المسؤليه

الجزء 12

ﻧﻮﺭ ﺍﺗﻌﺎﻣﻠﺖ ﻣﻊ ﻛﻼﻡ ﺍﻻﺳﺘﺎﺫﺓ ﺑﻲ ﺟﺪﻳﻪ .. ﻭﻣﺸﺖ ﺍﻟﺒﻴﺖ ﻛﻠﻤﺖ ﺍﺑﻮﻫﺎ

ﺍﻧﻬﺎ ﻋﺎﻳﺰﺓ ﺗﺘﻨﻘﺐ .. ﻭﺍﺑﻮﻫﺎ ﻭﺍﻓﻖ ﻋﻠﻰ ﺍﻟﻤﻮﺿﻮﻉ ...

ﺑﺲ ﻛﻮﺛﺮ ﻗﺎﻟﺖ ﻟﻴﻬﺎ ﻳﺎﻧﻮﺭ ﻳﺎﺑﺘﻲ ﺍﻟﺪﻳﻦ ﻣﺎﻓﻲ ﺍﻟﻨﻘﺎﺏ .. ﺍﻟﺪﻳﻦ ﻓﻲ ﺍﻟﻘﻠﺐ

..

ﻧﻮﺭ ﻗﺎﻟﺖ ﻟﻴﻬﺎ .. ﺑﺲ ﻳﺎﺃﻣﻲ ﺍﻟﺪﻳﻦ ﻓﻲ ﺍﻟﻘﻠﺐ ﻭﻓﻲ ﺍﻟﻨﻘﺎﺏ ..

ﻭﺍﻻﻳﻤﺎﻥ ﻫﻮ ﻣﺎﻭﻗﺮ ﻓﻲ ﺍﻟﻘﻠﺐ ﻭﺻﺪﻗﺔ ﺍﻟﻌﻤﻞ .. ﻳﻌﻨﻲ ﻳﺎ ﺍﻣﻲ .. ﻫﻞ

ﻣﻤﻜﻦ ﺍﻟﺰﻭﻝ ﻳﺨﻠﻲ ﺍﻟﺼﻼﻩ ﻭﻳﻘﻮﻝ ﺍﻟﺪﻳﻦ ﻓﻲ ﺍﻟﻘﻠﺐ ﻣﺎﻓﻲ ﺍﻟﺼـﻼﺓ؟؟

ﻗﺎﻟﺖ ﻟﻴﻬﺎ ﺧﻼﺹ ﻳﺎﻧﻮﺭ .. ﻋﺎﺭﻓﺎﻙ ﺑﺘﻤﻨﻄﻘﻴﻨﻲ ..

ﺑﺲ ﻳﺎﻧﻮﺭ ﻫﺴﻲ ﻟﻮ ﺍﺗﻨﻘﺒﺘﻲ .. ﺍﻟﺒﺸﻮﻓﻚ ﻣﻨﻮ ﻋﺸﺎﻥ ﻳﻌﺮﺳﻚ ﺑﻌﺪﻳﻦ ..

ﻧﻮﺭ ﻗﺎﻟﺖ ﻟﻴﻬﺎ ﻳﺎ ﺍﻣﻲ ﺩﻱ ﺍﻣﻮﺭ ﻣﻘﺪﺭﺓ ﺗﻘﺪﻳﺮ ﺍﻟﻬﻲ .. ﻭﺍﻟﺰﻭﻝ ﻗﺴﻤﺘﻮ

ﻣﺎﺑﺘﻔﻮﺕ ﻣﻨﻪ ﻣﻬﻤﺎ ﻛﺎﻥ ..

