لم أكن اتوقع بأن سيكون لنا لقاء.

الفصل العاشر(لقاء غير متوقع)

لم اكن اتوقع بأن سيكون لنا لقاء(الفصل العاشر)
بعنوان(لقاء غير متوقع)
لامست يدي يداه ولم اتوقع بأنه اخي
رنيم.....
(كل عام وانتم بخير وعييد سععييد ينعاد عليكم وانتم محققين الي في بالكم💙)
ـــــــــــــــــــــــــــــــــــــــــــــــــــــــــــــــــــــــــــــــــــــــ
ملاذ بتوتر: ممدري بس هوا كان معكم بالحادث بس لما شفت خاتمج نفس خاتمه كذا يات ببالي الف فكره
رنيم بتلعثم: ككك  ككيف ... اءايش قصد..دك؟؟
ملاذ: اوريج صورته
رنيم وشوي بتبكي حست انو فيه امل ولو بسيط: اي بسرعه..
فتحت ملاذ جوالها وطلعت صوره سارا وعبدالله مع بعض في عرسها..
رنيم: للأسف مو هوا
ملاذ: هوا سوا عمليه تجميل ، ممدري شو اقولج بس ممكن تركزي؟؟
رنيم والدموع بعيونها: والله مو هوا..
ملاذ: اسفه بس حسيت انو هيثم ل لحظه اسفه ماكنت ابي ازعللج وخصوصاً بهاليوم..
رنيم: لا عادي عادي..
ملاذ: كنت مجهزه كلام لج بس كله طار
رنيم: هههههههههه تذكري
ملاذ: اي صح صح تذكرت طالعي بعيوني
رنيم : هاه قولي
ملاذ: صارت لنا مواقف انا وياج ، مثلاً بكيتي بحضني ، كنت ايي لج اخر الليل ايي لج الصباح من بدري وضحكنا مع بعض وبكينا مع بعض قضينا هالاسبوعين بحلوها ومرها والحمدلله انتي الحين بخير ، م ابيج ترديين للوراء مرا ثانيه هاي فتره وعدت تخيلي الاسبوع الياي بتبدأين شغل ابيج لما تبدين شغل تبدين حياه يديده ، خلاص اهلج توفوا الحمدلله انتي صرتي قويه من بعدهم ولاتبكين لانو البكاء مايفيد في.مثل هاي المواقف اوكي عادي ابكي بس ردي قومي واضحكي  لا تقضين كل وقتج بكي شوفي كالا ومحمد وربيعاتج وخالاتج حصه وفاطمه كللهم مععج وانا برضو متئ م تبيني حكون عندج  ....انتي الوحيده من المرضئ الي صارت قريبه مني ، حطت يدها علئ كتف رنيم وب ابتسامه - تمام؟؟
ابستمت رنيم: ان شاءالله
ملاذ : باقي ربع ساعه خلينا نسير لين مايخلص الوقت
رنيم : يلاا
مشوا لين وقفوا عند القصر
ملاذ: لاتتسين بكرا اخر نشاط بالجدول..
رنيم: طيب
سلموا علئ بعض وكل وحده راحت بأتجاه
.
.
.
.
.
.
.
.
.
الدكتور: المرض كل ماينتشر في الجسم وهو زي ماتعرفون خبيث لازم نبدأ بالعلاج الكيماوي.
منال: متئ طيب؟؟؟
الدكتور: بكرا ان شاءالله
كانت تطالع فيهم مصدومه كل شي صار بسرعه
الدكتور: إيمان جاهزه؟؟
إيمان بتوتر: اي جاهزه..
الدكتور: خليكي متفائله دام انو ادركناه في بدايته اكيد بيروح وبترجع لك صحتك
إيمان: ان شاءالله
خرجو من المستشفئ وركبو في السياره كانت خاله إيمان (منال) تسوق وايمان جنبها..
منال: نرجع البيت ولا تبغين مكان ثاني؟؟
ايمان: وديني عند رنيم
منال : طيب.
وصلوا للقصر دخلت إيمان الحديقه وجلست علئ الكنب واتصلت علئ رنيم جاها رنين التلفون بعدها صوت رنيم: الوو
إيمان: هلا رنيم انزلي انا تحت
رنيم: طيب...
