أنت تقرأ

المسؤليه

General Fiction

📝 بقلم: طارق اللبيب ﺭﻭﺍﻳﺔ ﺍﻟﻤﺴﺆﻭﻟﻴﺔ .. ﻣﻦ ﺍﻟﺮﻭﺍﻳﺎﺕ ﺍﻟﺘﻲ ﺭﺑﻤﺎ ﺗﺴﺒﺐ ﻟﻠﻘﺎﺭﺉ ﻧﻮﻉ ﻣﻦ ﺍﻟﺤﻴﺮﺓ ﻭﺍﻻﻧﺸﻐﺎﻝ ﺍﻟﻔﻜﺮﻱ .. ﻭﻟﻜﻨﻬﺎ ﻗﻀﻴﺔ .. ﻗﻀﻴﻪ ﻓﻲ ﻣﺠﺘﻤﻌﻨﺎ ﺗﺤﺘﺎﺝ ﻣﻨﺎ ﻟﻠﻨﻈﺮ ﺍﻟﻔﺎﺣﺺ .. ﻭﺍﻟﺬﻫﻦ ﺍﻟﻤﺘﻔﺘﺢ .. ﻓﻲ ﻋﻼﺝ ﺍﻟﻤﺸﻜﻼﺕ ﻭﺍﻟﻮﻗﺎﻳﺔ ﻣﻨﻬﺎ ﻗﺒﻞ ﻭﻗﻮﻋﻬﺎ .. ﻭﻫﻲ ﺭﻭﺍﻳﺔ ﻗﺪ ﺗﺨﺘﻠﻒ ﻋﻨﺪﻫ...

#السودان #سوداني #سودانيات #سودانية #سودانيه #سودانيين #نقرا #يلا

الجزء 10

302 12 0 
                                    

                                              


                          
ﻧﻮﺭ ﺍﻟﺼﻐﻴﺮﻩ ..ﺍﺗﺬﻛﺮﺕ ﺍﻧﻮ ﺍﻟﺒﻨﻴﻪ ﺍﺳﻤﻬﺎ ﻫﺪﻳﻞ .. ﻣﺸﺖ ﻋﻠﻴﻬﺎ .. ﻗﺎﻟﺖ

                          
ﻟﻴﻬﺎ ﻳﺎﻫﺪﻳﻞ ﺍﺯﻳﻚ .. ﻫﺪﻳﻞ ﺻﺮﺕ ﻭﺷﻬﺎ ﻭﻣﺪﺕ ﻗﺪﻭﻣﺎ ﻭﻗﺒﻠﺖ ﻣﻨﻬﺎ ﻛﺪﺍ ..

                          
ﻧﻮﺭ ﻣﺸﺖ ﻟﻼﺳﺘﺎﺫﺓ ﺑﺘﺎﻋﺔ ﻧﺎﺱ ﻫﺪﻳﻞ .. ﻗﺎﻟﺖ ﻟﻴﻬﺎ .. ﻳﺎ ﺍﺳﺘﺎﺫﺓ ﺳﻼﻡ

                          
ﻋﻠﻴﻜﻢ .. ﺍﻻﺳﺘﺎﺫﺓ ﻗﺎﻟﺖ ﻟﻴﻬﺎ .. ﻋﻠﻴﻜﻢ ﺍﻟﺴﻼﻡ ﺣﺒﻴﺒﺘﻲ ﺍﻧﺘﻲ ﻣﻨﻮ؟ ..

                          
ﻗﺎﻟﺖ ﻟﻴﻬﺎ ﺍﻧﺎ ﻧﻮﺭ .. ﻣﻦ ﻃﺎﻟﺒﺎﺕ ﺍﻟﻤﺪﺭﺳﺔ ﺍﻟﺘﺎﻧﻴﺔ ﺍﻟﻨﺎﺯﻟﻴﻦ ﻫﻨﺎﻙ ﺩﻳﻠﻚ ﻫﻢ

                          
.. ﻗﺎﻟﺖ ﻟﻴﻬﺎ .. ﺍﻫﺎ ﻋﻨﺪﻙ ﺳﺆﺍﻝ؟

                          
ﻗﺎﻟﺖ ﻟﻴﻚ ﻋﺎﻭﺯﻩ ﻣﻨﻚ ﻣﺴﺎﻋﺪﺓ .. ﺍﻻﺳﺘﺎﺫﺓ ﺷﺎﻳﻠﻪ ﻟﻴﻬﺎ ﺯﻣﺰﻣﻴﺔ ﺑﺘﻜﺐ ﻓﻲ

                          
ﻣﻮﻳﺔ .. ﺧﺘﺖ ﺍﻟﺰﻣﺰﻣﻴﺔ ﻭﺍﻟﻜﺒﺎﻳﺔ ﻭﺍﻗﺒﻠﺖ ﻋﻠﻰ ﻧﻮﺭ ﺑﻜﻞ ﺍﻧﺘﺒﺎﻩ ..

