لم أكن اتوقع بأن سيكون لنا لقاء.

الفصل السابع(حلم مزعج)

لم اكن اتوقع بأن سيكون لنا لقاء (الفصل السابع)
بعنوان(حلم مزعج)
-عيناكِ كالرغوةِ البيضاء وسُكِبت عليها قُطرتي قهوة.
ـــــــــــــــــــــــــــــــــــــــــــــــــــــــــــــــــــــــــــــــــ
قام من على السرير وهو يتألم كانت الرؤية عنده مشوشة كان يمشي ويصدم في كرسي في دولاب في طاوله الخ...
: ءءااه رأسي آخ آآآهه ، ءءعمي صلاح ءءاه .
تعالا صوته اكثر واكثر : ملاااذ ، سارا ، جوكهااءءااه وبسوط غير مسموع: جوكهان ، توجهه للباب وهو يمشي انصدم في طاوله وطرف الطاوله دق بقوه في جنبه اليمين طاح عالارض وهو يتألم من ألم رأسه وألم جننبه وبصوت غير مسموع: ءءااهخ تعبت كان يقول بنفسه عبدالله تماسك ياعبدالله :ءءعـ م ء عمي وداخ.
.
.
.
.
.
جالسه بجانب الشباك شعرها المنثور  يضايق وجهها هالات سوداء وجه شاحب عيون حمراء جسم نحيل كانت ليله مرا باردة كانت نفحات خفيفه من الهواء البارد تلامس وجهها كانت نظراتها بارده وملامح وجهها هاديه لكن بداخلها صراع كانت تفكر بكلام ملاذ : ابيج تسمعيني زين.....ملاذ:اعتقد انج خيبتي آمال ابوج.
رنيم: شنو الي تقولينه؟؟
ملاذ: خليني اكمل ..
كانت ملاذ مركزه عيونها على عيون رنيم وتكلمها بكل هدوء وبحب وبحنيه.
ملاذ: ابوج راح من على هالدنيا وكله امل انج رح تمسكين شركاته من بعده ، كان حاط أمله فيج بس أظن خيبتي ظنه...
كلنا ندري انج تعذبتي وشي صعب انه يموتون اهلج وكلهم مع بعض، بس مو بزين تيلسين جي وراج شركات ابوج ال3 و وراج قصر تبين كل تعب ابوج  يروح في يوم اذا ماستمريتي من بعده ؟؟
رنيم: بس عمي محمد هو مستلم شركات ابوي...
ملاذ: ههههههه لين متئ؟؟ لين تهرمين هنا لوحدج بالغرفه لين تفقدين شبابج وحلاوتج ويصير ويهج كله تياعيد والله عمج صلاح عنده شركاته وما اعتقد رح يهتم في شركات ابوج اكثر من سنه بييي يوم ويقول لج هذي الشركات ما اروم اديرها وانتي بتيلسين في غرفتج وبتفلس الشركات وبينباع القصر وبتيلسين في الشارع وين ضاع تعب ابوج قولي؟؟؟؟
رنيم وهي ماسكه دموعها ماتبغا تبكي خلص تعبت: بس ءء
ملاذ : قومي تحركي ، لين متئ راح تيلسين على ذا الحال انتي بتصرفاتج دي تعصين اوامر ربج
رنيم : كك ...كيف؟؟
ملاذ: وكأنج مو راضيه عن م كتبه ربج .
رنيم: الا انا راضيه...
ملاذ: جذابه، لو انتي راضيه ما كنت انا عندج الحين ، وماكنتي تبكين الحين ، مرت على الحادتثه شهرين ونصف وانتي يالسه على هالحال.
مسحت دموعها رنيم بأناملها الصغيرة وهي لازالت تتذكر كلام ملاذ،
كان انفها مورد وكانت لابسه جاكيت هيثم تدفي نفسها من الهواء البارد الي كل شوي قاعد يضرب وجهها .(جاكيته نساه عندها قبل ما يسافرون بيوم)
تنهدت بألم لما تذكرت كلام ملاذ الي كل ماتذكرته يجيها اصرار وعزيمه انها تخرج من الغرفه كانت تتذكر كلام ملاذ وتبكي من دون صوت كان كلام ملاذ يتردد في ذهنها من اول م راحت:
ملاذ : الحين ابغاج تركزين اكثر ،
.