خرجت رنيم ومعاها القيتار ناظرتها ايمان وابتسمت
إيمان: خير ،ليه القيتار مععك؟؟؟
رنيم:امس كان اخر نشاط بالجدول الي عطتني اياه ملاذ
النشاط يقول (اعزف لصديقك المفضل) ...
ايمان: خلينا نروح مكانننا المفضل واعزفي لي هنناك
رنيم: ياواااثثق ، يمكن ماتكووني انتي؟؟؟
ايمان: اذا م كنت انا مين بيكون يعني؟؟؟
رنيم: يمكن فيه احد سري...
ايمان: ماتقدري تحطي شخخص بمكانتي فاهمه؟؟
رنيم: يلععن اممم الثثققه هههههههههههه
ايمان: امشي امشي..
.
.
.
.
.
.
.
.
.
:اسمع ياخوي والله اليوم مااقدر اشغلك شوف لك حل..
: الله يخليك بشتغل اي شغل ، مو انت قلت اي شغل اعطيك توافق وبالاجر اليومي؟؟
: اي والله قلت، بس اعذرني ياخوي والله اليوم ماعندي شغل لك...
عمار: كلله خير ، في امان الله..
مشئ وهو مكسور ويفكر كيف بيجيب اكل لبناته اليوم
: عمار عمار تعال تعاال
التفت عمار : هاه؟
: تعال تذكرت شغله
ابتسم عمار وجاه رككض: ايش ايش؟؟
: فيه واحد اسمه عبدالعزيز ويدعم المشاريع الصغيره والكبيره شوف مشروعي هذا بسببه وصل لهالحال....
عمار: بس انا ماعندي مشروع
: شووف انت بأمكانك تأخد منه قرض وتفتح لك اي شغله
عمار: مافراسي اي شي..
: شوف ياعمار احس الخير عنده روح له واشكي له حالك وان شاءالله بيساعدك..
عمار: طيب اعطيني رقمه او الموقع
: رقمه ماعندي الموقع(#####**#*#*#*)
عمار وهو مبتسم: تمام مشكور يا خوي..
.
.
.
.
.
.
.
.
.
: المكان تغيير
: اي من 3 شهور وسبوعين وخمس ساعات ماجيتي
رنيم: هههههههههههههههههههه لهالدرجه مشتاقه انو نجتمع هنا..؟
ايمان: ايي ياكلببا وانتي مو راضيه..
رنيم: هههههههههه اجلسي خليني اعزف لك..
إيمان بحماس : يلا يلا
رنيم: ايش اعززف؟؟
إيمان: اعززفي اي شي
رنيم: مافي شي براسي...
إيمان: اممممممم اعزفييي هاه تذكرت اعزفي اغنيه بترجعين لراشد الماجد
رنيم: لسا تحبيها؟؟
إيمان: اي احبها
رنيم: انا لو سمعت اغنيه 4مرات اكرهها..
إيمان: انا مش انتي
رنيم: خللص طيب ، انا بعززف وانتي غنني..
إيمان: لا انتي اعزفي وبنغتي مع بعض
رنيم: طييب
ترجعين لو قلتلك اني احبك للابد
بترجعين لو جيتلك بكره على اخر وعد
ترجعين لو قلتلك اني احبك للابد
بترجعين لو جيتلك بكره على اخر وعد
اركض ورى ظلك بجيك
اركض ولا احصل احد
طول خريف ايامنا
طول وانا صبري نفد
اركض ورى ظلك بجيك
اركض ولا احصل احد
طول خريف ايامنا
طول وانا صبري نفد
ماحسني فاقد حبيب احسني فاقد بلد
فاقد بلد    فاقد بلد
جيتي مثل غيمة وله رحتي بلا برق ورعد
صيف وشتا مروا وانا مشتاق وشوقي مابرد
جيتي مثل غيمة وله رحتي بلا برق ورعد
صيف وشتا مروا وانا مشتاق وشوقي مابرد
استحلفك بالله ليه رحتي وماصنتي العهد
ماكنت لعيونك ضوى ماكنت لك ظهر وسند
استحلفك بالله ليه رحتي وماصنتي العهد
ماكنت لعيونك ضوى ماكنت لك ظهر وسند
زرعتلك صدري حنين
زرعت انا وغيري حصد
غيري حصد    غيري حصد
بترجعين مدري متى
محتاجلك روح وجسد
ترجعين لو قلتلك اني احبك للابد
إيمان: االلللللللههه
رنيم: اللله عليييييييك
إيمان: يلا مرا ثانيه
رنيم: بسس عااد
ايمان وهي مسويه فيها زعلانه: طييب
رنيم: هههههههههههههههه فديتو الي يمثثل
إيمان: ههههههههههههههه ، تعي نمشي
رنيم: يلا نسير
إيمان: نسير؟؟
رنيم: هههههههه معليه متأثره بملاذ..
