ذهب مع الريح

البارت السابع عشر

ذهب مع الريح

البارت السابع عشر

للكاتبه يقين

سمر:- كلما اروح للدوام احس احد يمشي ورايه واكثر من مره اول مااطلع الكه سيف ببابهم ومن ارجع نفس الحاله صرت احسه مراقبني بعيونه وبحركاته بس ليش ماادري بس اني حيل ارتاح من اشوفه واتفقده يوميه موجود لو لا ومااعرف ليش ابتسم من اشوفه وافرح كلش

سيف :-اول مره شفت بيها سمر ولحد اليوم يوميه رجلي تأخذني للباب انتضرها ولمن تطلع اضل امشي وراها اخاف احد يجي يباوع عليها لو يأذيها تصرفي مااعرف شنو معناه بس المهم اشوفها ومن اشوفها اطير من الفرحه يمكن حب واصلا مو يمكن اكيد حب اي اني احب سمر حيل واعشقها هم واتمنى اخطبها بس الا الكه شغل واكون نفسي يله بعدها هسه صغيره

فهيمه :-جنت رايحه مسيره عند ناس اقاربنه وسمعت انو مريم انخطبت كيفت اني اريد يتزوج همزين خلصت من البومه بس يجي اكله واخلي يتزوج غصباً ماعليه

علي:- اجيت للبيت اول مادخلت تلكتني امي

فهيمه:- يمه علاوي تعال اريد احجي وياك كم كلمه بس حباب يمه بدون عصبيه وبدون مشاكل

علي :- فضيها احجي خلصيني  شكو ياستار شعندج اليوم

فهيمه:- يمه اليوم جنت مسيره بيت ابو محمد وجاي نسولف وكالو سمعنه من بيت اخو رسميه مريم اتزوجت

علي :- كمت كمزت ع حيلي شنووووووو شتكولين عيدي مفهمت منو الي تزوجت مريم شوكت اني يوميه باب بيتهم ماشفت سياره فاتت الهم ولا شي اصلاً مافاتت سياره زفه شلون تزوجت

فهيمه:-والله يمه ماادري بس هذا الي اعرفه هيه تزوجت الباقي مااعرفه

اصلاً اني اريد ازوجك شكو كاتل روحك عليها متكلي شخبصتنه بيها ياريتها حلوه

علي :- يومه اني ردت اكسر راسها اجيبها هنا ذليله لان كسرت كلمتي ورفضتني وفوكها تحجي بوجهي وتكول اليي يحجي ع ابويه مااريده ولج يمه اني احبها صح بس اني من وراها انضربت سجينه ومن وراها عفت شغلي وضليت مكابل بيتهم في سبيل اعرف رجلها وين واكسر كلبها عليه مثل مااكسرت كلبي عليها حقيره والله لو متزوجها جان شوفتها جهنم الحمره الى ان اخليها تكول اني غلطانه وارتكبت غلط من رفضتك

فهيمه :-هسه هذا الحجي صار ميفيد تزوجت وصارلها هوايه انته هم لازم تتزوج لازم تعيش حياتك الي بكدك عنده بيت وجهال وهسه مرتاح بحياته انته من وره وحده ابوها تبره من اخوانه تحرمني من شوفه ولدك كدامي كمت ابجي وكمت اصيح ادري بي اذا سمعني هيج يقبل يتزوج ماطول هو عرف تزوجت يعني يأس منها وبعد ماكو امل

علي :- يمه الي تسوي سوي لا تبجين ولا تصيحين الي عاجبج سوي

فهيمه :-يعني الكالك بنيه اني اخطبلك