المسؤليه

الجزء 08

ﻃﺒﻌﺎ ﻟﻤﻦ ﻣﺤﻤﺪ ﺷﺎﻭﺭ ﻛﻮﺛﺮ .. ﻣﺸﺎﻭﺭﺓ ﺧﺒﺮ . ﻳﻌﻨﻲ ﻫﻮ ﺍﺻﻼ ﻣﺼﻤﻢ ﻳﻜﻠﻢ

ﺍﻟﺒﺖ .. ﺑﺲ ﻋﺎﻳﺰ ﻳﺪﻱ ﻛﻮﺛﺮ ﺧﺒﺮ .. ﻭﻛﺎﻥ ﻣﻦ ﻓﺘﺮﺓ ﺑﻔﻜﺮ ﻓﻲ ﻃﺮﻳﻘﺔ ﻳﻜﻠﻢ

ﺑﻴﻬﺎ ﺍﻟﺒﻴﺖ ﺩﻱ ..

ﻛﻮﺛﺮ ﻗﺎﻟﺖ ﻟﻴﻬﻮ ﻋﻠﻰ ﻛﻴﻔﻚ ﻳﺎﻣﺤﻤﺪ .. ﺍﻧﺎ ﺗﺎﻧﻲ ﻣﺎﺑﻌﺘﺮﺿﻚ ﻓﻲ ﺣﺎﺟﺔ ..

ﺍﻟﺤﺎﺟﺔ ﺍﻟﺒﺘﺸﻮﻓﻬﺎ ﺻﺎﺡ ﺍﻋﻤﻼ . ﻭﺍﻧﺖ ﺗﺘﺤﻤﻞ ﻣﺴﺆﻟﻴﺘﻬﺎ ..

ﻗﺎﻝ ﻟﻴﻬﺎ ﺣﺎﺿﺮ . ﺍﻥ ﺷﺎﺀ ﺍﻟﻠﻪ ﻳﺎ ﻛﻮﺛﺮ ﻣﺎﻳﺤﺼﻞ ﺍﻻ ﺍﻟﺨﻴﺮ

ﺍﻟﻤﻬﻢ ﺑﻌﺪ ﺟﺎﺕ ﻧﻮﺭ ﻣﻦ ﺍﻟﻤﺪﺭﺳﺔ .. ﻭﺍﺭﺗﺎﺣﺖ ﺷﻮﻳﺔ ﻭﺍﺗﻐﺪﺕ ﻧﺎﺩﺍﻫﺎ ..

ﺗﻌﺎﻟﻲ ﻳﺎﻧﻮﺭ ﻳﺎﺣﺒﻴﺒﺘﻲ ﺍﻧﺎ ﻋﺎﻳﺰﻙ .. ﻗﺎﻟﺖ ﻟﻴﻬﻮ ﺣﺎﺿﺮ ﻳﺎ ﺑﺎﺑﺎ .. ﺍﺟﻴﺐ ﻟﻴﻚ

ﻣﻌﺎﻱ ﻣﻮﻳﺔ ؟

ﻗﺎﻝ ﻻ ﻻ ﺷﻜﺮﺍ " .. ﺳﻴﺒﻴﻬﺎ ﺍﻟﻤﻮﻳﺔ .. ﺍﻧﺎﻋﺎﻳﺰﻙ ﻓﻲ ﻣﻮﺿﻮﻉ ﺿﺮﻭﺭﻱ ..

ﺟﺎﺕ ﻭﻗﻔﺖ ﻗﺪﺍﻣﻮ ..ﻭﻗﻠﻌﺖ ﺳﻔﻨﺠﺘﻬﺎ ﺍﻟﻼﺑﺴﺎﻫﺎ .. ﻭﺍﻟﻜﺮﻋﻴﻦ ﺩﻳﻞ ﺑﻴﻮﻭﻭﺽ

.. ﻭﻧﻀﻴﻔﺎﺍﺍﺍﺕ ..

ﻭﻗﻌﺪﺕ ﻗﺪﺍﻣﻮ ﻓﻲ ﺍﻟﻤﺼﻼﻳﺔ ﻭﺍﺗﺮﺑﻌﺖ .. ﻭﺭﺑﻌﺖ ﻳﺪﻳﻨﻬﺎ .. ﻭﻗﺎﻟﺖ ﻟﻴﻬﻮ ..