إيمان: هاه، ترا اغار
رنيم: ههههههههههههههه صدقت امشي
مشو شوي وقفت ايمان
: رنييم
رنيم: هاه ، اشبك امشي؟؟
إيمان: بقول لك شي
التفتت رنيم لها بأهتمام: ايش؟؟؟؟
إيمان : ممكن نجلس؟؟
رنيم: خيير بسم الله ايش فييك ؟؟
إيمان: لا عاادي موضوع عادي تعالي هنا
جلسو فوق صخره كبيييره كل وحده جنب الثانيه..
رنيم: قولي؟؟
إيمان(ومن دون مقدمات): انا ببدأ بكرا بالعلاج الكيماوي..
ضحكت رنيم: كيييف؟؟؟؟؟؟؟
إيمان ودموعها بعيونها: عندي سرطان الدم..
رنيم وهي نازله من  الصخره:   هههههههههههههههههههههههههههههه قومي قومي ما
تعرفي تسوي مقالب .
إيمان وهي منزله راسها بالارض وبصوت مهزوز: رنيم؟
طالعت فيها رنيم ولما شافت شكل ايمان انصدمت: ايمان اشببك؟؟
ايمان وهي تبكي: رنيييم
رنيم وهي متوجهه ل ايمان: هاه هاه جنبك انا..
ايمان وصوتها مو مفهوم من كثر البكاء: رنيييم آهه رنييم
رنيم ودموعها بعيونها: ايمان انا عنندك عنندك
ايمان كانت تبكي وصوتها مالي المكان رفعت راسها وحضنت رنيم بكل قوتها: رنيييم -وهي تشهق- رنيمم ااه رنيييم
نزلت دمووع رنيم: ايمان حبيبتي لاتخوفيني اشببك ايمان طالعي فيني؟؟
ايمان وهي تبكي: لا لااا لاا خليني كذاا
كانت ايمان جالسه ورنيم واقفه وحاضنين بععض ويبكون..
رنيم: طيب تعالي خلينا نحلس تحت الشجره فهميني..
بعدت ايمان عنها ومسحت دموعها ووقفت : انا برووح
وسعت رنيم عيونها بصدمه: خيير خيير وين بتروحي؟
لازم تفهميني كل شي..
ايمان: رنيم الله يخليك خليني ارووح..
حطت رنيم ايدينها علئ وجهه إيمان وبصوت مهزوز: إيمان الله يخليك قولي لي اشبكك؟ لاتخوفيني فهميني ايش صاير وايش بيصير بكررا ؟؟
إيمان وهي تبكي ومرتبكه: عندي سرطان دم وبكرا ببدأ في العلاج الكيماوي
رنيم: كييف ولييه ومتئ ممتئ صار ذا كلو؟؟
ايمان وهي ماسكه دموعها: مم مدري مدري والله مددري
رنيم: وهي خانقتها العبره: إيمااان
نزلت دموع ايمان: ه هاه؟؟
رنيم : احببك-وحضنتها-
ايمان وهي تبكي: وانا برضو احببك وانا برضو
.
.
.
.
.
.
.
.
.
: السلام عليكم
: وعليكم السلام؟
: وين بلقئ مكتب عبدالعزيز؟؟
: ءااا عبدالعزيز توفئ الله يرحمه
: ااييشش؟؟
:اي الحمدلله
: طيب طيب  ،كك ككيف الحيين؟؟
: صاحبه بداله مستلم الشركات وبنته الاسبوع الجاي بتستلم كل شي..
عمار: طيب انا ابيه ضروري!؟
صاحب الاستقبال: فيك تكلم صاحبه استاذ محمد..
