻭﻣﺔ ﻭﻣﻬﺠﻮﻣﻪ . ﻭﻃﺒﻌﺎ " ﻣﺎﻛﺎﻧﺖ ﻣﺘﻮﻗﻌﺔ ﺍﻻﻣﻮﺭ ﺗﻤﺸﻲ

ﺑﺎﻟﻄﺮﻳﻘﺔ ﺩﻱ . ﻗﺎﻟﺖ .. ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ،، ﻭﺍﺧﺪﺕ ﻟﻴﻪ ﺑﻜﻴﺔ

ﺑﻤﺮﺍﺭﺓ

ﻭﻗﺎﻟﺖ ﻟﻴﻬﻮ ..

ﻟﻜﻦ ﺍﻧﺎ ﻛﻮﻳﺴﻪ ﻳﺎﻋﺎﺩﻝ ..ﻗﻮﻝ ﻟﻴﻬﻢ .. ﻋﻠﻴﻚ ﺍﻟﻠﻪ ،، ﻗﻮﻟﻴﻬﻢ ،ﺍﻧﺎ ﺍﻧﺴﺎﻧﺔ