لم أكن اتوقع بأن سيكون لنا لقاء.

الفصل الثامن (رسمه وألم)

لم اكن اتوقع بأن سيكون لنا لقاء (الفصل الثامن)
بعنوان(رسمه وألم)
إذا أردت أن ترسُم لي لوحة فنية،لاتنسى أن ترسُم فوق عيناي غيمتان وكأنها تلقي بظلهُما تحتهُما ...
ــــــــــــــــــــــــــــــــــــــــــــــــــــــــــــــــــــــ
كانت تغني بس ماتقصد احد بأغنيتها : حبه جنه انا عشت فيها قربه فرحه حلمت بيها دا الي بيه احلو عمري ذا الي انا ه ادي له عمري ياما ليالي بستنئ لو وءءااه
فتحت باب سيارتها وهي مستناسه لان رنيم خرجت من غرفتها الباقي بيكون سهل عليها حركت السياره وهي مبتسمه : قالي انتي مش قد الهوى سيبي الهوى لناسو ..رن جوالها وفتحت السبيكر : الووووو
: هلا ملاذ ؟؟
ملاذ: نعم مين وياي ؟؟
: ممكن نتعرف ؟؟
ملاذ: انت فاضي ، باين باين فاضي!!
: احبك
توسعت عيون ملاذ بصدمه وعطول سكرت من المكالمه
: هذا اكيد واحد فاضي ويبي يلعب وياي
رن جوالها معلن عن وصول رساله فتحت ملاذ الرساله وكان محتواها: ابغئ اجي اخطبك بس مين اكلم اهلك متوفيين اكلم جدك ابو امك او اكلم عمك صلاح ؟؟؟؟
كلمتين بس قلبت مزاجها رجعت بها خطوات للماضي (اهلك متوفيين) ،...
كتبت ملاذ : مين انت ؟؟
اتصل وهي جنبت السياره بكل نرفزه وردت: سيره اهلي لاتييبهم علئ لسانك مرا ثانيه واحد وسخ مثلك مايسوئ ظفري ومستحيل اقبل فيك ، واذا اتصلت ثاني بتشوف شي مايعيبك مافتحت له مجال يحكي عطول سكرت. تنهدت وسندت راسها وخانتها دمعه : كله بسببك يا يبه.
شغلت السياره ثاني وصلت للقصر وهي داخله رن جوالها عرفته نفس الرقم : هذا يبي له تربيه من يديد ..ردت.. : خيييييير
: هههههخههههههههههههههه بموت متتت متتت خلاص بطني توجعنني
ملاذ: عفواً ؟؟؟؟؟؟؟؟؟؟؟؟
وهو يضحك: اقول من بيجيني للمستشفئ اتصل علئ عمي صلاح مايرد؟؟؟
ملاذ وبشك: لحظه لحظه ، عبدالله؟؟؟؟؟
: اي ، طفشت من ريحه المستشفئ.
ملاذ: ياحيواااان ياكلللب انا اورييك رووح مابساعدك انت تسوي فيني مقلب ، طيب طيب ايلس يوم كامل ومحد بييك سكرت منه وهي مكشره جلست في اقرب كرسي في الحديقه تأخد نفس وبعدين لازم تدخل عند رنيم وهي مبتسمه ومروقه.
ـــــــــــــــــــــــــــــــــــــــــــــــــــــــــــــــــــــــــــــــــــــــ
*نرجع خمس ساعات لوراء:*
: دكتور ،هاه قول لي كيف الحين؟؟؟
الدكتور بحزن: خلص مافي امل انه يتعالج..
بحزن: كيف مافي امل؟؟؟؟؟
الدكتور: نترك امره لله الحين لاشوفه اهله بترجع ذاكرته ولا شي ثاني بكتب له ادويه حق الصداع واتمنئ ربي يشفيه..
صلاح: الحمدلله
الدكتور: اظن لازم يبدأ صفحه جديده.
صلاح: الله يعينه.
*نرجع للواقع*
: اوووف ، طففش ، دكتور خد جوالك مشكور.
صلاح:السلام عليكم..
عبدالله: اخييييييراااً طففشت
صلاح : وعليكم السلام، كم مرا اعلمك ان رد السلام واجب؟؟
عبدالله: اسفف ، بس تأخرت واتصل عليك مغلق.
صلاح: اي ، جوالي طفئ،اتأخرت عشان وديت الشنط لبيت جدتكم ، يلا خلنا نخرج.