اسمعي:
اولاً:
انتي تحبين احد يشفق عليج؟؟
اذا كنتي تحبين الناس تشفق عليج وتقول رنيم ضعيفه  و ماتروم تتحمل...! عادي خليج في غرفتج .
ثانياً :
ابوج لو كان يقدر يشوفج الحين كان حزن وزعل وايييد، بيقول ما توقعت بنتي تصير جي ضعيفه من بعدي..
ثالثاً:
اذا بكيتي وحزنتي وتضايقتي  وبينتي للناس نقاط ضعفج، اهلج بيردون؟
رابعاً:
ابوج توفى وهو حاط تقثه فيج، راح وهو يقول بنتي ايوا بنتي بتروم بتتحمل المسؤليه من بعدي بتقدر تطور شركاتي، لو شافج كذا متكتفه الايدي بيقول لا هذي مو رنيم الي اعتمدت عليها..!
خامساً:
فكري في مستقبلج... ايوا فكري في مستقبلج ياحبيبتي قومي بطلي بكي انتي مو صغيره..... قومي لاتحطمين احلام ابوج كملي من بعده.
سادساً:
لين متى بتبكين انتي بتبكين وبتحزنين وبتمر الايام وانتي للحين ما سويتي شيء يفتخر فيه ابووج.
شهقت رنيم بألم لكن لازال كلام ملاذ يتردد براسها
سابعاً:
اهلج في أمان اهلج في امان عند ربهم.... اذا حسيتي انج أشتقتي لهم لاتبكين انتي لما تبكين تضايقيهم بقبرهم اذا اشتقتي لهم قومي صلي ركعتين وادعي لاهلج فيها، وبعد كل صلاه اقرأي الفاتحة على أرواحهم...
ثامناً:
خلي ابوج يفتخر فيج و يقول ايوا هذي رنيم الي اعرفها...
تاسعاً:
انتي بتتعبين بحياتج اذا اصريتي انج تقولين انا وحيدة انا ما اروم اعيش اهلي  هما حياتي لا انا ما اروم وما اروم  هذا غلط
انتي جي بتتعبين واييييييد، لازم تعيشين حياتج اهلج توفوا هذا وقتهم الله يرحمهم، الحين انتي بتصرفاتج كأنج مو راضيه عالقدر الي اكتبه ربج....
عاشراً:
اذا حسيتي برغبه بالبكاء ابكي ، اذا حسيتي برغبه في الضحك اضحكي اذا حسيتي برغبه في الحزن احزني اذا حسيتي برغبه بالحب حبي اذا حسيتي برغبه في العناق عانقي ربيعاتج او اي احد قريب لج اذا حسيتي برغبه في الاكل كلي اذا حسيتي برغبه في الخروج من غرفتج اخرجي ولاتتوترين ولاتخافين اذا حسيتي برغبه في الخروج من غرفتج واستصعبتي الخروج اتصلي فيني حتئ لو الفجر بيي لج .
ابتسمت ملاذ وحط يدها ع كتف رنيم( وآه من ابتسامه ملاذ تريح القلب)
ملاذ: اظن خلص وقتنا لازم اروح
ابتسمت لرنيم
توجهت ملاذ للباب وطالعت برنيم نظره اخيره ابتسمت لها وطلعت.
هنا رنيم انفجرت بكي بكت وحطت راسها عالشباك وكانت تبكي بقوه وبأعلئ صوت لدرجه كلبها جاك سمع صوتها وخرج من بيته وينبح طالعت فيه رنيم وهي لازالت تبكي بأعلى صوت كانت الرؤيه عندها مشوشه بسبب الدموع طالعت لخارج القصر لقت شخص كان يطالع فيها ضيقت عيونها عشان تتعرف عليه : حممد؟؟؟؟ وش جابه؟؟؟؟؟
لوح لها حمد وبأبتسامه متوتره، كان حمد له نصف ساعه يطالع فيها ومتوتر وتوتر زياده بسبب بكاها وصوت جاك.