رجع عمار لورئ وجلس ع الكرسي وحط يدينه علئ راسه: الحيين كيف اسوي؟؟ اظن لازم اكلم صاحبه
وقف وتووجه لصاحب الاستقبال : ممكن تقول لي وين مكتبه ؟
صاحب الاستقبال: انت اخدت موعد من قبل مع الاستاذ عبدالعزيز؟؟؟
عمار: لاا
صاحب الاستقبال : طيب اجلس شوي بتصل عليه..
عمار: طيب
اتصل صاحب الاستقبال علئ محمد وجاه رده: الوو
صاحب الاستقبال: الو استاذ محمد فيه رجال يقول انو يبغئ يشوف الاستاذ عبدالعزيز ولما قلت له توفئ رجع وقال انو يبغئ يشوفك، ارسله لك؟؟
محمد: خمس دقايق وارسله
صاحب الاستقبال: استاذ محمد الرجال شكله غريب شوي
محمد: قلت لك خمس دقايق وارسله
: طيب طيب
بعد خمس دقايق
: تفضل
دخل عمار
محمد وعيونه علئ الاوراق الي قدامه: اجلس
رفع محمد عدسه عينه علئ عمار انصددم بشكله ثيابه الي كلها طين ومبهدله وشعره الاشعت ووجهه باين عليه التعب وبصوت جهوري وعلامه استفهام براسه : تفضل اخوي..
عمار: والله مش عارف من وين ابدا؟
محمد: خير اخوي فيه شي....
عمار: انا من كم اسبوع خرجت من السجن..
وعندي 2بنات ومو لاقي شغل ومو قادر اكفل بناتي
وفيه واحد دلني علئ الاستاذ عبدالعزيز بس انصدمت انو توفئ ..
محمد: ايش تبي ب عبدالعزيز؟؟؟
عمار: الرجال قال لي انو يساعد الناس قلت بأخد منو قرض وبأسس لي اي شغل عشان اقدر اعيش بناتي ...
محمد: هاه فهمت...... العفو منك انا ماودي اجرحك او شي بس ايش بيضمن لي انك بترجع القرض؟؟
عمار: والله برجعه اول م أسس الشغل عطول بجمع المبلغ وبجيبه لك والله..
محمد: والله م ادري ايش اسوي..
عمار: الله يخلي لك اولادك ... بناتي الحين منتظريني جوعانيينن ارجوك لاتردني وايديني فاضيه والله برجع لك القرض..
حزت في قلب محمد (الله يخلي لك اولاد )كونه ماعنده اولاد..
محمد: اممممم طيب ... كم تبغئ؟؟؟؟
عمار: عادي عادي اي مبلغ...
اخد محمد دفتر الشيكات وكتب له شيك بقيمه****
محمد: خخد
عمار: مشكور مشكور ياخوي والله مقدر ارد لك هالمعروف مشكوور مشكور الله يحفظ اولادك
وخرج
تحولت ملامح محمد للحزن ومسح وجهه بيدينه وتنهد
.
.
.
.
.
.
.
.
.
.
.