عبدالله وهو يقومم من السرير: يلا يلا.
ـــــــــــــــــــــــــــــــــــــــــــــــــــــــــــــــــــــــــــــــــــــــ
: يبه ، ترا والله مرا جوعانه..
: اي وانا برضو بطني توجعني..
: طيب يابناتي طيب خلو الصباح يجي ويصير خير..
: يبه مقدر من امس م اكلت شي..
: انشاءالله يابنتي بكرا ح دور شغل وبجيب لكم اكل ،بس نامو الحين .
تمددو ع الارض كانت الغرفه فاضيه مافيها ولا ديكور ولا اثاث كل ماتكلموا صدئ صوتهم يرجع لهم
عمار: ليه يابناتي ماجلستوا في الميتم لين م نضبط وضعي ، شوفو كيف البيت ومافي اكل .
رغد: لا يبه احنا مانقدر نجلس اكثر من كذا بالميتم.
غدير:اي والله مانقدر اشتقنا لك..
عمار :خلاص يابناتي ناموا وبكرا يصير خيير
التفت عمار للجهه الثانيه وقال في نفسه: هدئ ، مالي غير هدئ الي بتساعدني ، انشاءالله بس تساعدني.
ـــــــــــــــــــــــــــــــــــــــــــــــــــــــــــــــــــــــــــــــــــــــ
:صباح الخييييير
رنيم وهي مبتسمه: صبااح النور.
ملاذ: اخبارج حبيبتي
رنيم: احسن..
ملاذ: قومي غيري ملابسج اليوم بتكون يلستنا في الحديقه..
رنيم: انا مرتاحهه هنا..
ملاذ: انا ماآخد رايج انا اعطيج اوامر ، يلا قومي..
توجهت رنيم للدولاب واخدت بلوزه سودا بأكمام طويله وبنطلون اسود وجاكيت جلد اسود ..
ملاذ: خييير ، ايش اللبس ذا وين رايحه ، بعدي بعدي خليني اختار لج..
تفاجأت رنيم لان ملاذ طاقه الميانه مررا
توجهت ملاذ للدولاب واخدت بلوزه باللون الاحمر وجينز ازرق وجزمه بيضاء : البسي ذا ..
اخدت رنيم الثياب وتوجهت للحمام لها 3 اشهر تلبس اسود بسس لبست وخرجت لملاذ
ملاذ: تعالي تعالي توجهت ملاذ للتسريحه: تعالي حطي شويه ميكب ..
رنيم: لا والله انا كذا مقتنعه ..
ملاذ : حطي روج بس..
رنيم : لا لا -قربت رنيم - برسم حواجبي بس..
رسمت حواجبها ورفعت شعرها ذيل الحصان كانت بسيطه ملامحها الجميله مايحتاج تحط لها مكياج ..
خرجوا من الغرفه وتوجهوا للمطبخ .
رنيم: كالا حبيبتي اناخارجه..
كالا وهي فرحانه : تمام تمام انتبه كثيير هاه.
رنيم: طييب
توجهوا للباب فتحت رنيم الباب لقوا محمد جاي لهم يمشي بالحديقه خرجوا سلمت رنيم عليه وهو ابتسم لأنه شاف مودها تغير
محمد: هلا والله بالغاليه..
رنيم: اهليين فيك عمي ، كيففك..
محمد: الحمد لله يابنتي انتي كيفك
رنيم: والله احسن من قبل ..
محمد: الحمد لله ، ملاذ كيفك يابنتي
ملاذ: الحمدلله زينه.. وانت ياعمي كيفك
محمد: والله بشوفه رنيم بخير
ابتسمت رنيم بحزن (كلامه وتصرفاته واسلوبه نفس ابوها)
طالع محمد بالاكياس الي معه وبعدها طالع برنيم : تعالي نجلس جبت لك شي..
توجهو للكنب الي بالحديقه وجلسوا فتح محمد الاكياس وبعدها صف 3 جوالات ع الطاوله : رنيم اختاري لك ..
ابتسمت رنيم وعطول توجهت عينها للآيفون : بأخد ذا
محمد: اوكي هاتي ادخل لك الشريحه واضبطه لك اخد الجوال وركب الشريحه وسجل رقمه واتصل علئ رقمه عشان يسجل رقمها وعطاها الجوال :بدخل لكالا لأن اليوم كلنا بنجي عندكم للعشاء وتقول تبغئ حاجات..
