ذهب مع الريح

البارت الرابع

ذهب مع الريح
البارت الرابع

للكاتبه يقين

احن الشوفتك كل ساعه واشتاك
وصرت ويه الهوئ مكتوب اوديلك
ساعه اكتب احبك ساعه اني اهواك
وساعه الروح تطلع مني تمشيلك

عباس :- خويه الحجي مو هيج اسمع الحجي وكول ياالله وخلينه نتفاهم انته انطي مجال خلي نكول لعدنه وراها شتريد يجرالك

ابو رسميه:- تفضل كول شيخ

عباس :- اول مشكتلك الاولى هي حسام مموافق مو صحيح

ابو رسميه :- اكيد حسام اخو الجبير من امه وابو وكاعد وياه وانه اخاف بيوم يرد يفكر يأخذله وحده منكم وبنتي تنظلم وياهم

عباس:- خوش حجي انه اخو الجبير لحسام واخو الجبير لصلاح وشيخهم انته منين تأخذ الحجايه وهاي كدام الحاضرين بنتك تكعد بيتها معززه مكرمه واذا رادوا يزوجوا ذاك الوقت تعال ليه اني اعرف اتصرف بس يااخوي اذا رفضت نطلع واحنه زعلانين والشيوخ واولاد العم كلهم كاعدين واكيد وياي

شيخ معروف:- ياا مصطفى هاي الناس الكبار والزلم الخيره جايه تخطب ايد بنتك رسميه لابنه صلاح وانته بعد بكيفك

ابو رسميه :- والله من بعد كلام الشيخ والشيوخ الكاعدين اني ماايرضه عليه زعلهم على بركه الله

صلاح :- كمت بست راس اخوي عباس وراس مصطفى واني طاير من الفرحه رسومتي راح اتصير الي مريتي اوووف شعشكها

طلعنه من بيت ابو رسميه والحمد لله خطبتها ورحت للبيت طبعاً جان الكل كالب الوجه لان خطبت بس صاحني حسام واني لزمت كلبي

صلاح :- ها خويه كول رايدني

حسام:- شوف خطبت رسميه وسكتت بس اكو شرط عندي

صلاح :- كول خويه شنو الشرط

حسام :- تبني الك ولحامد اخوك وياك لان عند قريب نزوجه

صلاح :- بس حامد عنده غرفه وعلى اساس يكعد بيها من يتزوج

حسام :- هذا شرطي اخوك هم يريد يأخذ راحته بيت واريد تكعده وياك تبني اله غرفه يمك ع الاقل بيت بي بس انته واحوك هنا هوسه وعيال يروح وياك يعيش هو ومرته

صلاح:- بس خويه الفلوس العندي مااعتقد تكفي

حسام:- مشكلتك انته حير بلموضوع والا اخرب كلشي

صلاح :-هذاهو امي لله انشالله خير
طلعت واني صفنه تجيبني وصفنه توديني راتبي ميكفي واكيد يرادلي فلوس ومنين اجيب ماادري شلون بيه ياربي والله تعبت ليش مااكتوبلي افرح بعرسي ليش 😔

ام رسميه:- ليش قبلت؛شلون مصطفى ليش نذب بتنه هلذبه

ابو رسميه :- كولي ياالله يامره الناس وشيوخ كبار وزلم خيره جايه شلون اردهم والاكثر من هذا عشيرتي وزعلهم يعني دماري ترديني اضل بلا عشيره البت هذا نصيبها وخلص سد الموضوع وخبري بتج تجهز روحه علما يكمل لبيت تتزوج خيطي الها وكملي جهازها