مسحت رنيم دموعها وجاك لازال ينبح اشرت لحمد عشان يدخل للحديقه بس اشر لها انه الباب مقفل اشرت له انه يتسلق بس مافهمها طلع جواله واشر لها عشان ترد عليه بس اشرت بأن جوالها انكسر اخدت مفاتيح الحديقه الي تدخله للقصر ورمتهم له وقالت له يدخل من دون صوت دخل حمد للحديقه وطالع فيها ابتسم لانه صار يشوفها بوضوح ودقات قلبه كل ماتزيد بس انمحت ابتسامته لما شاف رنيم بهالحاله
حمد: انتي بخير؟؟؟؟؟؟؟؟؟
رنيم: ممكن تجيب جاك؟؟؟
حمد: طيب بس افتحي الباب..
رنيم: مقدر.....، شوف فيه سلم عند بيت جاك هاته
حمد : طيب
سحب حمد السلم وسنده بحيث انه يوصل للشباك الي بغرفه رنيم اخد جاك وجاك لازال ينبح حمد شوي بيعطي جاك كف كان يوتره زياده طلع في السلم لين وصل لرنيم اخدت رنيم جاك وهي تبكي لامست يد رنيم يد حمد توتر حمد وطلع من السلم ودخل لغرفه رنيم كان مش بوعيه يمكن الساعه2 في الليل ويدخل عند بنت ولوحده يمكن بسبب التوتر حضنت رنيم جاك واصدر جاك انين بحزن وكان يغوص بحضن رنيم وكانت رنيم تبكي كأنها طفله ومو منتبهه لوجود حمد .
.
.
.
.
.
.
.
الساعه2في الليل وللحين ماجاها نوم راحت لغرفه الرسم تبعها وقربت للألواح الجديدة الي اشترتهم واخدت لوحه بحجم متوسط وسندتها على الستاند الخشبي وجابت الكرسي وخشبه الالوان وفرشاة الالوان وتوجهت للوحه زفرت بضيق واخذت قلم رصاص عشان تبدأ ترسم كانت ترسم ومش عارفه ايش ترسم كانت ترسم وتفكر بحبها الاول والاخير رسمت العيون وكانت العيون مش غريبه عليها وهي ترسم سندت راسها على الطاوله ونامت.....كانت كل ماتبذل جهد حتئ لو بسيط تتعب.
.
.
.
بنفس الوقت لكن بمكان آخر صحيت عشان تشرب مويا بس طبعها من يومها صغيره اذا صحيت في الليل تروح تفتح كل الغرف تتفقد الكل دخلت غرفه ملاذ لقتها صاحيه
سارا: ملاذ للحين مانمتي؟؟؟؟؟؟
ملاذ: اي ماجاني رقاد..
سارا: هاه
ملاذ: انتي ليه ما رقدتي؟؟؟؟
سارا: نمت ، بس صحيت عطشانه..
ملاذ و ابتسامه: والحين يالسه تحققين بالغرف!!
سارا وبضحكه: ايي..
ملاذ: تعي شوفي يالسه اتابع فيلم
سارا: وععع افلامك مو حلووا
شمقت ملاذ عيونها : روحي روحي كملي تحقيق.
ضحكت سارا: طيب لحظه بروح اتحقق وبجيك
ملاذ من دون ماتطالعها مندمجه مع الفيلم: طيب.