رنيم: تمام -طالعت بملاذ - واحنا بنخرج
حطت الجوال بجيبها ومشيوا...
كانوا يمشون والحديقه مو بعيده من بيتهم قريبه منهم كانت رنيم تمشي وتتحاشا النطر لبعض الطرقات تذكرها بأخوانها لما كانوا يلعبون مع بعض وصلوا للحديقه وجلسوا علئ اقرب كرسي ..
ملاذ: اعطيني رقمج..
رنيم : مدري ، ايش هوا انتي هاتي رقمك وانا بتصل عليك..
ملاذ : طيب -عطتها الرقم - ورجعوا طالعوا للعوايل والاطفال كيف يصارخوا ويلعبون ويضحكون ..
رنيم: تضايقت ، خلينا نرجع للقصر
ملاذ هالمرا ماحبت تضغط عليها : يلا..
رجعوا للقصر كانت رنيم متوجهه للكنب الا ونادتها ملاذ
طالعت فيها لقتها تفسخ جزمتها
رنيم ب استغراب: ايش تسوين ؟؟؟؟
ملاذ ب ابتسامه: تعالي تعالي -مشت ملاذ ع العشب وهي مبتسمه- لما تمشي ع العشب وانتي حافيه العشب يمتص الطاقه السلبيه..
رنيم: بالله..
ملاذ بحماس : اي والله تعالي جربي ..
فسخت رنيم جزمتها وراحت جنب ملاذ يمشون جنب بعض بعدها جلسوا كانت رنيم مرتاحه والراحه باينه علئ وجهها وابتسامتها .
ملاذ : رنيم حابه تقولين شي؟؟
طالعت فيها رنيم وهي مبتسمه: لا
ملاذ: تبين ترتاحين اكثر؟؟؟
رنيم: فيه راحه اكثر من كذا(مع انه فيه لسا جواتها جرح كبير ولسا م انجبر).
ملاذ: تعالي نتمدد ع العشب ونطالع الغيوم اذا قرب وقت الغروب نروح نشوفه .
رنيم بحماس : يلا يلا..
تمددو ورنيم مبتسمه ..
ملاذ: شوفي هالغيمه شكل قلب
رنيم: لا شوفي هناك سياره
ملاذ: وويي سبحان الله شكل سياره..
رنيم: طالعي طالعي
ملاذ : ويين؟؟
رنيم وهي تأشر للغيمه: شوفي الشكل غريب
ملاذ : ويين؟؟ طيب اي شكل
رنيم: مدري اي شكل بس المهم انه شكل..
طالعت فيها ملاذ وهنا ملاذ ماقدرت تمسك ضحكتها : هههههههههههههههههههههههه-جلست وهي تنفض ثيابها من العشب وقالت وهي تقلد رنيم- مدري اي شكل بس المهم انه شكل هههههههههههههه بطنيي..
رنيم: ايش فيك قلت شي غلط ..
ملاذ: الحين انتي مكمله جامعه وماتعرفين الاشكال..
رنيم: وجعع ، بس والله هالشكل اول مرا اشوفه -طالعت في السماء- اممااا وييننوو؟؟؟
ملاذ: ههههههههههههههههههه الشكل ؟؟
رنيم : اي وينو؟؟
ملاذ: هههههههههههههههههه قومي قومي لايفوتنا الغروب ..
قامت رنيم وهي لازالت تطالع السماء: كان هنا..
ملاذ : سيري سيري.
رنيم : يلا جييت.
.
.
.
.
.
.
كان يدق الباب وقلبه يرجف مايدري كيف يطالع فيه بعد الي صار..
ثواني الا وانفتح الباب
: عمااااار!!!!!!!!!
عمار: ءء سلام ..السلام عليكم.
هاني: وعليكم السلام تفضل تفضل..
دخلو وتوجهوا للصالون وجلسوا ع الكنب
هاني : كيفك ؟؟؟؟؟
عمار: الحمدلله ماشي الحال
هاني: عمار فيك شي ؟؟؟
عمار: والله انا جيت ومعاي لك قصه..
هاني: قصه؟؟؟؟؟
عمار: اي وياريت تسمعني للنهايه وما تقاطعني
هاني: قول وانا اسمعك.
عمار : طيب ، هدئ قالت لكم انه انا انسجنت لأن علي ديون؟؟
هاني وبغضب: اي (بس ممكن لو سمحت لاتجيب سيرتها)
عمار: اصلاً القصه عنها..