الساعه 12ليلاً
التاريخ 2/1
كانت جالسه بغرفتها ومتمدده عالسرير وتطالع في الساعه : صارت 12 كبرت سنه واهلي مو معي -مررت يدها علئ خدها تمسح دمعتها- اووف شي يقههههر
حاولت تغمض ماجاها نووم
توجهت للشباك وفتحته تطالع في البيوت وفجأه تشوف ضوء صغير من وراء جدار الحديقه والضوء كل مايقرب لباب الحديقه  ضيقت عيونها عشان تشوف الشخص الي بيظهر
شافت حمد يبتسم وبيده كيكه وعليها شموع
ابتسمت وخرجت منها ضحكه تعبر عن فرحتها
عطول خرجت للحديقه وراحت ركض لحمد
حمد: هابي بيرث داي تو يو هابي بيرث دي تو يو هابي بيرث داي هابي بيرث داي هابي بيرث داي يارنيييييم
رنييم وشوي بتبكي: حمممد ، والله ماتوقعت تكوون مننك ، اططللق سبرايز
حمد : لحسن الحظ انك انولدتي ... يلا غمضي واتمني  امنيه وطفي الشمووع
رنيم: يالييييل يالي مثأثر بالافلام هههههههههههههه
حمد: يلا يلا
رنيم: ههههههههههه طيب طيب
طفت رنيم الشمووع وعطاها حمد الكيكه وسلمها هديتها : يلا تصبحي علئ خير
رنيم: بسس كذذا خييير اجلس بنقطع مع بعض
حمد : لا لا مايصير تأخر الوقت وشوفي مافي احد معنا
دفته رنيم برجلها لانه بيدينها ماسكه الكيكه والهديه : اششببك انت اخووي
(انت اخوي )هالكلمه تمووووت حممد
حمد : لا لا يلا انا بروح
رنيم : ايش لا لا يلا اجلس
حمد : رنيم مايصير يلا تصبحي علئ خير وكل عام وانتي بخيير
رنيم: وانت بخيير
توجهه حمد للباب ورجع طالع فيها ولوح بيده وابتسم ومشئ
طلعت رنيم لغرفتها وحطت الكيكه ع الطاوله : اخر واحد اتوقعه يفاجئني حمد ، غريبه ليه فاجئني ؟؟؟؟؟
يديمه بس
فتحت الهديه كانت بلوفر اسود وساعه ذهبيه
رنيم: يالبيييه حبيت ..
.لاحظت رنيم وجود رساله داخل الكيس فتحتها وكان مكتوب:
كل عام وانتي بخير يا أطلق من يكبر ، هابي بيرث داي ياجميله المبسم ، ميلادك ميلاد للأيام الحلوه بحياتي
اسمعي اسمعي ماعلينا من كلام هالميلاد مش عارف ايش اكتب
كل الي بقوله لك انو انا الي قاهرني فكره انو انتي معتبره انو انا اخووك هالفكره مو عاجبتني.....
رنيم انا احببك والله احبك
ودك تعرفي من متئ انا احبك
احبك من اول سنه لنا بالجامعه وانتي مو ملاحظه
رنيم ممكن تتقبلي حبي عادي اذا انتي ماتحبيني عادي انا بخليك تحبيني المهم بكرا البسي هالبلوفر
اكيد الحيين  منصدمه ... هاه منصدمه
رنيييييييمم أحببببببببكككككك..
انتبهيلك💙.
رنيم ماكانت لها اي رده فعل مصدوووووومممه
رنيم: الحيين حممد يحبني ..... ياربييي كييف اسووي
كيف بقابله ؟؟ كيف بحط عيني فعينه؟؟؟ ياربييي ياليتك م اعترفت ياحمد اش ذا ؟؟؟
ضححكت رنيم : اووووووف ياحمد ، الحين منجد يحبني؟؟ هههههههههههههه حبيبي ، رنيم اشبك ايش حبيبي؟؟ (تكلم نفسها)
توجهت للطاوله واخدت الكيكه وجلست علئ السرير وتطالع بالكيكه غطت وجهها بيدينها مستحيه من الموقف  مش عارفه ايش تسوي او ايش ترد عليه
اكلت قطعه من الكيكه وحطتها بالثلاجه ....
ورجعت تمددت في السرير ماجاها نوم تفكر في حمد وفي الرساله كل شوي تضحك مستحيه بعدها جات في بالها إيمان تحسرت وحزنت وخافت عليها ..... اخيراً غلبها النوم ونامت .....
.
.
.
.
.
.
.
صحي من النوم واخد دوش سريع وخرج من غرفته توجهه لجدته : صباااح الخيييير
الجده: صباح النور ياوليدي
عبدالله: وين الباقيين ؟؟
الجده: والله عمك صلاح فطر وخرج هوا وجوكهان ..
عبدالله: وخواتي؟
الجده: والله لساتهم ماصحيوا من النووم
ابتسم عبدالله بشر: يعني وقت المتعه..ههههههههه
الجده: ياوليدي قلوبهم ضعيفه لاتسوي لهم شي
عبدالله: ايش من ضعيفه قلوبهم حجججر
الجده: اجلس اجلس بحط لك فطور
عبدالله: لين وين الخدامه؟
الجده: راحت تجيب اغراض للمطبخ
عبدالله: ليه ماتقول لنا واحنا نجيبهم؟؟
الجده: لااااا ماتحب تحب هي تجيب الاغراض بنفسها
عبدالله: هاه ، طيب بروح شوي وبجي
الجده: لوين؟؟؟
عبدالله: عند ملاذ وسارا..
