المسؤليه

الجزء 01

ﺷﺎﻳﻒ ﻣﺤﻤﺪ ﺟﺎﻱ ﻣﻦ ﺍﻟﺸﻐﻞ .. ﺧﺎﺷﻲ ﺍﻟﺒﻴﺖ ﺗﻌﺒﺎﻥ ﻭﻣﺮﻫﻖ ﻭﺯﻭﺟﺘﻮ ﻛﻮﺛﺮ ﻣﻨﺘﻈﺮﺍﻫﻮ ﺑﺎﻟﻐﺪﺍﺀ .. ﻭﺍﻟﺴﺎﻋﺔ ﻣﺎﺷﺔ ﻋﻠﻰ ﺧﻤﺴﺔ ﻣﺴﺎﺀ ..

ﻛﻮﺛﺮ ﻗﺎﻟﺖ ﻟﻴﻬﻮ ﻣﻌﻘﻮﻝ ﻳﺎ ﻣﺤﻤﺪ ؟؟ ﺍﻟﺘﺄﺧﻴﺮ ﺩﻩ ﺷﻨﻮ ؟ ﻳﻌﻨﻲ ﺍﻧﺎ ﻻﺯﻡ ﺍﻧﺘﻈﺮﻙ ﺑﺎﻟﺠﻮﻉ ﻟﻐﺎﻳﺔ ﺍﻟﻤﻐﺎﺭﺏ ؟ ﻭﺍﻟﻤﺸﻜﻠﺔ ﻣﺎ ﺟﻮﻋﻲ ﺍﻧﺎ .. ﺍﻟﻤﺸﻜﻠﺔ ﺍﻧﺖ ﺍﻟﺠﻮﻉ ﻇﺎﻫﺮ ﻓﻮﻕ ﻭﺷﻚ .. ﻳﺎﺧﻲ ﺍﺭﺣﻢ ﻧﻔﺴﻚ ﺷﻮﻳﺔ ..

ﻗﺎﻝ ﻟﻴﻬﺎ ﺍﻋﻤﻞ ﺷﻨﻮ ؟ ﺍﻧﺎ ﻳﺎ ﻛﻮﺛﺮ ﻋﻠﻰ ﻣﺴﺆﻟﻴﺔ ﻛﺒﻴﺮﺓ ﻳﻌﻨﻲ ﺣﺴﺎﺑﺎﺕ ﺷﺮﻛﺔ ﻗﺪﺭ ﺩﻱ ﻛﻠﻬﺎ ﻓﻮﻕ ﺭﺍﺳﻲ .. ﻣﺤﻤﺪ ﺷﻐﺎﻝ ﻣﺪﻳﺮ ﻣﺎﻟﻲ ﻓﻲ ﻓﺮﻉ ﻣﻦ ﻓﺮﻭﻉ ﺷﺮﻛﺔ ﻣﻦ ﺍﻟﺸﺮﻛﺎﺕ ﺍﻟﻤﻌﺮﻭﻓﺔ

‏( ﺑﺲ ﻣﺎﻳﺎﻫﺎ ﺩﻱ ﺍﻟﻤﺴﺆﻟﻴﺔ ﺍﻟﻤﺴﻤﻴﻦ ﺑﻴﻬﺎ ﺍﻟﺮﻭﺍﻳﻪ ‏)

ﺍﺳﻢ ﺍﻟﺮﻭﺍﻳﺔ ﺑﻈﻬﺮ ﻟﻲ ﻗﺪﺍﻡ .. ﺍﻟﻤﻬﻢ ﻣﺤﻤﺪ ﺩﻩ ﻳﺎﺟﻤﺎﻋﺔ .. ﻛﺎﻥ ﺍﺗﺰﻭﺝ ﻛﻮﺛﺮ .. ‏( ﻭﻛﻮﺛﺮ ﻛﺎﻧﺖ ﺯﻣﻴﻠﺘﻮ ﻓﻲ ﺍﻟﺸﻐﻞ ‏) .. ﺍﺗﺰﻭﺟﻮ ﻗﺒﻞ ﺳﻨﺘﻴﻦ .. ﻭﺭﺑﻨﺎ ﻣﺎﻗﺴﻢ ﻟﻴﻬﻢ ﺟﻨﺎ ﻟﺤﺪﻱ ﻫﺴﻲ .. ﻣﺤﻤﺪ ﺑﺤﺐ ﻛﻮﺛﺮ ﺣﺐ ﻣﺒﺎﻟﻎ ﻓﻴﻬﻮ .. ﻭﻛﻮﺛﺮ ﻛﻤﺎﻥ ﺑﺘﺤﺒﻮ ، ﻭﻣﺘﻤﺴﻜﺔ ﺑﻴﻬﻮ ﺟﺪﺍ" ﻭﺭﺑﻨﺎ ﻣﻦ ﻓﻀﻠﻮ ﻭﻛﺮﻣﻮ ﺗﻮﺝ ﻟﻴﻬﻢ ﺍﻟﺤﺐ ﺩﻩ ﺑﺎﻟﺰﻭﺍﺝ .. ﺑﺲ ﻣﺎﻗﺴﻢ ﻟﻴﻬﻢ ﺫﺭﻳﺔ ..