ﺍﻫﺎ ﻳﺎﺑﺎﺑﺎ .. ﻗﻮﻝ .. !! . ﺍﻧﺎ ﺡ ﺍﻧﺘﺒﻪ ﻟﻜﻼﻣﻚ ﺷﺪﻳﺪ.. ﻭﺑﻘﺖ ﺗﻐﻤﺾ ﻭﺗﻔﺘﺢ

ﻓﻲ ﻋﻴﻮﻧﻬﺎ ﻭﺗﺘﺒﺴﻢ ..

ﻣﺤﻤﺪ ﻗﻠﺒﻮ ﻭﺟﻌﻮﺍ . ﻭﺑﻠﻊ ﺭﻳﻘﻮ .. ﻭﻗﺮﺭﺭﺏ ﻳﻀﻌﻒ .. ﻭﻛﻮﺛﺮ ﻗﺎﻋﺪﺓ ﺟﻮﺓ

ﻓﻲ ﺍﻻﻭﺿﺔ ..ﻣﺘﻤﺤﻨﺔ ﻭﺗﻌﺎﻳﻦ ﻟﻴﻬﻮ ..

ﻣﺤﻤﺪ ﻗﻮﻯ ﻗﻠﺒﻮ ، ﻭﺍﺗﻨﺤﻨﺢ ﻭﻗﺎﻝ ﻟﻴﻬﺎ .. ﺍﻧﺎ ﻋﺎﻳﺰ ﺍﺳﺎﻟﻚ ﺳﺆﺍﻝ ﻳﺎﻧﻮﺭ ..

ﻗﺎﻟﺖ ﻟﻴﻬﻮ ﺍﺳﺄﻟﻨﻲ ﻳﺎﺑﺎﺑﺎ .. ﺍﻧﺎ ﺑﺤﻞ ﺍﻱ ﺳﺆﺍﻝ ﺡ ﺗﺸﻮﻭﻭﻭﻑ .. ﻗﻮﻝ ﺑﺲ

ﺍﻧﺖ ..

ﻗﺎﻟﻴﻬﺎ ﻃﻴﺐ .. ﻣﻦ ﻫﻮ ﺍﻟﻨﺒﻰ ﺍﻟﺬﻱ ﺍﺗﺮﺑﻰ ﻓﻲ ﺑﻴﺖ ﻣﺎ ﺑﻴﺖ ﺍﻫﻠﻮ . ﻭﺍﻟﻨﺎﺱ

ﺍﻟﺮﺑﻮﻫﻮ ﻣﺎﻋﺎﺭﻓﻴﻦ ﺍﻫﻠﻮ .ﻭﻻﻋﺎﺭﻓﻴﻦ ﺍﻣﻮ ﻭﻻ ﺍﺑﻮﻫﻮ ..

ﻭﻛﺎﻧﻮ ﺑﺴﻤﻮﻫﻮ ﺍﻟﻠﻘﻴﻂ؟

ﻗﺎﻟﺖ ﻟﻴﻬﻮ ﺍﻳﻮﻩ ﻋﺎﺭﻓﺔ ﻳﺎ ﺑﺎﺑﺎ .. ﺩﻩ ﺳﻴﺪﻧﺎ ﻣﻮﺳﻰ . ﻟﻤﻦ ﻓﺮﻋﻮﻥ ﻗﺎﻝ

ﻋﺎﻳﺰ ﻳﻀﺒﺢ ﺍﻻﻃﻔﺎﻝ ..

ﺳﻴﺪﻧﺎ ﻣﻮﺳﻰ ﺍﻣﻮ ﺧﺘﺘﻮ ﻓﻲ ﺗﺎﺑﻮﺕ ﻣﻦ ﺍﻟﺨﺸﺐ .. ﻭﻧﺰﻟﺘﻪ ﻛﺪﺍ ﺑﺮﺍﺍﺍﺍﺣﺔ ﻓﻲ

ﺍﻟﺒﺤﺮ ..

ﻭﺍﻟﺒﺤﺮ ﺷﺎﻟﻮ .. ﻭﺑﻘﻰ ﻣﺎﺷﻲ ﻭﻣﺎﺷﻲ ﻭﻣﺎﺷﻲ .. ‏( ﺗﺤﻜﻲ ﻭﺗﺤﺮﻙ ﻓﻲ