الجده وهي متوجهه للمطبخ: ههههههههههه لاحول ولا قوه الا بالله..
توجهه عبدالله لغرفه ملاذ لقئ اللحاف بطرف وهي بطرف وشعرها منكوش ومنزله رجل خارج السرير
ابتسم بشر واخد جواله وفتح الكاميرا وصورها كم صوره بحيث انها تظهر بشكل يضحك بعدها صرخ بككل صوته :ححريييييييقققق ملاااااذ حرررررييييييييق قووومي
وملاذ لاحياة لمن تنادي
عبدالله: امممااااا
اخد طرف شعرها ودخله بخشمها وملاذ م كأنه فيه احد يلمسها ..
عبدالله: اوووف اجل ايش اسوي ؟؟؟
جات بباله فكره شريره
طفئ المكيف والمروحه وفتح الشبابيك دخلت اشعه الشمس وصارت ماليه الغرفه وخرج توجهه لغرفه سارا
فتح باب الغرفه مالقاها ع السرير طالع بالغرفه: سارا سارا
لقئ سارا نايمه جنب التسريحه
ضححك غصب عنه : اممااا كييف وصلت لهنا؟؟؟
صورها كم صوره ورجع صور السرير فاضي
وسوا فيها نفس ملاذ طفئ المكيف والمروحه وفتح الشبابيك : راجع لك ياسارا
راح لملاذ لقاها نايمه والشمس فيها لمح قاروره مويا عالطاوله اخدها وصبها كلها علئ ملاذ
شهقت ملاذ ومسحت وجها بيدينها: بسسمم الله عبداللللهه يااااااحييييووووواااااااااااننن والله اوريييك اصبر
ركض عبدالله لغرفه سارا وتخبئ وراء الباب لحقته ملاذ ودخلت الغرفه تصررخ خرج عبدالله من دون ماتشوفه وراح للمطبخ
صحيت سارا من صووت ملاذ:يممممههه اييش صار
ملاذ: ويييين الزززززففففت ذااا
سارا : بسم الله مين ؟
ملاذ : عبددد اللللللههه ويييييننككك ياحيوان ؟-وخرجت-
سارا: اوووف حححر ، دخلت الحمام -اكرمكم الله- اخدت دوش سريع ولبست وخرجت
لقت ملاذ جالسه ع الكنبه وشكلها مبهدل وشعرها منكوش وعيونها حمره وكلها مبلله بالمويا وتطالع في عبدالله بشر وعبدالله متخبي وراء جدته : جده الله يخليك بعديها مني
الجده: مالي دخل ،قلت لك لاتتدخل فيهم ماسمعت كلامي
ملاذ: حششرري ، مين قال لك صحيني؟؟؟؟؟
عبدالله: شفت الوقت متأخر وتعرفين انتي دكتوره وكذا
فقلت اكيد تبغيني اصحيك... واكيد عنندك مواعيد
ملاذ بنرفززه: طيب تصحيني بهاي الطريقه خلصت الطرق يعني؟؟؟؟؟؟
عبدالله: خللص قلنا اسف..
ملاذ: كم الساعه؟؟
الجده: 10 ونص
شههقت ملااذ: بلله؟؟
عبدالله: اي 10و 35 دقيقه..
ملاذ: يااااربييي واعدت البنات الييوم اوووف
وراحت ركككض لغرفتها..
جلسوا سارا وعبدالله ع الطاوله يفطرون وجدتهم راحت لغرفتها
سارا: ااي ايش الي حصصل؟؟؟
عبدالله : ايش؟
سارا: كنتو تصارخون وكذا ..
عبدالله: ايش البرود ذا طفيت المكيف والمروحه عليك وفتحت الشبابيك وماعصبتي؟؟؟
سارا: اصلاً ماكنت نايمه
عبدالله: اممماااا ، يعني قمتي من السرير ورحتي جنب التسريحه وتمددتي وانتي بوعيك يعني؟؟
سارا: جوكهان لما ينام كأنه يحارب عشان كذا صحيت في الليل ورحت جنب التسريحه وقبل ماتدخل بشوي انا صحيت ، ترا شفتك لما صورتني..