ﻧﺤﻦ ﻧﻌﻤﻞ ﺍﻟﺼﺢ ﻭﻧﺨﻠﻲ ﺍﻻﻣﻮﺭ ﻋﻠﻰ ﺍﻟﻠﻪ .. ﻧﻌﻤﻞ ﺍﻟﻌﻠﻴﻨﺎ ﻭﺭﺑﻨﺎ ﻣﺎﺑﻘﺼﺮ

ﻣﻌﺎﻧﺎ ..ﻣﻮﺵ ﻛﺪﺍ ﻳﺎ ﺑﺎﺑﺎ ..؟

ﺍﺑﻮﻫﺎ ﻳﻌﺎﻳﻦ ﻟﻴﻬﺎ ﻣﻌﺠﺐ ﺑﻴﻬﺎ ﺷﺪﻳﺪ .. ﻭﺑﻲ ﻓﻬﻤﻬﺎ ﻭﺍﺩﺑﻬﺎ ﻭﻃﺮﻳﻘﺘﻬﺎ ﻓﻲ

ﺍﻟﻜﻼﻡ . ﻭﺍﻻﺳﻠﻮﺏ ﺍﻟﺒﺘﺘﻜﻠﻢ ﺑﻴﻬﻮ ﻣﻊ ﺍﻣﻬﺎ .. ﻭﻳﺘﺒﺴﻢ .. ﻗﺎﻝ ﻟﻴﻬﺎ ﺍﻛﻴﺪ

ﻳﺎﻧﻮﺭ .. ﺍﻛﻴﺪ ..

ﻗﺎﻝ ﻟﻴﻬﺎ ﺑﻜﺮﻩ ﻭﺍﻧﺎ ﺭﺍﺟﻊ .. ﺑﺠﻴﺐ ﻟﻴﻚ ﺍﻟﺨﻤﺎﺭﺍﺕ ﺍﻟﻜﺎﺳﻴﺔ ﻭﻛﺒﻴﺮﺓ

..ﻭﺍﻟﻨﻘﺎﺑﺎﺕ ﻭﻛﻞ ﺷﻲ.

.. ﺍﻟﺘﻮﻣﺎﺕ ﺟﻦ ﺟﺎﺭﻳﺎﺕ ﻣﻦ ﺟﻮﺓ .. ﺑﻜﻮﺭﻛﻮ .. ﻧﻮﺭ ﻧﻮﺭ ﻧﻮﺭ ..

ﻭﺟﻦ ﺍﻻﺗﻨﻴﻦ ﻛﺒﺴﻦ ﻋﻠﻴﻬﺎ ﺣﻀﻨﻮﻫﺎ ..

ﻭﻫﻲ ﺳﻠﻤﺖ ﻋﻠﻴﻬﻢ .. ﺑﻜﻞ ﻣﺤﺒﺔ ﻭﻗﺎﻟﺖ ﻟﻴﻬﻢ ﺟﺒﺖ ﻟﻴﻜﻢ ﺳﻤﺴﻤﻴﻪ ..

ﻭﺩﺍﻳﻤﻦ ﻟﻤﻦ ﺗﻄﻠﻊ ﺑﺘﺠﻴﺐ ﻻﺧﻮﺍﺗﻬﺎ ﻫﺪﺍﻳﺎ ..

ﻭﺑﻨﻮﻣﻦ ﺍﻟﺘﻼﺗﺔ ﻓﻲ ﺳﺮﻳﺮ ﻭﺍﺣﺪ .. ﻣﻦ ﻛﺎﻥ ﻋﻤﺮﻫﻦ ﺗﻼﺗﺔ ﺳﻨﺔ

.. ﻣﺮﺗﺒﻄﺎﺕ ﺑﻴﻨﻮﺭ ﺍﺭﺗﺒﺎﻁ ﺷﺪﻳﺪ ..

ﻓﻲ ﺍﺳﺘﺎﺫ ﻓﻲ ﻣﺪﺭﺳﺔ ﻧﺎﺱ ﻧﻮﺭ ﺍﺳﻤﺔ ﻋﺎﺩﻝ . ﺍﺳﺘﺎﺫ ﺗﺮﺑﻴﺔ ﺍﺳﻼﻣﻴﺔ ..

ﻭﻣﻦ ﺍﻻﺳﺎﺗﺬﺓ ﺍﻟﺠﺪﻳﺪﻳﻦ . ﻭﺯﻭﻝ ﻣﻠﺘﺰﻡ ﺷﺪﻳﺪ .. ﺩﺍﻳﻤﺎ " ﻧﻮﺭ ﺑﺘﺴﺄﻟﻪ ﻣﻦ

ﺍﻟﻤﺴﺄﺋﻞ ﻭﺍﻻﺷﻜﺎﻟﻴﺎﺕ ﺍﻟﺒﺘﻮﺍﺟﻬﺎ .. ﻭﻫﻮ ﺯﻭﻝ ﻋﻨﺪﻭ ﺍﺧﻼﻕ ﻣﺎﺷﺎﺀ ﺍﻟﻠﻪ ..