لم أكن أتوقع بأن سيكون لنا لقاء
الجزء الثاني من الفصل العشرون والأخير
بعنوان(خيبة!)
___________________________________
مكالمة هاتفيه:
___________
:رنيم حيوانه ابغى نجتمع عندي لكم خبر
رنيم:تمام بعد صلاة العشاء تعالوا للقصر
:وينك انتي؟
رنيم:انا بالسياره معاي مشوار، اسمعي اتصلي عالبنات وتعالوا انا ساعه وكذا راجعه
ليلى: تمام الحين بتصل عليهم
رنيم:يمكن ايمان ماتجي، اشرايك اذا مابتقدر تجي بنروح لها نحنا
ليلى: تمام بشوف
رنيم:اذا قررتوا ردوا لي خبر
ليلى: تمام مع السلامة
رنيم: سي يو
وصلت رنيم جنب المكان المطلوب طلعت من السيارة ونسمة هواء باردة مرت قشعر بدنها مشيت وجلست بالكراسي قبال البحر تطالع البحر هايج ممكن نقول غاضب ابتسمت عاجبها المنظر دقايق و وصل حمد
يدور عليها مالقاها التفت للوراء وجات عيونه في عيونها انصدم وهيا ضحكت قرب حمد وهو موسع عيونه :رنيم!!!!!!!!!!
رنيم:ايه رنيم بنفسها
حمد: مَ م متى، من متى؟؟؟؟؟؟
رنيم: اشرايك؟؟؟
حمد: تجنني وربي تجنني
ضحكت رنيم : شكراً
حمد كان يتأمل ملامحها وهيا بالحجاب حسها اتغيرت : لايق عليك الحجاب والله
رنيم: خلاص عاد ترا استحي
حمد:ناديتيني عشان توريني شكلك بالحجاب ولا؟؟
ضحكت رنيم:حمد ياحيوان لا
ابتسم حمد:اجل؟؟؟
وطت رنيم راسها بالأرض :عشان اقولك شغله
حك حمد دقنه: ايت شغله؟
تلعب رنيم بخاتمها:ادري تأخرت كثير بس حان الوقت
ابتسم حمد وكأنو عرف وش بتقول :قولي طيب
طالعت رنيم فيه ورجعت طالعت في يدها
حمد مسوي بارد وهو من داخل منتظرها تقول على نار
رنيم: انا ءءاا انا
حمد: وش فيك؟
رنيم : طيب لاتطالع فيني
ضحك حمد وعدل جلسته وناظر بالأرض بعد ماكان متكي ويناظر فيها :هاه خذي راحتك
تأملت رنيم ملامحه وهو مبتسم للحظه بعدها نطقت: انا أحبك
اختفت ابتسامه حمد وهيا زاد توترها
صمممت عم المكان!
منتظرته رنيم يقول شي وهو ساكت بس يطالع بالأرض
اتكلمت رنيم:حمد؟؟
طالع فيها حمد لقت الدموع متجمعه بعيونه
خافت رنيم :اشببك؟؟
ابتسم حمد: ولاشي بس احبك اكثر
ابتسمت رنيم وطالعت بالأرض
وقف حمد ومسح وجهه:امشي امي تبغا تكلمك
وقفت رنيم عطول انخرشت: ايييششش؟؟؟؟
حمد :امي تبغا تشوفك!
رنيم:خيير وش تبغا!!
ابتسم حمد:بتشوف ام احفادها المستقبليه
رنيم: امشي امشي انا مواعده البنات قلك ام احفادها
حمد: اعوذ بالله من شوي كنتي كيوت الحين طلعت شياطينك!!
