ذهب مع الريح

البارت الرابع عشر

ذهب مع الريح

البارت الرابع عشر

للكاتبه يقين

بيه #ونه لو ارد اهدهه تفزز الماتو #شلع
وبيه #حسره دكول جمره من #الضلع حد #الضلع
وبيه #اااااخ لون تطلع
دكول جادر #شاب منصوب #بفرع
وبيه #كلشي وكلشي مابيه ابد غير #الوجع

رسميه :- طلعت اريد اشوف شكو واسمع صوت طلقه واني اطلع والكه صلاح بلكاع مدمه والطلقه يكتفه وكمت ادك والطم حسام ركب سيارته وراح ملحكت بي حتى مكلف نفسه يشيل اخوه بلسياره ويأخذه للمستشفى كمت ادك والطم مريم وينج قمر ولجن اي وحده منجن تجي

سمر :- يومه بابا شبي وكمت ادك والطم والبنات وياي

رسميه :- روحن وحده منجن لبيت جيرانه ابو سيف خلي يجي ابنهم قاسم لعنده سياره بسرعه
وحده منجن تدخل تجيبلي شي اسد بي ايده حتى لتنزف كلت لازم اصير قويه حتى يعيش مو لازم اضل كاعده وادك والطم بعدنه محتاجي ونريده بدونه منسوه شي

سيف :- اجيت اركض ها عمه شبي عمي كومي خلي نكومه بسرعه

رسميه :- كومي يمه سمر وياي انتي وانتن اقفلن الباب زين ومتفتحن الباب لاحد وركضت للسياره رحنه للمستشفى واحذوا لغرفه العمليات واني ميته خوف وقلق جبت سمر ويايه لان كلت خاف يصير بيه شي اوكع سمر اقواهن واجرأهن تكدر تسيطر على الوضع لان مريم هسه ادري بيها مناهره وقمر متتحمل موقف بي دم وهلسوالف تخاف وفطومه بعدها صغيره اخاف عليها

وكاعده ابجي بدون صوت ومقهوره ومااريد احد يحس بوجعي لان مستشفى وخطيه سيف الولد بقه ويانه مراح لان ماويانه ولد واني هم امنت احسن مانضل وحدنه

سمر:- عمري صار ١٢ سنه واني شفت من العذاب والالم لابوي وامي من عمي اشكال بس متوقعت بيوم من الايام عمي يقتل ابوي بدم بارد ويروح ولاكنما شي صاير يعني معقوله الشيخه والورث والسوالف هاي هيج تخلي الاخوه الي جمعهم جدي بمنطقة وحده يفرقهم اخ عاق وقاسي وميخاف الله

رسميه:- كاعده وانتضر حبيب كلبي الي حبيته اكثر من روحي احد يطمني عليه منتضرته يطلع حتى املي عيني بشوفته طلع الدكتورر واني ركضت عليه
بشر دكتور الله يخليك طمني

الدكتور:- هو هسه عده مرحله الخطر والاصابه مو كلش قويه الحمد لله بس سببت عنه كسر مع الايام انشالله تتحسن الحمد لله على سلامته

رسميه :- اكدر اشوفه

الدكتور :- انشالله باجر الصبح تشوفوا

رسميه:- شكرا دكتور ضليت منايمه للصبح عفت البجي وبقيت اقره قرءان وادعي اله وسمر خطيه ويايه ساعه جايبتلي مي ساعه تكعد تواسيني ساعه الكاها خاتله تبجي بس متبين لاحد

مريم :- اني بلبيت وازيد بس اعرف خبر يطمنه عن بابا وضليت طول لليل اعتاب نفسي واكول ليش هيج سويتي بأهلج ياامريم ليش كلشي صار بسببج والله اذا باابا صارله شي اموت وراه ياربي فدوه ماعندي غيرك أحفظلي ابوي بحق البني وضليت ساعه ادعي ساعه ابجي وساعه بالي يم ابوي والوم بنفسي