هاني وهو مكشر: كمل كمل
عمار وبخجل: انا م انسجنت لأن علي ديون انا انسجنت لأني كنت اضرب هدئ..
صح هاني يكره هدئ بس تضل اخته اكيد بيتنرفز لانه احد يضربها: م ابغئ اقاطعك كمل
عمار: مره كنت اضربها بالحديقه وجاري شافني وانا اضربها واشتكئ وطبعاً الدليل العلامات الي في جسم هدئ.
هاني: طيب ليه هدئ م خبرت نحنا..
عمار ودموعه بعيونه: هدئ كانت حامل..
هاني: ايييشش؟؟؟
عمار وهو يبكي: وين هدئ؟؟؟؟؟
هاني : من بعد ماطلقتها فيه واحد تقدم لها واحنا رفضناه وبعد كم يوم هربت معه، عشان كذا انا اكرهها..
عمار:عطول بعد الزواج يعني كانت تحبه وهي متزوجتني ..؟؟؟؟
هاني: لا لا بعد شهرين يمكن..
عمار: طيب ماتعرف شي عنها ،انا ابغاها ضروري..
هاني: لا والله انا تبريت منها..، ايش تبغا منها..
عمار: قبل مانتطلق انا وهيا عملنا حساب بالبنك هيا حطت مبلغ وانا برضو حطيت انا نسيت كلمه السر وانا الحين محتاج هالمبلغ ، توني خرجت من السجن وعندي توأم ..
هاني: انسجنت مرا ثانيه؟؟؟؟
عمار وهو كاره نفسه: اي ، بعد م خرجت من السجن تزوجت وبعدين صرت اسكر وفي يوم من الايام ضربت زوجتي لين ماتت وبناتي التوأم حطوهم في الميتم وانا انسجنت (وهو يبكي) خلاص انا تبت ابغا اربي بناتي مالهم غيري واحنا من امس م اكلنا ارجوك لو عرفت شي عنها قول لي انا محتاج هالمبلغ..
هاني : لحظه تذكرت، قبل ماتروح هدئ حطت ظرفين واحد عليه اسمي والثاني عليه اسمك الي عليه اسمك مافتحته
عمار ب إمل: ويينه؟؟
هاني: مدري وينه بس بدور عليه ، لحظه شوي ...
عمار : طييب
ربع ساعه ورجع هاني
هاني: اعذرني مالقيته بس بدور عليه اكثر هات رقمك اذا لقيته بتصل عليك ..
عمار : طيب
.
.
.
.
.
.
.
نرجع 17سنه للماضي الاليم...
الساعه 3 الفجر..
: س س سميييررهه
سميره: نععم؟؟
فضل: جيبي الزجاجه الي ع الطاوله..
سميره: يكفي لين متئ وانت تشرب؟؟
فضل: ايش لك، هاتي يلا...
سميره: اوووف ،طييب -وبهمس- سكير..
فضل: ايش قلتي؟؟؟
سميره: ماقلت شي ، خد
فضل وهو يأخد منها زجاجه الخمر: سمععتك!!
سميره: طيب -وراحت- .
توجهت سميره لغرفه بنتها ونامت جنبها..
فضل: سمييييرره
سميره بهمس: اووف ايش يبغئ ذا
فضل: سمييرررره
سميره: جايه جايه ، ايش تبغئ؟؟؟
فضل : اجلسي عندي
سميره: بنام
فضل: قلت اجلسي عندي
سميره: قلت لك بنام عشان اقدر اصحئ بدري وآخد ملاذ المدرسه..
فضل: يعني ملاذ اهم مني
سميره: اكييد
فضل: هالـ*#*#*#* اهم مني هااه؟؟؟
سميره: احترم نفسك بنتي اشرف منك..
فضل: وبرضو لسان طوييل؟؟؟
سميره: بنام التفت بتروح الا فضل قام لها ومسكها من خصرها وحط يده علئ فمها
فضل: شكلها العلامات الي بجسمك راحوا عشان كذا لسانك طوول
سميره مو قادره تتكلم بس موسعه عيونها وشوي بتبكي
فضل: ايش رايك اسوي لك حروق جديده ؟؟؟
امممممم طيب ايش رايك احرق لسانك عشان ماتقدرين تردين عللي؟؟؟؟
بكت سميره وهي تهز راسها بالنفي
مسك شعرها وجرها للمطبخ وهي تصرخ ب أعلئ م عندها