ﺍﻟﻤﺴﺄﻟﺔ ﺑﺘﺎﻋﺔ ﺗﺄﺧﺮ ﺍﻻﻧﺠﺎﺏ ﺩﻱ ،ﺳﺒﺒﺖ ﻟﻴﻬﻢ ﻣﻀﺎﻳﻘﺎﺕ ﻛﺒﻴﺮﺓ ﻣﻦ ﺍﻻﻫﻞ .. ﻓﻲ ﺍﻟﺠﺎﻧﺒﻴﻦ .. ﺍﻫﻞ ﻛﻮﺛﺮ ﺑﻨﻘﻨﻘﻮ ﻣﻌﺎﻫﺎ .. ﻭﺍﻫﻞ ﻣﺤﻤﺪ ﺑﻨﻘﻨﻘﻮ ﻣﻌﺎﻫﻮ ..

ﻭﻣﺤﻤﺪ ﻣﺎﺑﻴﺤﻜﻲ ﻟﻲ ﻛﻮﺛﺮ ﻧﻘﺔ ﺃﻫﻠﻮ .. ﻭﻛﻮﺛﺮ ﻣﺎﺑﺘﺤﻜﻲ ﻟﻤﺤﻤﺪ ﻧﻘﺔ ﺍﻫﻠﻬﺎ ..

ﺍﻫﺎ ﺍﻟﻴﻮﻡ ﺩﻩ ﻛﺎﻥ ﺑﺘﻜﻠﻢ ﻣﻌﺎﻫﺎ ﻓﻮﻕ ﺍﻟﻐﺪﺍ .. ﻗﺎﻝ ﻟﻴﻬﺎ ﻳﺎ ﻛﻮﺛﺮ .. ﻧﺤﻦ ﺍﻟﻤﻔﺮﻭﺽ ﻧﻤﺸﻲ ﺍﻟﺪﻛﺘﻮﺭ ﻧﺸﻮﻑ ﺍﻟﺤﺎﺻﻞ ﺷﻨﻮ؟ ﻭﻧﻌﻤﻞ ﻓﺤﻮﺻﺎﺕ ﻭﺗﺤﺎﻟﻴﻞ ﻛﺎﻣﻠﺔ ..

ﻗﺎﻟﺖ ﻟﻴﻬﻮ ﻟﻴﻪ ؟ ﻳﻌﻨﻲ ؟ ﻟﻮ ﻓﺮﺿﻨﺎ ﺍﻧﻮ ﺍﻟﻌﻴﺐ ﻓﻴﻨﻲ ﺍﻭ ﺍﻟﻌﻴﺐ ﻓﻴﻚ .. ﺣﻨﺘﺼﺮﻑ ﻛﻴﻒ؟ .. ﻗﺎﻝ ﻟﻴﻬﺎ ﻟﻮ ﺍﻟﻌﻴﺐ ﻓﻴﻨﻲ .. ﺍﻧﺎ ﺑﻄﻠﻘﻚ ﻋﺸﺎﻥ ﺗﺸﻮﻓﻲ ﺣﻴﺎﺗﻚ ﻭﺗﺠﻴﺒﻲ ﺫﺭﻳﺔ .. ﻗﺒﻞ ﺍﻟﻌﻤﺮ ﻳﺘﻘﺪﻡ ﺑﻴﻚ ؟ ﻗﺎﻟﺖ ﻟﻴﻬﻮ ﻃﻴﺐ ﻟﻮ ﺍﻟﻌﻴﺐ ﻃﻠﻊ ﻓﻴﻨﻲ ﺍﻧﺎ؟

ﻗﺎﻝ ﻟﻴﻬﺎ ﻣﺎﻣﺸﻜﻠﺔ .. ﺍﻧﺎ ﺍﺳﺎﺳﺎ" ﻣﺎﻋﻨﺪﻱ ﺭﻏﺒﺔ ﺷﺪﻳﺪﺓ ﻛﺪﺍ ﻓﻲ ﺟﻮﻃﺔ ﺷﻔﻊ ..

ﻗﺎﻟﺖ ﻟﻴﻬﻮ ﺑﺎﻟﻠﻪ؟ ﻋﻠﻴﻚ ﺍﻟﻠﻪ .. ﻛﺪﻱ ﻋﺎﻳﻦ ﻟﻲ ﺟﺎﻱ .. ﻭﺍﺗﻜﻠﻢ ﻋﻴﻨﻲ ﻓﻲ ﻋﻴﻨﻚ ﻛﺪﺍ ..

ﻗﺎﻟﺖ ﻟﻴﻬﻮ ﺍﺳﻤﻊ ﻣﻨﻲ ﻳﺎﻣﺤﻤﺪ .. ﺍﻧﺎ ﻟﻮ ﻃﻠﻊ ﻓﻲ ﺍﻟﻔﺤﺺ ﺍﻟﻌﻴﺐ ﻣﻨﻲ ..

ﻭﺍﻟﻠﻪ ﻳﺎ ﺍﻣﺎ ﺍﻧﺖ ﺗﺘﺰﻭﺝ ﺍﻭ ﺍﻧﺎ ﺍﻣﺸﻲ ﺑﻴﺘﻨﺎ .. ﻻﻧﻲ ﻋﺎﺭﻓﺎﻙ ﻧﻔﺴﻚ ﻓﻲ ﻃﻔﻞ ..