عبدالله: هههههههههههههههههههه بلله نفسي اشوفه وهو نايم ، لحظه لحظه اذا كنتي تعرفي اني اصورك ليه ماتكلمتي ؟؟؟؟
ابتسمت سارا بشر: تحسب انك تقدر تهددني بصورتي لا والله ترا انا مصورتك من قبل
اخدت جوالها وطلعت صوور تضضحك لعبدالله وهو نايم
شرق عبدالله بالعصير
عبدالله: كح كح كح ححرام عللييك كح كح كح
سارا:انا لما اصورك يصير حرام وانت لما تصورني حلال؟؟؟
عبدالله: كح كح جيبي مويا كح كح..
سارا: روح جيب لنفسسك
مشئ عبدالله للثلاجه ويحس روحه بتطلع من كثر مايكح اخد له قاروره مويا وشرب نصها ورجع جلس
عبدالله: ايش فيج اليوم منفسه؟؟؟
سارا: جوكهان يبغانا نرجع تركيا...
ملاذ وهيا داخله المطبخ: والله ماتردين الا الاسبوع الياي ....
صبت ملاذ لنفسها عصير وشربته ع السريع : باي باي انا نازله...
طالع عبدالله فيها بصدمه
ناداها عبدالله: ملاااذ ملااااذ
سارا: ايش تبي فيها
عبدالله وهو رايح لها ركض : تبغيها تفشلنا ؟
ركضت وراه سارا: اييش صاير ؟؟؟!!!
لقوا ملاذ تركب سيارتها
عبدالله: ملاااذ
ملاذ: ننععم؟؟
عبدالله: هذا ايش يسمونه وهو يأشر علئ وجهها ؟
ملاذ: بسرعه مستعيله ..
عبدالله: روووجك خرب
انفججررت سارا ضححححك: هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
عبدالله: م استهبل والله عدليه لاتفشلينا
ملاذ : انا بيي البيت وبوريك شي مايعيبك، الحين مستعيله
ركبت سيارتها وعدلت روجها ومشت
سارا: ههههههههههههههههههههههههههههههه الله يقرفك تعرف تنرفزها
عبدالله: مننجد اتكلم روجها خررب بعدين يقولون قريبه سارا وعبدالله ماتعرف تتمكيج
سارا: بلله خلها تسممعك هههههههههههههههههههههههه بططني
عبدالله: ههههههههههههههههههههههههههههههههههههه الحين منجد الموضوع مضحكك؟؟؟
سارا: اييي ، شكراً والله لانك خليتني اضححك كنت متنرفزه
عبدالله: احم احم لاشكر علئ واجب
سارا: يلا انا طالعه لغرفتي
عبدالله: وانا بخرج تبين شي؟؟
سارا: سلامتك
عبدالله: باي
.
.
.
.
.
.
.
.
.
.
.
.
.
كانت كل وحدا متوجهه لنفس المكان بسيارتها اتصلت ملاذ اتصال جماعي(مشاعل، ليلئ، مرام، ايمان وهي)
ملاذ: الوو ، وينكم؟
مشاعل:  انا بالسياره جايه
مرام وليلئ مع بعض: وانا برضو
إيمان : انا قربت
ملاذ: وانا قربت ، خلاص خلونا نسكر ..
(في الشاليهات)
وصلت اول شي ايمان
بعدها ملاذ
بعدها مرام ومشاعل
واخيراً ليلئ
ملاذ: كلمتوا الرجال الي بييي بيزين المكان ؟؟
مشاعل: اي انا كلمته اكيد شوي وبيوصل
ايمان: انا جبت اشياء في السياره احد يجي يساعدني
ملاذ: يلا انا بيي معاج سيري
ايمان : يلا
مشوا ووصلو للسياره فتحت ايمان السياره واخدت الاكياس واعطتهم ملاذ واخدت اكياس ثانيه ومسكتهم بيدينها
ملاذ: ايمان انتي بخير؟؟
ابتسمت ايمان: اي بخير
ماحبت ملاذ تتدخل بحالها كثير
ملاذ: يلا
حطوا الاغراض في الارض
ايمان: انا بروح اذا جاء موعد الحفله بجي
مشاعل: خيير
ايمان: عشان ماجبت ثياب او شي بروح بتجهز في البيت...