مشت سارا وضحكت على ملاذ لان ملاذ نست انها معصبه منها عشان ما حجزت جناح، طالعت بجوكهان لقته نايم عالكنبه وشكله مو مرتاح جات باسته على خده وتوجهت لغرفه ابوها لقته نايم توجهت لغرفه عبد الله فتحت الباب مالقته عالسرير طالعت بالارض لقته متمدد ويده اليمين حاطها على راسه  ويده اليسار حاطها على جنبه توترت قربت منه لقته مغمي عليه هنا سارا تصنمت مو قادره لا تصرخ ولا تتحرك نفس تعابير اخوها عبدالله لما توفئ صحتها من شرودها دمعه حاره على خدها، هزت كتف عبدالله مره مرتين وثلاث وقامت تمشي  ببرود وملامح بارده ودموعها على خدها مشت لين وصلت لغرفه ملاذ فتحت الباب طالعت فيها ملاذ خافت ملاذ من شكلها
ملاذ: اشففيج؟؟؟؟
سارا: ع ع ءء ععبـ
ملاذ بشبه صراخ : تكلمي عدل اشفيج؟؟؟
سارا: عبد... عبد الله
عطول فهمت عليها ملاذ وراحت ركض لغرفه عبدالله لقته بحاله توجع القلب نزلت لمستواه وبصوت كله حنيه : عبدالله ، هزت كتفه ، عبدالله راحت جابت مويا وصبتها على راسه و وجهه انتظرت شوي وبعدها صارخت بصوتها كله : سساااااراااا
فاقت سارا من سرحانها لقت نفسها لساتها واقفه عند باب ملاذ راحت عطول لغرفه عبدالله وبصوت فييه رجفهه: ءءأ ننـ ـنعم؟؟؟
ملاذ وهي شوي وبتبكي : روحي صحي عمي صلاح وجوكهان سرييع ..
سارا: طيب طيب .
سارا: جوكهان ، جوكهان ، انهض هيا انهض لا اعرف ما الذي اصاب عبدالله ، جوكهههااااانن
فز جوكهان من نومه: مالذي يحدث؟؟؟؟
طالع ب سارا لقاها تبكي: سارا ؟؟؟؟؟؟
سارا بترجي وعيونها تقول لجوكهان انقده:عبدالله...
توجه عطول له وسارا راحت لابوها تصحيه
سارا: يبه يبه قوم يبه..
صلاح: بسم الله الرحمن الرحيم،خير يابنتي؟؟؟
سارا وهي تبكي: يبه عبدالله مدري ايش فيه...؟
صلاح: قومي قومي خلِينيِ اشوفه!!!!
توجهه صلاح لغرفه عبدالله، طالع فيه واتصل على دكتوره
صلاح: الووو، دكتور سعيد
سعيد وبصوت كله نوووم:ننـ ـنعم
صلاح: عبدالله اغمئ عليه .....(خلص صلاح تعود صار ماعاد يتوتر او يخاف)
سعيد: هاته للمستشفئ وانا بجي..
صلاح: طيب.
.
.
.
.
: رنيم؟؟؟
حست رنيم بوجوده وخافت بسبب وجوده بغرفتها بهالساعه
رنيم: نععم
حمد: ويننك لاحس ولا خبر اتصل عليك مغلق حتئ لحفل التخرج ماجيتي؟؟؟؟؟؟
رنيم: انت وش جابك قدام بيتنا بهالساعه؟؟؟؟
حمد: لسا ماتغيرتي اسألك ،تردين علي بسؤال!!!
رنيم: وش الي بيغيرني مثلاً؟؟؟؟
حمد حس على نفسه بأنه جالس عندها وبوقت مو مناسب
حمد: انا بروح
رنيم وببرود: طيب
تنرفز حمد ماكانت كذا: سكري الشباك لايجيك برد..
رنيم: يههمك؟؟؟
حمد: اي
رنيم: خليك شوي
انصدم حمد : انتي عارفه الحين كم الساعه؟؟؟؟
رنيم:  2:17
حمد: لازم اروح..
رنيم: اشوف فيك هيثم..
هنا حمد انجلط ماكان متوقع بأن رنيم بتعتبره في يوم من الايام زي اخوها ..
ابتسم حمد غصباً عنه ونزل من الغرفه عبر السلم ورجع السلم لمحله .
اخذت رنيم جاك الي نام بحضنها وتمددت هي وياه
عالسرير واستسلمت لظلامها ولكوابيسها المزعجه..