ضحكت رنيم: امشي تأخر الوقت
حمد: شوفي الناس يمشون وش الي تأخر الوقت؟
رنيم: مواعده البنات أنا
حمد: امشي بوصلك طيب
رنيم: لا جيت بسيارتي
حمد: ياخي ابغا اقعد معاك
ضحكت رنيم: مرة ثانيه ان شاء الله
حمد: اووف ذولا صحباتك من اول يخطفوك مني
رنيم: حمد لطفاً خلينا نمشي
حمد بطفش: يلا بس امشي امشي
مسكت رنيم بسلسله شنطتها ومشت ومشى وراها كل واحد ركب سيارته
اشر لها من بعيد بمعنى مع السلامة
وهيا رفعت يدها بمعنى مع السلامة
رنيم للحين قلبها يرجف وماعرفت من وين جاتها الجرأة أصلاً
وحمد للحين جمله انا احبك راسخه في عقله بصوت رنيم ومن الفرحه يحس الدنيا مش سايعته
اتصلت رنيم على ليلى بعد ماشافت كميه المكالمات منها الي تخوف، عشان تعرف وش اتفقوا عطول من اول رنه جاها صوت ليلى وهي تصرخ : بدري ماشاء الله
وخرت رنيم الجوال من اذنها وفتحت السبيكر وتكلمت :خير تصرخين بأذني؟؟
ليلى:من اول ادق عليك ماتردين
رنيم:قلت لك رحت مشوار انشغلت
جاها صوت إيمان: مشغوله ولا مع حبييب القللب؟؟؟
رنيم: حيوانه مسرع ماقلتي لهم
مشاعل: تحسبين مانعرف ترا من اول ملاحظين
ابتسمت رنيم وحاولت تغير الموضوع :وين انتم؟
ليلى: في بيت إيمان
رنيم: وين مرام مااسمع لها صوت
طالعوا البنات في مرام الي جالسه وسرحانه
دفتها مشاعل من السرير وطاحت عالأرض
مرام بصراخ: اشفييك انتي مرييضه؟؟؟؟
ضحكت رنيم:حرام وش سويتوا فيها؟؟
مشاعل:من اول سرحانه لو انتي ماجيتي كان افضل
استغربت رنيم مرام ماتسرح وتفكر الا اذا صار معاها شي
رنيم : بنات انا علي وشك الوصول بقفل
ليلى: تمام
قفلت رنيم وقعدت تفكر بمرام لين وصلت
دخلت بيت إيمان بعد ما استقبلها الخادمه طلعت لغرفه إيمان فتحت الباب تو بتسلم عالبنات جاها اتصال طالعت بالشاشه مكتوب عمي محمد ردت عليه
محمد: الو رنيم
رنيم: هلا عمي محمد
كانوا البنات يطالعون فيها مستغربين مصدووومييين ولاوحده تحركت وهيا نست انها لابسه حجاب وماشافت ملامح البنات كانت منشدهه مع المكالمه
رنيم: انا عند إيمان
محمد: تقدري تجيني الحين؟ انا وحصه في القصر
رنيم: طيب عمي محمد انا تو وصلت بقعد شويه وبجي تمام؟
محمد: تمام خذي راحتك
رنيم: يلا مع السلامه
قفلت رنيم وطالعت في البنات لقت إيمان تدمع عيونها ومشاعل فاتحه فمها ومرام موسعه عيونها وليلى جايه عندها وتطالع بصدمه
رجعت رنيم خطوتين للوراء: بسم الله اشبكم؟
حضنتها ليلى وبكت: رنيييم
رنيم: خير شسالفه
بكوا البنات ورنيم مصدومه: بنات اشبكم؟؟؟؟
وخرت ليلى عنها : اشبك اشفيكم؟؟؟؟؟
قاموا البنات عندها وحضنوها
رنيم : ياليييييييل وخرواا عني اشبكم؟!!!!
إيمان : مبرووك ياروحي
دفتهم رنيم عنها : لحظه لحظه تبكون عشان موضوعي انا وحمد والغبيه ذي تقول مبروك؟؟؟
مسحوا البنات دموعهم اتكلمت مشاعل: يبقره متى لبستي الحجاب
رنيم: هه هههه ه هههههههههههههههههههههههه تبكون عشان ذا؟؟؟
إيمان: اي اي طلعتي حلوه
أبتسمت رنيم بحزن: كانت امي تتمنى انو انا البس الحجاب وحققت امنيتها
حزنوا البنات عليها بعدها بدأو يضحكوا ويباركوا لها
وهيا فرحت معاهم وبعدها جلسوا
ليلى: جمعتكم عشان اقولكم موضوع
مشاعل: خلصينا
ليلى بفرح :زواجي الأسبوع الجاي
إيمان: حبيبتي مبرووك
ليلى: يبارك فيك
مشاعل: مبروك، عساك مبسوطه مع عبدالله؟
ليلى: ايه الحمدلله
رنيم: مبروك ياروحي
ليلى: يبارك فيك وعقبالك (وغمزت لها)