ملاذ دام انها دارسه علم نفس فهمت انها تكذب بسبب حركات يدينها وعدسات عيونها الي كل شوي تتحرك
مرام: مو احنا اتفقنا انو نتصلح هنا مو قلنا انو كل وحده تجيب اغراضها
شتت ايمان نظرها: اي نسيت
ملاذ: خلاص خلوها فحالها
رن جوال ايمان
ايمان : الو
منال: يلا وينك؟؟
ايمان : طيب الحين جايه ، وين بلاقيك؟
منال: انا قريب من المشفئ
ايمان: هاه يعني تحركتي؟؟
منال: اي
ايمان: خلاص جايه..
منال: تمام  ، باي
مشاعل: وين رايحه؟
ايمان: قلت لك بروح بتجهز
مشاعل: مكالمتك ماتدل علئ كذا
ملاذ: خلاص بنات يكفي...
ايمان: برجع.... صح ملاذ كلمتي اهلك يجون للحفله؟؟
ملاذ: اي قلت لهم ..
.
.
.
.
.
.
.
.
موعد الحفله.....
كانت ايمان منتظره رنيم بالسياره اوووف وينها تأخرت
فتحت رنيم باب السياره : معليه تأخرت
ايمان: راحت علينا الملكه....
رنيم: والله مش متوقعه انو ساره رح تملك اليوم..
غريبه نادتني مع انو انا وياها مانتفق
ايمان: ...........
رنيم: تعبتي؟؟
ايمان: شوي
رنيم: انا نسيت انو اليوم بتبدأي بالعلاج الكيماوي ...
ايمان: صار خيير .... المهم انا الحين بخير
شتت رنيم نظرها ماتحب تشوف ايمان كذا ضعيفه...
وصلوا للشاليهات
كان مكتوب علئ البوابه H.B.D
استغربت رنيم : الحين هاذي ملكه ولا ميلاد
طنشتها ايمان ودخلت ... دخلت وراها رنيم
لققت كل اصحابها  وصحباتها بالجامعه وعمها محمد وفاطمه وحصه كل كل الي تحبهم شافتهم حتئ ملاذ فررحت لما شافتها
الكل : هابي بيرث داي تو يو هابي بيرث داي تو يو هابي بيرث داي هابي بيرث داي هابي بيرث دي تو يو
صارخو كللهم ورنيم دمعت عيونها
رنيم: حبايبي والله شككررا شكككرراااااً
توجهت رنيم للطاوله وغنو لها ونفخت علئ الشموع وقطعت الكيك وحطوا اغاني وجلست علئ طاوله هي وصحباتها
رنيم: ياربي قد  ايش مبسوطه
مشاعل: افررحي افررحيي
بعدها كل شوي اخد يجي يهنيها بمولدها
لين تقدمت ملاذ و وراها سارا وعبدالله
ملاذ: سلام بنات اعرفكم علئ عيال خالتي..سارا بنت خالتي ، سارا هاي رنيم ومشاعل وليلئ وايمان ومرام
مدت سارا يدها تسلم عليهم...
طالعت ملاذ ب عبدالله الي وراها وعطتها نظره تقول تقدم
تقدم عبدالله.
ملاذ: هذا عبدالله اخو سارا
البنات : تشرفنا
مد يده عبدالله يسلم عليهم سلم علئ رنيم الاولئ لانها علئ يمينه
كانت رنيم تتذكر كلام ملاذ : ركزيي زين هوا سوا عمليه تجميل....
عبدالله: عفوواااً رنييم يدديي
عبدالله كان يبغئ يسحب يده بس مو قادر رنيم ماسكتها وتطالع فيه....
.
.
.
.....
.
.
.
.
ايش رايكم بهالفصل؟؟
اعطوني توقعاتكم ولاتحرموني من تصويتكم ولاتنسوا انكم سبب نجاح الروايه💙
اللهم صل وسلم علئ محمد🌸💙.
لم اكن اتوقع بأن سيكون لنا لقاء......
الكاتبه : هيهات.