                          
ﻭﻗﺎﻟﺖ ﻟﻴﻬﺎ ﻋﻴﻮﻧﻲ ﺣﺒﻴﺒﺘﻲ ﻗﻮﻟﻲ ﺍﺣﻜﻲ ﻓﻲ ﺷﻨﻮ؟

                          
ﻗﺎﻟﺖ ﻟﻴﻬﺎ .. ﺍﻟﻄﺎﻟﺒﺔ ﺍﻻﺳﻤﻬﺎ ﻫﺪﻳﻞ ﺩﻱ . ﺑﺘﺒﻘﻰ ﻟﻲ .. ﺑﺲ ﺟﻴﺖ ﺍﺳﻠﻢ

                          
ﻋﻠﻴﻬﺎ ﺻﺮﺕ ﻣﻨﻲ ﻭﺷﻬﺎ ﻭﺍﺑﺖ ﺗﺮﺩ ﻟﻲ ﺍﻟﺴﻼﻡ ..ﻋﺎﻳﺰﺍﻙ ﺗﺴﺄﻟﻴﻬﺎ ﻗﺪﺍﻣﻲ ..

                          
ﺍﻧﺎ ﻏﻠﻄﺎﻧﺔ ﻓﻲ ﺷﻨﻮ؟ ﻋﺸﺎﻥ ﺍﺗﺄﺳﻒ ﻟﻴﻬﺎ ﻭﺍﻋﺘﺬﺭ ..

                          
ﻃﻮﺍﻟﻲ ﺍﻻﺳﺘﺎﺫﺓ ﻛﻮﺭﻛﺖ ﺗﻌﺎﻟﻲ ﻳﺎﻫﺪﻳﻞ ..

                          
ﻫﺪﻳﻞ ﺟﺎﺕ ﺍﻻﺳﺘﺎﺫﺓ ﻗﺎﻟﺖ ﻟﻴﻬﺎ ﻣﺶ ﺍﻟﺒﺖ ﺩﻱ ﺑﺘﺒﻘﻰ ﻟﻴﻚ ؟

                          
ﻗﺎﻟﺖ ﻟﻴﻬﺎ ﻻ .. ﻣﺎﻋﻨﺪﻱ ﺑﻴﻬﺎ ﺍﻱ ﻋﻼﻗﺔ .. ﺍﻻﺳﺘﺎﺫﺓ ﻗﺎﻟﺖ ﻟﻲ ﻧﻮﺭ .. ﺍﻫﺎ

                          
ﻳﺎﻧﻮﺭ ﺍﻧﺘﻲ ﻏﻠﻄﺎﻧﺔ ﻣﻌﻨﺎﻫﺎ ﻫﻲ ﻗﺎﻟﺖ ﻣﺎﺑﺘﻌﺮﻓﻚ ..

                          
ﻗﺎﻟﺖ ﻟﻴﻬﺎ ﻣﺴﺘﺤﻴﻞ ﻳﺎ ﺍﺳﺘﺎﺫﻩ .. ﺍﻧﺎ ﻣﺘﺄﻛﺪﺓ ﺍﻧﻬﺎ ﺑﺘﺒﻘﻰ ﻻﺑﻮﻱ .. ﺑﺲ

                          
ﻣﺎﻋﺎﺭﻓﺔ ﻛﻴﻒ ..

                          
ﻭﺍﻧﺎ ﻛﻨﺖ ﻓﻲ ﺑﻴﺖ ﺧﺎﻟﺘﻬﺎ ﻓﻲ ﺍﻟﺴﻤﺎﻳﺔ ﻭﻻﻗﻴﺘﻬﺎ ﻫﻨﺎﻙ ..ﺃﺳﺄﻟﻴﻬﺎ ..

                          
ﻗﺎﻣﺖ ﻫﺪﻳﻞ ﻗﺎﻟﺖ ﻟﻼﺳﺘﺎﺫﺓ .. ﺑﺤﻜﻲ ﻟﻴﻚ ﻳﺎ ﺍﺳﺘﺎﺫﺓ ﺑﺲ ﻣﺎﻫﺴﻲ ..

                          
ﻗﺎﻣﺖ ﺍﻻﺳﺘﺎﺫﺓ ﻗﺎﻟﺖ ﻟﻨﻮﺭ ﺩﻗﻴﻘﺔ ﻳﺎﻧﻮﺭ .. ﺍﻓﻬﻢ ﻣﻨﻬﺎ ﺍﻟﺤﺎﺻﻞ ﺷﻨﻮ. ﻭﺑﻘﻮﻝ

                          
ﻟﻴﻚ ..

                          
ﻧﻮﺭ ﻣﺸﺖ ﻭﻗﻔﺖ ﺑﻌﻴﺪ، ﻣﺮﺑﻌﺔ ﻳﺪﻳﻨﻬﺎ ﻭﺑﺘﻌﺎﻳﻦ ﻟﻠﺒﺖ ﺗﺤﻜﻲ ﻟﻼﺳﺘﺎﺫﺓ ،ﻭﻧﻮﺭ

                          
ﺑﺘﻌﺎﻳﻦ ﻟﻼﺳﺘﺎﺫﺓ ﻭﺷﻬﺎ ﺍﺗﻐﻴﺮ ﻭﻣﻼﻣﺤﻬﺎ ﺍﺗﺒﺪﻟﺖ .. ﻭﺑﻘﺖ ﺗﺘﻜﻠﻢ ﻣﻊ ﺍﻟﺒﺖ

                          
ﺑﻲ ﺯﻋﻞ ..

                          
ﺑﺲ ﻣﺎﻋﺮﻓﺘﻬﻢ ﺑﻘﻮﻟﻮ ﻓﻲ ﺷﻨﻮ؟.. ﻟﻜﻦ ﺣﺴﺖ ﺑﺎﻧﻮ ﺍﻟﻤﻮﺿﻮﻉ ﺧﻄﻴﺮ ..
المسؤليهحيث تعيش القصص. اكتشف الآن