ضحكت رنيم بعدها طالعت في مرام الي باقي سرحانه
حطت رنيم يدها علي يد مرام: اشبك؟
وقفت مرام وصرخت: يُمممه اااا
تفاجئو البنات
رنيم: بسم الله وش فيك؟
غطت مرام وجهها بيدينها وبكت
طالعوا البنات في بعض بأستغراب
وقفت رنيم قبالها وحضنتها: ههششش هششش ياروحي
مرام لازالت تبكي
رنيم: اشبك مرام ايش صار؟؟
مرام كانت تبغا تتكلم بس ماقدرت تبكي وتشهق
قامت ليلى واعطتها قاروره المويا تشرب
شربت مرام وليلى تهديها وتمسح على شعرها
سحبت رنيم مرام وجلستها عالسرير : اتكلمي وش صار؟؟
طالعوا كلهم بمرام ينتظرونها تتكلم
مرام وهي تمسح انفها : تذكرون ولد خالي الي خطبني؟
مشاعل: ايه نذكره وش فيه
إيمان : غصبوك عليه ولا؟؟
مرام: اتحرش فيني
صرخوا البنات: ايييش؟؟؟؟؟
نزلت دموعها ومسحتهم: ابغا انتقم منه
إيمان بخوف: وش تنتقمي منه ارفعي قضيه عليه
مرام: ع اساس الكل بيوقف معي ماشاء الله
رنيم: نحنا بنوقف معاك اكيد
مشاعل: اكيد مادياً ومعنوياً
مسكت مرام رأسها :لا لا مو كذا تخيلي اهلي مايصدقون وكلهم صاروا ضدي و وقفوا معاه؟؟
ليلى: اقولك مايقدر
مرام: انتم تعرفون له نفوذ مارح تنجح القضيه هوا بيكسبها اكيد
سكتوا البنات يفكرون
إيمان: وش بنسوي؟؟
مرام: ابغى اكسره
رنيم: نغذر فيه مثلاً؟
مشاعل:دواه عندي الحقير، هاتي رقمه
مرام: وش بتسوين
مشاعل: بغريه بكم كلمه وحجيبه مكان مهجور ونحنا بنتغطى وبنضربه
مرام : ههههههههههههههههههههه قويه، خير في فلم نحنا!!
ضحكت إيمان: اشبها ذي!!
طالعوا البنات في بعض وضحكوا
مشاعل:خييير! وربي فكره حلوه
رنيم: حلوه الفكره بس مو نحنا الي بنضربه
ليلى: مين طيب؟
رنيم: بنستأجر رجال
إيمان: ذولا يحسبونا في عالم بوليود ولا
ضحكت مرام: حلوه الفكره بس منين نجيبهم؟
رنيم بتذكر: امس رحت كافيه والناذل الي قدم لي القهوه في يده ورقبته وشم واضح جوه هذي الشغلات
بنعطيه مبلغ محترم وهوا بيتصرف معاه
مرام:كل من فيه وشم يعني جوه هالحركات؟
ضحكت رنيم: مدري نجرب حظنا
مشاعل: هاتي رقمه اغريه لمده كم يوم
طلعت مرام جوالها فتحت القائمه السوداء واعطتها الرقم
مشاعل: الحين ادق؟؟
رنيم: انا لازم اروح عمي وعمتي بالبيت عيب والله
مشاعل: تمام انتي انقلعي ونحنا بنغريه الكلب ذا
ضحكت رنيم وتوجهت للمرايا تعدل حجابها طالعت فيها إيمان وابتسمت
ودعتهم رنيم وطلعت
مرت غرفه آمال سلمت عليها ونزلت في الدرج التفتت لما سمعت صوت إيمان تناديها
قربت إيمان منها وحضنتها بادلتها رنيم الحضن وابتسمت
إيمان : انا فخوره فيك
ووخرت عنها طالعت رنيم فيها وابتسمت: احبك انتبهيلك تمام
إيمان: تمام ولايهمك وانتي بعد
رنيم: ان شاء الله
.
قال تعالى في سورة النّور الآية 31 :(وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ )، فالآية الكريمة تبين أنه على المؤمنات أن يضعن الخمار الذي ينسدل من أعلى الرّأس ليغطيه ويغطي النّحر، والخمار من خمر الشّيء أي غطاه، لذلك سمّي الشّراب المسكر خمرًا.
أنت تقرأ
لم أكن اتوقع بأن سيكون لنا لقاء.
Romanceتتحدث الرواية عن فتاة تفقد جميع أفراد عائلتها في أنفجار مُفاجئ بداخل الطائرة، كيف ستكمل باقي حياتها بدونهم؟ ومالمعاناة التي ستلحق بها؟ وهل ستلتقي بأحد منهم؟ لم أكُن أتوقع بأن سيكون لنا لقاء الكاتبة : هيهات لاأستبيح النقل دون ذكر المصدر وأسم الكاتبة.
